ஆபத்தான வயிற்று புற்றுநோயை எதிர்த்து போராட நீங்க தினமும் சமையலில் யூஸ் பண்ணும் இந்த பொருள் போதுமாம்!

இரைப்பை புற்றுநோய் என்பது உலகளவில் நான்காவது வகை புற்றுநோயாகும். மேலும் இது மரபணு காரணங்கள், ஹெலிகோபாக்டர் பைலோரி தொற்று, புகைபிடித்தல் மற்றும் உப்பு சேர்க்கப்பட்ட உணவை உட்கொள்வது போன்ற உணவுப் பழக்கங்களுடன் தொடர்புடையது.

Published: Thursday, July 8, 2021, 13:12 [IST]

தக்காளி என்பது நம் அன்றாட சமையலில் பிரிக்க முடியாத ஒரு பகுதியாகும். நாம் சமையலுக்கு பயன்படுத்தும் ஒவ்வொரு பொருளிலும் ஆரோக்கிய நன்மைகள் நிறைந்துள்ளன. அந்த வகையில், தினமும் உங்கள் சமையலில் சேர்க்கப்படும் தக்காளியில் பல மருத்துவ குணங்கள் நிறைந்திருக்கின்றன. சிறியவர்கள் முதல் பெரியவர்கள் வரை அனைவரும் இந்த பழத்தை அப்படியே அலல்து சமைத்து சாப்பிடலாம். இந்த இனிமையான மற்றும் உறுதியான பழம் உண்மையில் உடலில் உள்ள புற்றுநோய் செல்களை எதிர்த்துப் போராட உதவும் என்பது உங்களுக்குத் தெரியுமா?

ஆம். ஒரு புதிய ஆய்வின்படி, தக்காளி சாறுகள் வயிற்று புற்றுநோய் உயிரணுக்களின் வளர்ச்சியையும் வீரியம் மிக்க குளோனிங்கையும் தடுக்கும் என்று கண்டறியப்பட்டது, மேலும் தக்காளிக்கு அத்தியாவசியமான கூறுகள் உள்ளன, இது கொடிய நோய்க்கு சிகிச்சையளிக்க உதவுகிறது. இக்கட்டுரையில், வயிற்று புற்றுநோயை எதிர்த்துப் போராட தக்காளி உங்களுக்கு எவ்வாறு உதவுகிறது என்பதை பற்றி காணாலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

ஆய்வு

இரைப்பை புற்றுநோய் உயிரணுக்களை சமாளிக்கும் திறனுக்காக முழு தக்காளி சாற்றையும் ஆராய்ச்சியாளர்கள் ஆய்வு செய்தனர். "அவற்றின் ஆன்டிடூமரல் விளைவு லைகோபீன் போன்ற குறிப்பிட்ட கூறுகளுடன் தொடர்புடையது அல்ல, மாறாக தக்காளியை முழுவதுமாகக் கருத்தில் கொள்ள வேண்டும் என்று பரிந்துரைக்கிறது" என்று இத்தாலியில் உள்ள மெர்கோக்லியானோவின் ஆன்காலஜி ஆராய்ச்சி மையத்தின் (CROM) ஆராய்ச்சியாளர்கள் கூறினார். சான் மார்சானோ மற்றும் கோர்பரினோ தக்காளி வகைகளின் சாறுகள் வீரியம் மிக்க உயிரணுக்களின் வளர்ச்சி மற்றும் குளோனிங் நடத்தையைத் தடுக்க முடிந்தது.

புற்றுநோய்

முழு தக்காளி சாறுகளுடனான சிகிச்சையானது உயிரணுக்களுக்குள்ளான முக்கிய செயல்முறைகளை அவற்றின் இடம்பெயர்வு திறனைத் தடுக்கிறது. ரெட்டினோபிளாஸ்டோமா குடும்ப புரதங்கள் மற்றும் குறிப்பிட்ட செல் சுழற்சி தடுப்பான்களின் பண்பேற்றம் மூலம் செல் சுழற்சியை தடுக்கிறது. இறுதியில் அப்போப்டொசிஸ் மூலம் புற்றுநோய் உயிரணு மரணத்தைத் தூண்டுகிறது.

ஊட்டச்சத்து பயன்பாடு

ஆய்வின் முடிவுகள் புற்றுநோய் தடுப்பு அமைப்பில் மட்டுமல்லாமல், வழக்கமான சிகிச்சை முறைகளுடன் ஒரு துணை மூலோபாயமாகவும் குறிப்பிட்ட ஊட்டச்சத்துக்களின் சாத்தியமான பயன்பாட்டை மேலும் மதிப்பீடு செய்யத் தூண்டுவதாக ஆராய்ச்சியாளர்கள் தெரிவிக்கின்றனர்.

விளைவுகளை ஏற்படுத்தும்

ஒரு குறிப்பிட்ட நியோபிளாஸின் வெவ்வேறு கட்டங்களில் தனித்துவமான இனங்கள் வெவ்வேறு விளைவுகளை ஏற்படுத்தக்கூடும் என்றும் ஆராய்ச்சியாளர்கள் கூறுகிறார்கள்.

நான்காவது வகை புற்றுநோய்

இரைப்பை புற்றுநோய் என்பது உலகளவில் நான்காவது வகை புற்றுநோயாகும். மேலும் இது மரபணு காரணங்கள், ஹெலிகோபாக்டர் பைலோரி தொற்று, புகைபிடித்தல் மற்றும் உப்பு சேர்க்கப்பட்ட உணவை உட்கொள்வது போன்ற உணவுப் பழக்கங்களுடன் தொடர்புடையது.

இறுதிகுறிப்பு

தக்காளி உலகளவில் அதிகமாக நுகரப்படும் ஒரு உணவு பொருள் மற்றும் மத்திய தரைக்கடல் உணவின் பிரதானமாகும். இது புற்றுநோய் அபாயத்தை குறைக்கும் என்று பிரபலமாக கருதப்படுகிறது. சோதனை முறைகளில் கட்டி வளர்ச்சியை எதிர்க்கும் திறனுக்காக பல்வேறு தக்காளி கூறுகளும் பகுப்பாய்வு செய்யப்பட்டுள்ளன. இருப்பினும் சில ஆய்வுகள் தக்காளியின் விளைவுகளை முழுவதுமாக பகுப்பாய்வு செய்துள்ளன. இந்த ஆய்வு செல்லுலார் பிசியாலஜி ஜர்னலில் வெளியிடப்பட்டது.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

Comments

Story first published: Thursday, July 8, 2021, 13:15 [IST]

Latest Updates