ஆண்கள் கேரட் சாப்பிட்டால் விந்தணுவின் ஆரோக்கியம் மேம்படுமாம் : ஆய்வில் தகவல்!

ஆய்வில் 200 ஆண்கள்

அமெரிக்காவில் உள்ள ஹார்வார்டு பல்கலைகழகத்தில் உள்ள ஆராய்ச்சியாளர்கள் மேற்கொண்ட ஆய்வில் 200 இளம் ஆண்கள் பல்வேறு வகையான காய்கறிகள் மற்றும் பழங்களை உட்கொண்டு வந்து, அதனால் விந்தணுவின் ஆரோக்கியத்தை ஆராய்ந்தனர்.

மஞ்சள் மற்றும் ஆரஞ்சு நிற உணவுகள்

அந்த ஆராய்ச்சியில் மஞ்சள் மற்றும் ஆரஞ்சு நிற உணவுகளை உட்கொண்டவர்களின் விந்தணு ஆரோக்கியமாகவும், வலிமையுடனும் இருப்பது தெரிய வந்தது.

கேரட் சிறந்தது

ஆரஞ்சு நிற காய்கறிகளிலேயே கேரட்டில் தான் விந்தணுவின் தரத்தை அதிகரிக்கும் கரோட்டினாய்டு அதிகம் உள்ளதால், ஆண்கள் இதனை அன்றாடம் உட்கொண்டு வந்தால், விந்தணு குறைபாடு நீங்கும் என்றும் கண்டுபிடிக்கப்பட்டுள்ளது.

சர்க்கரைவள்ளி கிழங்கு மற்றும் முலாம்பழம்

அதேப்போல் சர்க்கரைவள்ளி கிழங்கு மற்றும் முலாம் பழமும் விந்தணுவின் எண்ணிக்கையையும், தரத்தையும் அதிகரிப்பதாக இந்த ஆய்வு சொல்கிறது. இருப்பினும் கேரட் விந்தணுவின் இயக்கம், அதாவது விந்தணுவானது நீந்தி கருமுட்டையை அடையும் அளவிலான சக்தியை கொண்டுள்ளதாகவும் ஆய்வு கூறுகிறது.

தக்காளி

சிவப்பு பழங்கள் மற்றும் காய்கறிகளில், அதிலும் லைகோபைன் என்னும் புற்றுநோய் எதிர்ப்பு கெமிக்கல் நிறைந்த தக்காளியானது, வழக்கத்துக்கு மாறான வடிவம் கொண்ட விந்தணுவை சரிசெய்யும் நிகழ்வுடன் தொடர்புடையதாக இருப்பதும் தெரியவந்தது.

கரோட்டினாய்டு மற்றும் லைகோபைன் அவசியம்

ஆகவே ஆண்கள் தங்களின் விந்தணுவின் ஆரோக்கியத்தையும், தரத்தையும், எண்ணிக்கையும் சரியாக பராமரிக்க, அன்றாட உணவில் கரோட்டினாய்டு நிறைந்த கேரட்டையும், லைகோபைன் நிறைந்த தக்காளியையும் சேர்த்துக் கொள்வது நல்லது.

குறிப்பு

விந்தணுவின் தரத்தை அதிகரிக்க, கேரட் மற்றம் தக்காளியுடன், நல்ல கொழுப்புக்கள் மற்றும் ஒமேகா-3 ஃபேட்டி ஆசிட்டுகள் நிறைந்த மீன்கள் மற்றும் இதர உணவுகளை தேர்ந்தெடுத்து அதிக அளவில் உட்கொண்டு வருவது இன்னும் சிறந்தது.