உங்க பாதம் இப்படி தட்டையா இருக்கா? அது எதனால் ஏற்படுகிறது தெரியுமா?

நமது பாதத்தின் அடிப்பகுதி வளைவாக இல்லாமல் தட்டையாக அல்லது சமமாக இருந்தால் அதை தட்டையான பாதம் என்கிறோம். பொதுவாக நமது பாதங்களின் அடிப்பகுதி வளைவாக இருக்கும். ஒரு சிலருக்கு வளைவு இல்லாமல் தட்டையாக இருக்கும். அதற்கு முக்கியமான காரணம் என்னவென்றால் அவா்கள் குழந்தைகளாக இருந்த போதே அவா்களுடைய பாதங்களில் வளைவு ஏற்படாமல் இருந்தது ஆகும்.

பொதுவாக பாதங்கள் தட்டையாக இருந்தாலும் அவற்றில் வலி இருக்காது. எனினும் வயது மூப்பின் காரணமாக ஏற்படும் தேய்மானம் மற்றும் காயங்கள் காரணமாக அந்த பாதங்களில் வலி ஏற்படும். தட்டையான பாதங்களை சீரமைக்கலாம். ஆனால் அவ்வாறு மாற்றி அமைக்கும் போது முழங்கால்கள் மற்றும் கணுக்கால்களில் பிரச்சினைகள் ஏற்படும். தட்டையான பாதங்களில் வலியோ அல்லது வேறுவிதமான பிரச்சினைகளோ இல்லாத வரை அந்த பாதங்களுக்கு எந்தவிதமான சிகிச்சையும் தேவையில்லை.