பிரட்டை எப்படி பரிசோதித்து வாங்குவது?

எந்த மாதிரி வாங்க வேண்டும் ?

பொதுவாக முழுதானியங்கள் அடங்கிய பிரட் வாங்க வேண்டும். கடைகளில் வாங்கும்போது முழுதானியம்(whole grain) என போட்டிருக்கிறதா என பார்த்து வாங்குங்கள்.

இவைகளில் நார்சத்து, புரோட்டின், விட்டமின் , மினரல் ஆகியவை அடங்கியுள்ளன. பருப்பு வகைகள், பிரவுன் அரிசி, கோதுமை, பார்லி, ஓட்ஸ் ஆகியவை அடங்கிய பிரட்டுகள் கடைகளில் விற்பதுண்டு.

வெள்ளை பிரட் வாங்காதீர்கள். உடலுக்கு நல்லதல்ல. அவை முற்றிலும் மைதாவினால் செய்யப்படுபவை. ஆகவே சுவைக்காக பிரட் வாங்குவது தவறு.

லேபிள் பார்த்து வாங்குங்கள் :

வாங்கும்போது அதில் 100 % முழுதானியம் ( whole grain) என்று முத்திரை குத்தப்பட்டுள்ளதா என பார்த்து வாங்குங்கள். லேபிள் இருந்தால்தான் அவற்றில் அதிகபட்சம் 16 வகையான பருப்பு வகைகளும் தானியங்களும் அடங்கியவை என அர்த்தம்.

லேபிள் இல்லையென்றால் அவற்றில் வெறு 50 சதவித சத்துக்களே அடங்கியிருக்கும். மீதி மைதா போன்ற பொருட்கள் அடங்கியிருக்கும்.

சுவை :

வெறும் கோதுமை அதிகம் நிறைந்த பிரட்டுகளில் சுவை இருக்காது ஆனால் ஓட்ஸ், பார்லி, பிரவுன் அரிசி ஆகியவைகளில் செய்யப்படும் பிரட்டுகளில் சுவையும் இருக்கும்.

சத்துக்களும் அதே அளவு இருக்கும். அவற்றில் நீங்கள் காய்கறிகள், கலந்து சாண்ட்விச்சாக சாப்பிடும்போது அதன் சுவை அதிகரிக்கும். பல மடங்கு சத்துக்கள் கிடைக்கும்.

தேவைப்படும் நார்சத்து :

நார்சத்துக்களில் கவனம் கொள்ளுங்கள். குறைந்தது 3 தானியங்களாவது இருக்கும்படி பிரட் வாங்குங்கள். இவையே உடல் எடையை அதிகரிக்கச் செய்யாமல் ஆரோக்கியத்துடன் வாழ உதவும்

தயாரித்த தேதி முக்கியம் :

பொதுவாக பிரட்டில் ஈஸ்ட் கலப்பதால் எளிதில் கெட்டுபோகும் வாய்ப்புண்டு. ஆகவெ தயாரிக்கும் தேதியை முக்கியமாக பாருங்கள்.

எந்த பிரட்டையும் 1 வாரத்திற்கு மேல் வைத்து சாப்பிடக் கூடாது. வயிற்று உபாதைகளை கொடுத்துவிடும். ஆகவே புதிதான பிரட்டுகளையே பார்த்து உடனுக்குடன் சாப்பிட்டு விடுங்கள்.