நீங்கள் விரும்பி சாப்பிடும் இந்த பழம் உங்கள் உடல் எடையை எப்படி அதிகரிக்க செய்கிறது தெரியுமா?

அலர்ஜி

திராட்சையால் அலர்ஜிகள் ஏற்படுவது மிகவும் குறைவுதான் ஆனால் இது திராட்சையினால் ஏற்படும் பக்கவிளைவுகளில் தவிர்க்க முடியாத ஒன்று. திராட்சையை தொடுவது கூட சிலருக்கு அலர்ஜியை ஏற்படுத்துமமாம். இதனால் ஏற்படும் விளைவுகள் என்னவெனில் வீக்கம், சருமத்தில் சிவப்பு நிற தடிப்புகள், சுவாச பிரச்சினை, தொடர்ச்சியான தும்மல் போன்றவையாகும். சிலசயமங்களில் சிலர் திராட்சை சாப்பிட்ட சில நிமிடங்களிலேயே அனாஃபிலாக்டிக் அதிர்ச்சி நிலைக்கு செல்ல வாய்ப்புள்ளது. இதற்கு காரணம் திராட்சை மீது உபயோகிக்கும் பூச்சிக்கொல்லிகளாக கூட இருக்கலாம்.

எடை அதிகரிப்பு

திராட்சைகளில் கலோரிகள் மிகவும் குறைவாக உள்ளது. ஒரு கப் திராட்சையில் 100 கலோரிகள் மட்டுமே உள்ளது. திராட்சையின் மிகப்பெரிய பிரச்சினை அதன் அளவுதான், ஏனெனில் இதன் அளவும், சுவையும் நீங்கள் எவ்வளவு சாப்பிடுகிறீர்கள் என்பதை மறக்கவைக்கும். இது 100 கலோரிகளின் அளவை இருமடங்காக உயர வழிவகுக்கிறது. எனவே நீங்கள் தொடர்ச்சியாக திராட்சை சாப்பிடும்போது உங்கள் கலோரிகளின் எண்ணிக்கை அதிகரிக்கிறது, இது அப்படியே எடை அதிகரிக்கவும் வாய்ப்புகளை அதிகரிக்கிறது.

அதிக கார்போஹைட்ரேட்

கார்போஹைட்ரேட் உங்கள் உடலில் குளுக்கோஸாக மாறுகிறது. நமது தினசரி உணவில் கார்போஹைட்ரேட் இருக்க வேண்டியது அவசியம். நீங்கள் தினசரி எடுத்துக்கொள்ளும் கார்போஹைட்ரேட் அளவில் 45 முதல் 60 சதவீதம் வரை கார்போஹைட்ரேட்டில் இருந்து கிடைக்கிறது. திராட்சை அதிகளவு சாப்பிடுவது உங்கள் உணவில் அதிகளவு கார்போஹைட்ரேட்டை சேர்க்கிறது. உங்கள் உடலில் கார்போஹைட்ரேட்டின் அளவு அதிகரிப்பது உங்களுக்கு நல்லதல்ல.

செரிமான கோளாறு

அதிகளவு திராட்சை மற்றும் உலர் திராட்சை சாப்பிடுவது உங்களுக்கு செரிமான பிரச்சினையை ஏற்படுத்தும். சிலசமயம் இதனால் வயிற்றுப்போக்கு கூட ஏற்படலாம். இதில் உள்ள அதிகளவு ப்ரக்டோசால் அடிவயிற்றில் வலி மற்றும் செரிமான பிரச்சினைகள் ஏற்படலாம். ப்ரக்ட்டோஸ் பாதிப்பு உள்ளவர்கள் திராட்சை சாப்பிடுவது அவர்களுக்கு கல்லீரல் மற்றும் சிறுநீரக பிரச்சினைகளை ஏற்படுத்தும்.

வாயுப்பிரச்சினை

திராட்சைகள் செரிக்கும் போது அதிகளவு ப்ரக்ட்டோஸ் வெளியிடப்படுகிறது. செரிமான மண்டலம் இந்த ப்ரெக்டொசை உடைத்து செரிமானம் அடைய வைக்கிறது, ஆனால் இது அதிகமாக இருக்கும்போது அதன் ஒருபகுதி பெருங்குடலுக்குள் செல்கிறது. பெருங்குடலில் உள்ள பாக்டீரியாக்கள் இந்த ப்ரெக்டொசை வாயுவாக மாற்றுகிறது. இதனால் வீக்கம் மற்றும் குமட்டல் போன்ற பிரச்சினைகள் ஏற்படுகிறது.

வாந்தி

நீங்கள் உங்கள் உணவில் அதிகமாக நார்ச்சத்துக்களை சேர்த்துக்கொள்ளாவிட்டால் நீங்கள் திராட்சை சாப்பிடுவதை குறைத்துக்கொள்ள வேண்டும். ஏனெனில் திராட்சையிலிருந்து கிடைக்கும் மொத்த நார்ச்சத்துக்களையும் செரிக்க வைப்பது என்பது நமது செரிமான மண்டலத்திற்கு மிகவும் கடினமான காரியமாகும். இதன் விளைவாக உங்கள் வயிற்றில் பல அசௌகரியங்கள் ஏற்படலாம். இது உங்களுக்கு அடிக்கடி வாந்தி ஏற்பட வழிவகுக்கும். இதில் உள்ள சில வைட்டமின்கள் கூட வாந்தி ஏற்பட தூண்டக்கூடும்.