காண்டாக்ட் லென்ஸ் அணிவதால் ஏற்படக்கூடிய அபாயங்கள்!!!

நீண்ட நேரம் ஆபத்து

காண்டாக்ட் லென்ஸை நீண்ட நேரம் அணிந்து வந்தால், கண்களின் விழிவெண்படலம் கடுமையாக பாதிக்கப்படும் என்று நிபுணர்கள் கூறுகின்றனர்.

நோய்த்தொற்றுகள்

காண்டாக்ட் லென்ஸ் அணிய விரல்களைப் பயன்படுத்தும் போது, கைகள் சுத்தமாக இருக்க வேண்டும். இல்லாவிட்டால், கண்களில் அதிக அளவில் பாக்டீரியாக்கள் தொற்றி, கண்களுக்கு பிரச்சனையைத் தரக்கூடும்.

விழிவெண்படல புண்

ஆய்வுகளில், புகைப்பிடிப்பவர்கள் காண்டாக்ட் லென்ஸ் அணிந்தால், விழிவெண்படல புண்கள் ஏற்படுவதற்கான வாய்ப்பு அதிக அளவில் உள்ளதாக தெரிய வந்துள்ளது.

தூசிகள்

காற்றின் மூலம் தூசிகளானது காண்டாக்ட் லென்ஸ்களில் படிந்து, அதனை சரியாக கவனிக்காமல், கண்களில் பொருத்தினால் அரிப்புக்கள் மற்றும் உறுத்தல்கள் எந்நேரமும் இருந்து, அதனால் கண்களில் இருந்து கண்ணீர் அதிகம் வெளிவரும்.

உலர்ந்த கண்கள்

சிலருக்கு, காண்டாக்ட் லென்ஸ் கண்களில் வறட்சியை ஏற்படுத்தும். ஏனெனில் லென்ஸானது கண்களை மூடி, ஆக்ஸிஜனை அடைத்துவிடும். இதனால் கண்களில் வறட்சி ஏற்படும்.

குறிப்பு

நீச்சலில் ஈடுபடும் போது, காண்டாக்ட் லென்ஸை எடுத்துவிட்டு பின் இறங்க வேண்டும். இதனால் கண்ளில் பிரச்சனைகள் ஏற்படுவதைத் தவிர்க்கலாம்.