அடிக்கடி வயிறு வலிக்குதா? அப்ப உங்களுக்கு இந்த நோய் இருக்க வாய்ப்பிருக்கு...

வயிற்றுப் போக்கு

ஒருவருக்கு குடல் அழற்சி நோய் இருந்தால், திடீரென்று கழிவறையின் பயன்பாடு அதிகமாக இருக்கும். சில சமயங்களில் இரத்தம் கலந்த வயிற்றுப் போக்கும் ஏற்பட வாய்ப்புள்ளது.

அடிவயிற்று வலி

வயிற்று வலி மற்றும் வயிற்றுப் பிடிப்புகள் மிகவும் தீவிரமாக இருக்கும். சில நேரங்களில் மலம் கழிக்கும் முன் கடுமையான வலியை அனுபவிக்கக்கூடும்.

களைப்பு மற்றும் சோர்வு

ஒருவர் மிகுதியான களைப்புடன் இரவு நேரத்தில் கடுமையான வயிற்று வலி அல்லது வயிற்றுப் போக்கை உணர்ந்தால், அதுவும் குடல் அழற்சி நோய்க்கான அறிகுறிகளுள் ஒன்றாகும்.

காய்ச்சல்

குடல் அழற்சி நோய் இருந்தால், சிலருக்கு அடிக்கடி காய்ச்சல் அடிப்பது போன்ற உணர்வு ஏற்படும்.

பசியின்மை மற்றும் எடை குறைவு

குடலில் பிரச்சனை இருந்தால், உண்ணும் உணவுகளில் உள்ள சத்துக்கள் உடலால் உறிஞ்சப்படாமல், உடல் எடை அதிகளவில் இழக்க நேரிடும். அதோடு பசியின்மையையும் உணரக்கூடும்.

இரத்த சோகை

அதிக இரத்த இழப்பு மற்றும் சரியாக சாப்பிட முடியாமல் போவதால், இரத்த சிவப்பணுக்களின் அளவு குறைந்து, இரத்த சோகை பிரச்சனையை சந்திக்க நேரிடும்.

வாய் புண்

உங்களுக்கு அடிக்கடி வாய்ப்புண் வருகிறதா? இந்த பிரச்சனையை ஒருவர் அடிக்கடி சந்தித்தால், அதுவும் குடல் அழற்சி நோய்க்கான அறிகுறியே. எனவே கவனமாக இருங்கள்.