உங்க கொலஸ்ட்ரால் அளவை கட்டுக்குள் வைத்திருக்க 'இந்த' உணவுகள் போதுமாம்...!

கொழுப்பு வகைகள்

எல்.டி.எல் (குறைந்த அடர்த்தி கொண்ட லிப்போபுரோட்டீன்) கெட்ட கொழுப்பு, எச்.டி.எல் (உயர் அடர்த்தி கொண்ட கொழுப்புப்புரதம்) நல்ல கொழுப்பு ஆகும். எல்.டி.எல் என்பது கெட்ட கொழுப்பு ஆகும். இது இரத்த நாளங்களில் பிளேக் உருவாக்க வழிவகுக்கும். இது மாரடைப்பு மற்றும் பக்கவாதம் ஏற்படும் அபாயத்தை அதிகரிக்கிறது. எச்.டி.எல், நல்ல கொழுப்பு ஒருவரின் உடலில் இருந்து அதிகப்படியான எல்.டி.எல் அகற்ற உதவுகிறது.

எப்படி குறைக்கலாம்?

தினசரி உடற்பயிற்சி செய்வது, புகைபிடிப்பது மற்றும் உகந்த எடையை பராமரிப்பது ஆகியவை கொலஸ்ட்ரால் அளவை நிர்வகிக்க உதவும் வேறு சில விஷயங்களைச் செய்யலாம். மேலும், இனிப்பு வகைகள், பதப்படுத்தப்பட்ட துரித உணவுகள் மற்றும் குப்பை உணவுகளை தவிர்ப்பது நல்லது.

ஓட்ஸ்

ஓட்ஸில் கரையக்கூடிய நார்ச்சத்து உள்ளது. இது பீட்டா-குளுக்கன் என அழைக்கப்படுகிறது. மேலும், இது கொழுப்பைக் குறைக்க உதவுகிறது.

பீன்ஸ்

பீன்ஸில் எல்.டி.எல் கொழுப்பைக் குறைக்க உதவும் கரையக்கூடிய நார்ச்சத்துகளால் நிரம்பியுள்ளது.

வெண்டைக்காய்

வெண்டைக்காயில் குறைந்த கலோரிகள், கரையக்கூடிய நார்ச்சத்து அதிகம். இது அனைவருக்கும் பிடித்து காய். வெண்டைக்காய் சாப்பிடுவது கொழுப்பின் அளவை பராமரிக்க உதவுகிறது.

நட்ஸ்கள்

நட்ஸ்கள் ஆரோக்கியமான கொழுப்புகளைக் கொண்டுள்ளன. அவை நம் இதயத்திற்கு நல்லது. பாதாம், வேர்க்கடலை மற்றும் அக்ரூட் பருப்புகள் குறிப்பாக உங்கள் இதய ஆரோக்கியத்திற்கு அதிசயங்களைச் செய்கின்றன. கொழுப்பைத் தவிர, அவை உங்கள் ட்ரைகிளிசரைடு அளவைக் குறைக்கவும் உதவும்.

பருப்பு வகைகள்

அனைத்து பயறு வகைகளும் தாவர அடிப்படையிலான புரதங்கள் மற்றும் கரையக்கூடிய இழைகளால் நிறைந்துள்ளன. கொழுப்பின் அளவைக் குறைக்க பருப்பு வகைகள் மற்றும் சுண்டல் போன்றவைகளை உங்கள் உணவில் சேர்க்க முயற்சிக்கவும்.

சோயாபீன்ஸ்

சோயா மற்றும் டோஃபு பாலில் நார்ச்சத்து மற்றும் புரதம் அதிகம் இருப்பதால் கொழுப்பின் அளவைக் கட்டுக்குள் வைத்திருக்க உதவுகிறது.

கொழுப்பு நிறைந்த மீன்

சால்மன், மத்தி மற்றும் கானாங்கெளுத்தி உள்ளிட்ட மீன்களில் ஒமேகா -3 கொழுப்பு அமிலங்கள் நிறைந்துள்ளன, இதனால் உங்கள் இதய ஆரோக்கியத்திற்கு இது மிகவும் சிறந்தது.