தினமும் பால் குடிப்பது உங்க இதய நோய் ஆபத்தை அதிகரிக்குமா? குறைக்குமா? ஆய்வு என்ன சொல்கிறது தெரியுமா?

நம் வாழ்க்கையில் இன்றியமையாத ஒரு உணவுப்பொருள் பால். தினமும் காலை, மாலை, இரவு என ஒருநாளைக்கு ஒருமுறையாவது நாம் பால் அருந்தியிருப்போம். பாலில் பல சுகாதார நன்மைகள் இருப்பது நம் அனைவரும் அறிந்த விஷயம். ஆதலால், தான் நாம் அனைவரும் தினமும் பால் அருந்துகிறோம். பால் குடிப்பதன் நன்மைகளைக் கேட்டு வளர்ந்திருக்கிறோம். இதனால் பெரும்பாலான மக்களுக்கு பால் குடிப்பது தினசரி வழக்கமாக இருந்து வருகிறது.

நோய் எதிர்ப்பு சக்தியை அதிகரிப்பதற்காக அல்லது சரியான தூக்கத்தைப் பெற நீங்கள் தினமும் பால் குடிக்கலாம். மேலும், இந்த சமீபத்திய ஆராய்ச்சி நிச்சயமாக உங்கள் அன்றாட உணவில் பாலைச் சேர்க்கச் செய்யும். ஏனெனில் தினசரி பால் குடிப்பதால் இருதய அபாயத்தை குறைக்க முடியும் என்று சமீபத்திய ஆய்வில் கண்டறியப்பட்டுள்ளது. இந்த ஆய்வு பற்றி இக்கட்டுரையில் விரிவாக காணலாம்.