இரவில் நிம்மதியான தூக்கத்தைப் பெற செய்யக்கூடாத 5 விஷயங்கள்!

ஸ்நாக்ஸ் சாப்பிடுவது

படுக்கைக்கு முன் எந்த ஒரு உணவை உட்கொண்டாலும், அதனால் உடலுறுப்புக்கள் ஓய்வின்றி இரவிலும் வேலை செய்ய வேண்டியிருக்கும். இப்படி ஓய்வின்றி உடலுறுப்புக்கள் செயல்பட்டால், நாளடைவில் அது பழுதடையக்கூடும். எனவே இரவில் தூங்குவதற்கு 1 மணிநேரத்திற்கு முன்பே இரவு உணவை உட்கொள்ளுங்கள்.

டிவி பார்த்துக் கொண்டே தூங்குவது

அலுவலகம் முடிந்து வீட்டிற்கு தாமதமாக வரும் போது, ரிலாக்ஸ் செய்வதற்கு டிவி பார்ப்போம். இப்படி டிவி பார்க்கும் போது, அதிலிருந்து வெளிவரும் நீல நிற வெளிச்சம், உடலில் தூக்கத்தைக் கட்டுப்படுத்தும் மெலடோனின் என்னும் ஹார்மோனை உற்பத்தி செய்து, நிம்மதியான தூக்கத்தைப் பெறுவதில் இடையூறை ஏற்படுத்தும். எனவே இரவில் டிவி பார்ப்பதையோ அல்லது மொபைலை அருகில் வைத்துக் கொண்டு தூங்குவதையோ தவிர்த்திடுங்கள். அதுவும் தூங்குவதற்கு 1 மணிநேரத்திற்கு முன்பே டிவியை அணைத்துவிடுங்கள்.

ஆல்கஹால் பருகுவது

இரவில் நிம்மதியான தூக்கம் வேண்டுமென்று ஆல்கஹால் பருகுவோர் அதிகம். ஆனால், உண்மையில் ஆல்கஹால் பருகினால் தூக்கத்தில் இடையூறு ஏற்பட்டு, உடலுக்கு வேண்டிய ஓய்வு கிடைக்காமல் போகும். என்ன தான் இரவில் ஆல்கஹால் பருகி தூங்கினாலும், நடு ராத்திரியில் ஒருமுறையாவது கழிவறை செல்ல வேண்டி வந்து, தூக்கத்தில் இடையூறு ஏற்படும். பின் மறுநாள் காலையில் நீங்கள் மிகுதியான களைப்பை உணரக்கூடும்.

உடற்பயிற்சி செய்வது

உடற்பயிற்சி ஆரோக்கியமான ஒன்று தான். ஆனால் அதனை இரவில் தூங்குவதற்கு குறைந்தது 3 மணிநேரத்திற்கு முன்பே செய்து முடிக்க வேண்டும். ஏனெனில் உடற்பயிற்சியின் போது இதயம், மூளை மற்றும் தசைகள் மிகவும் கடுமையாக வேலை செய்யும். இந்நேரத்தில் உடலின் வெப்பநிலை அதிகமாக இருக்கும். இதனால் தூக்கத்திற்கு இடையூறு ஏற்படும்.

பகலில் நீண்ட நேரம் தூங்குவது

பகலில் தூக்கம் வந்தால், 30 நிமிடத்திற்கு மேல் தூங்க வேண்டாம். ஏனெனில் 30 நிமிடத்திற்கு மேல் பகலில் அதிலும் மாலையில் தூக்கத்தை மேற்கொண்டால், அதனால் இரவில் நீண்ட நேரம் விழித்திருக்க வேண்டியிருக்கும். பின் இரவில் தாமதமாக தூங்கி, காலையில் அலுவலகத்திற்கு செல்ல எழும் போது மிகுந்த சோர்வை சந்திக்க நேரிடும்.