Just In
- 24 min ago Garlic Peels: பூண்டின் தோலில் இவ்வளவு நன்மைகளா? என்னென்ன-ன்னு தெரிஞ்சா ஆச்சரியப்படுவீங்க..
- 59 min ago Hair Care: பளபளப்பான மற்றும் வலிமையான முடி வேணுமா? கற்பூரத்தை இப்படி யூஸ் பண்ணுங்க... சர சரனு வளரும்...!
- 1 hr ago 3 முள்ளங்கியும், 1 தக்காளியும் இருந்தா.. இப்படி சட்னி செய்யுங்க.. இட்லி, தோசைக்கு செமயா இருக்கும்..
- 2 hrs ago கோடையில் செல்லப்பிராணிகளை பராமரிப்பது எப்படி ? இதோ டிப்ஸ்..!
Don't Miss
- Sports IPL 2024: ஐபிஎல் வரலாற்றிலேயே மிக மோசமான பவுலிங்.. ரிஷப் பண்ட் வைத்த ஆப்பு.. கதிகலங்கிய மோஹித்
- Technology சீனாவிற்கு செக் வச்ச கேப்புல.. ரஷ்யாவிற்கும் ஒரு ஆப்பு பார்சல் பண்ண இந்தியா.. சாதித்தது DRDO புதிய ஏவுகணை!
- Automobiles பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- News உடல் பருமன் அறுவை சிகிச்சையால் இறந்த மகன்.. முதல்வர் ஸ்டாலினுக்கு தந்தை கண்ணீர் மல்க கோரிக்கை
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Movies வருஷத்துக்கு ஒரு படமாவது பண்ணுங்க.. விஜய்யை சந்தித்து அதிரடியாக கோரிக்கை வைத்த பிரபலம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
குடலைப் பாதுகாக்கும் நல்ல பாக்டீரியாக்களின் அளவை அதிகரிக்கும் சில வழிகள்!
குடல் ஆரோக்கியம் முழுவதும் ஒருவரது கையில் தான் உள்ளது. அதற்கு டயட் மற்றும் வாழ்க்கை முறையில் சில மாற்றங்களை செய்ய வேண்டும். இதனால் குடலில் உள்ள நல்ல பாக்டீரியாக்களின் அளவு அதிகரிக்கும்.
பாக்டீரியாக்கள் என்றதும் தீங்கு விளைவிப்பவைகளாகத் தான் மனதில் தோன்றும். ஆனால் நம் உடலில் இயற்கையாகவே சில பாக்டீரியாக்கள் உள்ளது தெரியுமா? அதுவும் நம் குடலில் செரிமானத்தை மேம்படுத்த மற்றும் ஒட்டுமொத்த உடல் ஆரோக்கியத்திற்கு பாதுகாப்பளிக்கும் நல்ல பாக்டீரியாக்கள் இருக்கின்றன. ஒருவரது உடலில் நல்ல பாக்டீரியாக்களின் அளவு குறைந்தால், பல ஆரோக்கிய பிரச்சனைகளை ஏற்படுத்தும்.
குடல் ஆரோக்கியம் முழுவதும் ஒருவரது கையில் தான் உள்ளது. அதற்கு டயட் மற்றும் வாழ்க்கை முறையில் சில மாற்றங்களை செய்ய வேண்டும். இதனால் குடலில் உள்ள நல்ல பாக்டீரியாக்களின் அளவு அதிகரிக்கும். இக்கட்டுரையில் குடலில் நல்ல பாக்டீரியாக்களின் அளவை அதிகரிக்கும் சில வழிகள் கொடுக்கப்பட்டுள்ளன. அதைப் படித்து பின்பற்றி, குடல் ஆரோக்கியத்தை மேம்படுத்திக் கொள்ளுங்கள்.
புளிக்க வைக்கப்பட்ட உணவுகள்
உணவுகளைப் புளிக்க வைக்கும் பாக்டீரியாக்கள், அதாவது புளிக்க வைக்கப்பட்ட உணவுகளில் நல்ல பாக்டீரியாக்கள் அதிகம் இருக்கும். யோகர்ட், கிமிச்சி, கொம்புச்சா போன்றவை சிறந்த புளிக்க வைக்கப்பட்ட உணவுகளாகும். இவை உடலில் உள்ள கெட்ட பாக்டீரியாக்களை அழித்து, பல நோய்களைத் தடுக்கும்.
புளிக்க வைக்கப்பட்ட உணவுகளில் லாக்டோபேசில்லி பாக்டீரியா அதிகம் உள்ளது. அது வயிற்றில் உள்ள அழற்சியைக் குறைக்கும் மற்றும் நாள்பட்ட நோய்களில் இருந்து பாதுகாப்பு அளிக்கும். அதே சமயம் யோகர்ட்டை ஒருவர் சாப்பிட்டால், அது லாக்டோஸ் சகிப்புத்தன்மைக்கு சிகிச்சை அளிப்பதோடு, குடலில் உள்ள பாக்டீரியாக்களை மாற்றும்.
MOST READ: உள்ளுறுப்பு கொழுப்புக்களைக் கரைக்க உதவும் ஓர் எளிய வழி!
பருப்பு வகைகள்
பருப்பு வகைகள், பீன்ஸ், பழங்கள் மற்றும் காய்கறிகள் நல்ல பாக்டீரியாக்களை உடலில் அதிகரிக்கும். இவற்றில் அதிகப்படியான நார்ச்சத்து உள்ளது மற்றும் இவை குறிப்பிட்ட பாக்டீரியாக்களால் எளிதில் ஜீரணிக்கப்படலாம். நார்ச்சத்துள்ள உணவுகளை அதிகம் உட்கொண்டால், உடலில் நல்ல பாக்டீரியாக்களின் அளவும் அதிகரிக்கும். பருப்பு வகைகள் மற்றும் பீன்ஸை தவிர, பச்சை பட்டாணி, ப்ராக்கோலி, முழு தானியங்கள், ராஸ்ப்பெர்ரி, கொண்டைக்கடலை போன்றவற்றையும் அதிகம் உட்கொள்வது நல்லது.
MOST READ: உண்மையில் பிரதமர் மோடி ஏன் அக்குபிரஷர் ரோலரை கையில் வைத்திருந்தார் தெரியுமா?
ப்ரீபயாடிக் உணவுகள்
ப்ரீயாடிக் உணவுகள் வயிற்றில் நல்ல பாக்டீரியாக்களின் வளர்ச்சியை ஊக்குவிக்கும். இந்த பாக்டீரியாக்கள், உடல் பருமனுடன் இருப்பவர்கள் சந்திக்கும் வளர்சிதை மாற்ற கோளாறுகளை சரிசெய்ய உதவும். ப்ரீபயாடிக் உணவுகளில் காம்ப்ளக்ஸ் கார்போஹைட்ரேட்டுகள் மற்றும் நார்ச்சத்து உள்ளதால், இவை எளிதில் செரிமானமாகாது. எனவே நமது உடல் இந்த உணவுகளை செரிமானம் செய்வதற்கு சில அத்தியாவசிய பாக்டீரியாக்களை உற்பத்தி செய்து, உடலுக்கு ஆற்றலை வழங்கும். இந்த ப்ரீபயாடிக் உணவுகளாவன முழு தானியங்கள், காய்கறிகள் மற்றும் பழங்கள் போன்றவை.
MOST READ: முதுகெலும்பின் வலிமையை அதிகரிக்க சாப்பிட வேண்டிய உணவுகள்!
தாவர வகை டயட்
சில ஆய்வுகளில் வெஜிடேரியன் மற்றும் தாவர வகை டயட்டை மேற்கொள்பவர்களின் உடலில் நல்ல பாக்டீரியாக்கள் வளமான அளவில் இருப்பதாக தெரிய வந்துள்ளது. நமது உடலில் பல்வேறு டயட்டுகளால் பல வகையான பாக்டீரியாக்கள் உற்பத்தி செய்யப்படுகின்றன. அதில் வெஜிடேரியன் டயட் குடலில் நல்ல பாக்டீரியாக்களின் வளர்ச்சியை ஊக்குவிப்பது கண்டறியப்பட்டுள்ளது. இதற்கு காரணம், தாவர வகை உணவுப் பொருட்களில் உள்ள அதிகப்படியான நார்ச்சத்து கூட இருக்கலாம். மேலும் வெஜிடேரியன் டயட்டை மேற்கொள்பவர்களுக்கு கொலஸ்ட்ரால், உட்காயங்கள் மற்றும் உடல் எடை பிரச்சனை சற்று குறைந்திருப்பதாக முன்னணி சுகாதார வலைத்தளம் ஒன்றில் குறிப்பிடப்பட்டுள்ளது.
MOST READ: நீங்கள் சர்க்கரை நோயாளியா? அப்ப மீந்து போன பழைய சப்பாத்தியை சாப்பிடுங்க...
பாலிஃபீனால் உணவுகள்
குடலில் நல்ல பாக்டீரியாக்கள் வளமாக இல்லாவிட்டால், பாலிஃபீனால்களை ஜீரணிப்பது சற்று கடினம். எனவே தான் குடலில் நல்ல பாக்டீரியாக்களை உற்பத்தி செய்யத் தூண்டும் இம்மாதிரியான உணவுகளை அடிக்கடி தேர்ந்தெடுத்து உட்கொள்ள வேண்டும். இதனால் இதய ஆரோக்கியம் மேம்படும் மற்றும் உட்காயங்கள் குறையும். பாலிஃபீனால்கள் பல்வேறு ஆரோக்கிய நன்மைகளை வழங்கக்கூடியது. அதில் இரத்த அழுத்தத்தைக் கட்டுப்படுத்துவது, கொலஸ்ட்ரால் அளவைக் குறைப்பது, ஆக்ஸிஜனேற்ற அழுத்தத்தைக் குறைப்பது போன்றவை குறிப்பிடத்தக்கவை.
எனவே பாலிஃபீனால்கள் நிறைந்த உணவுப் பொருட்களான ப்ராக்கோலி, வெங்காயம், ப்ளூபெர்ரி, க்ரீன் டீ, பாதாம், ரெட் ஒயின், டார்க் சாக்லேட் மற்றும் கொக்கோ போன்றவற்றை அடிக்கடி சாப்பிட வேண்டும். இதனால் குடலில் நல்ல பாக்டீரியாக்கள் ஊக்குவிக்கப்படும்.