ஜிம் செல்ல முடியவில்லையா? கவலைப்படாதீங்க... இந்த உடற்பயிற்சிகளை வீட்டுல செய்யுங்க...

1. லுங்கெஸ் பயிற்சிகள்

லுங்கெஸ் பயிற்சிகளைப் பின்வருமாறு செய்ய வேண்டும்.

- முதலில் இடுப்பில் இரண்டு கைகளையும் வைத்துக் கொண்டு, நேராக நின்று கொள்ள வேண்டும்

- பின் இடது காலை சற்று முன்பக்கம் நகா்த்தி வைத்து, அதை 90 டிகிாி அளவிற்கு மடக்கி சிறிது நேரம் வைத்திருக்க வேண்டும்.

- இப்போது நோ் நிலைக்கு வந்து, வலது காலால் அதைச் செய்ய வேண்டும். இவ்வாறு இரண்டு கால்களாலும் திரும்பித் திரும்பிச் செய்ய வேண்டும்.

- இவ்வாறு செய்யும் போது நமது முதுகு நேராக இருக்க வேண்டும்.

- இந்த லுங்கெஸ் பயிற்சிகளைச் சற்று கடினமாக்க நமது கைகளில் தண்ணீா் பாட்டில்களை வைத்துக் கொண்டு செய்யலாம்.

2. ப்ளாங் தண்டால் பயிற்சிகள்

ப்ளாங் தண்டால் பயிற்சிகளைப் பின்வருமாறு செய்யலாம்.

- முதலில் தரையில் குப்புறப்படுத்துக் கொள்ள வேண்டும்.

- பின் ஒரு உள்ளங்கையை தரையில் ஊன்றி உடலை சற்று மேலே தூக்க வேண்டும், அப்போது மற்றொரு கரத்தின் முழங்கைப் பகுதித் தரையைத் தொடுவது போல் இருக்க வேண்டும்.

- இப்போது கையை மாற்றி இந்தப் பயிற்சியைச் செய்ய வேண்டும்.

- தண்டால் பயிற்சிகளைச் செய்யும் போது நமது உடல் முழுவதும் இயக்கத்தில் இருப்பது போல் பாா்த்துக் கொள்ள வேண்டும்.

- நமக்கு களைப்பு ஏற்படும் வரை இந்த தண்டால் பயிற்சிகளைச் செய்யலாம்.

3. ஸ்டெப் அப் பயிற்சிகள்

ஸ்டெப் அப் பயிற்சிகளைப் பின்வருமாறு செய்யலாம்.

- சற்று உயரமான தரையைத் தோ்ந்தெடுத்துக் கொள்ள வேண்டும். அது படிக்கட்டாகக்கூட இருக்கலாம். அனால் அது அதிக உயரமாக இருக்கக்கூடாது.

- முதலில் இடது காலை படிக்கட்டின் மீது ஊன்றி உடலைத் தூக்கி, வலது காலை படிக்கட்டின் மீது வைக்க வேண்டும். பின் இடது காலைத் தரையில் இறக்கி வலது காலையும் தரையில் ஊன்ற வேண்டும்.

- இப்போது வலது காலைப் பயன்படுத்தி, இந்தப் பயிற்சியைச் செய்ய வேண்டும்.

- இவ்வாறு கால்களை மாற்றி மாற்றி நாம் களைப்புறும் வரை அதாவது 10 முதல் 15 முறை இந்தப் பயிற்சிகளைச் செய்யலாம்.

4. டக் ஜம்ப்

டக் ஜம்ப் என்ற உடற்பயிற்சியை பின்வருமாறு செய்யலாம்.

- முதலில் கால் முட்டிகளில் கைகளை வைத்துக் கொண்டு, நின்று கொள்ள வேண்டும்

- கால் முட்டிகளைச் சற்று மடக்கி வைத்துக் கொண்டு உடலைத் தூக்கி குதிக்க வேண்டும்

- நமது உடலானது உயரத்தில் இருக்கும் போது கைகளை நீட்டி வைத்துக் கொள்ள வேண்டும்.

- இது போன்று நாம் களைப்பாகும் வரை மீண்டும் மீண்டும் குதிக்க வேண்டும்.

5. சுவற்றில் சாய்ந்து அமா்தல்

சுவற்றில் சாய்ந்து அமா்தல் என்னும் பயிற்சியைப் பின்வருமாறு செய்யலாம்.

- முதலில் சுவரை ஒட்டி நேராக நின்று கொண்டு, நமது முதுகை சுவற்றில் சாய்த்துக் கொள்ள வேண்டும்.

- முதுகை சுவற்றில் சாய்த்தவாறே, மெதுவாக உடலைக் கீழே இறக்க வேண்டும்.

- அதாவது நாற்காலியில் அமா்வது போல, உடலை வைத்துக் கொள்ள வேண்டும்.

- இந்தப் பயிற்சியைச் செய்யும் போது நமது முதுகு நேராக சுவற்றில் சாய்ந்து இருக்க வேண்டும்.

- நாம் களைப்படையும் வரை இந்த பயிற்சியைச் செய்யலாம்.