முதுகு வலி உங்களுக்கு இருக்கும் தீவிர பிரச்சனையைத் தான் சுட்டிக் காட்டுகிறது எனத் தெரியுமா?

இரவு நேரத்தில் வலி

இரவில் தூங்கும் போது, தூங்கும் நிலையை மாற்றும் தருணம் முதுகு பகுதியில் வலியை உணர்ந்தால், மருத்துவரை உடனே அணுகுங்கள். ஏனெனில் இது முதுகு பகுதியில் கட்டி இருப்பதற்கான ஓர் அறிகுறியாகவும் இருக்கும்.

கணிக்க முடியாத வலி

வலி ஏற்படும் போது, அது மேல் அல்லது கீழ் முதுகுப் பகுதியில் உள்ள குறிப்பிட்ட தசை அல்லது எலும்பு இணைப்புகளுடன் தொடர்புடையது போன்று தெரியாமல் இருந்தால், அது மாரடைப்பிற்கான அறிகுறியாகும்.

காலையில் எழுந்ததும் வலி

காலையில் எழுந்ததும் முதுகுப் பகுதியில் லேசாக வலியை உணர்வது சாதாரணம். ஆனால் இந்த வலியோ 30 நிமிடங்களுக்கும் அதிகமாக நீடித்திருந்தால், அது ஆன்கில்லோசிங் ஸ்பாண்டிலைட்டிஸ் போன்ற அழற்சி கீல்வாதத்தை உணர்த்துகிறது என்று அர்த்தம்.

எலும்பு முறிவு அபாயம்

சமீபத்தில் விபத்து ஏற்பட்ட பின், முதுகு பகுதியில் வலி ஏற்பட்டால், உடனே மருத்துவரை சந்திக்க வேண்டியது அவசியம். ஏனெனில் இம்மாதிரியான நேரத்தில் வலி ஏற்பட்டால், அமுது முதுகுத்தண்டு முறிவு அல்லது இதர பிரச்சனைகளின் அறிகுறியாகவும் இருக்கும்.

நீர்ப்பை இழப்பு

இடுப்பு முதுகில் உள்ள நரம்பு வேர்களில் அழுத்தம் அதிகமாக கொடுக்கப்படும் போது, நீர்ப்பை அல்லது குடலியக்கம் கட்டுப்பாடின்றி இயங்கும். இந்நேரத்தில் முதுகுப் பகுதியில் வலி ஏற்படும்.