மூன்றே நாட்களில் ஒட்டுமொத்த உடலையும் சுத்தம் செய்ய வேண்டுமா? அப்ப இத பண்ணுங்க...

நினைவில் கொள்ள வேண்டியவை:

ஒட்டுமொத்த உடலையும் சுத்தம் செய்ய முயற்சிப்பதற்கு 2 நாட்களுக்கு முன்பிருந்தே பால் பொருட்கள் உண்பதை முற்றிலும் தவிர்க்க வேண்டும். ஏனெனில் பால் பொருட்கள் மிகவும் மெதுவாக செரிமானமாவதால், உடலை சுத்தம் செய்யும் முயற்சியில் ஈடுபடும் போது அவற்றை உட்கொண்டால், இடையூறு ஏற்படும்.

செய்முறை #1

உடலை சுத்தம் செய்யும் முதல் நாள் காலை உணவிற்கு முன் 1/2 டம்ளர் நீரில், 2 எலுமிச்சையைப் பிழிந்து குடிக்க வேண்டும்.

செய்முறை #2

காலை உணவிற்கு பின், 1 1/2 டம்ளர் அன்னாசி ஜூஸ் குடிக்க வேண்டும். இதில் உள்ள ஆன்டி-ஆக்ஸிடன்ட் சுவாச மண்டலத்தின் ஆரோக்கியத்தைப் பராமரிக்க உதவும்.

செய்முறை #3

காலை உணவு மற்றும் மதிய உணவிற்கு இடைப்பட்ட காலத்தில் 1- 1 1/2 டம்ளர் கேரட் ஜூஸ் குடிக்க வேண்டும். இது சுவாச பாதையின் ஆரோக்கியத்தை மேம்படுத்தும்.

செய்முறை #4

மதிய உணவு வேளையில் 1 1/2 டம்ளர் வாழைப்பழம், அவகேடோ, பீட்ரூட் போன்றவற்றால் தயாரிக்கப்பட்ட ஏதேனும் ஒரு ஜூஸைக் குடிக்க வேண்டும். இதனால் இதில் உள்ள பொட்டாசியம், உடலை சுத்தம் செய்ய பெரிதும் உதவியாக இருக்கும்.

செய்முறை #5

இரவு உணவு உண்பதற்கு 1 மணிநேரத்திற்கு முன் ஒரு டம்ளர் இஞ்சி, புதினா போன்றவற்றால் தயாரிக்கப்பட்ட டீயைக் குடிக்க வேண்டும். இதனால் சளித் தேக்கம், மூக்கடைப்பு போன்ற பிரச்சனைகள் அகலும்.

செய்முறை #6

இரவில் படுக்கும் முன் 340 மிலி கிரான்பெர்ரி ஜூஸைக் குடிக்க வேண்டும். இது நுரையீரலில் உள்ள பாக்டீரியாக்களை எதிர்த்துப் போராடி, தொற்றுகளில் இருந்து விடுவிக்கும். மேலும் இதில் உள்ள சக்தி வாய்ந்த ஆன்டி-ஆக்ஸிடன்ட் இரத்தம் மற்றும் சிறுநீருக்கு மிகவும் நல்லது.

குறிப்பு

இந்த செய்முறையை அடுத்த 2 நாட்களும் பின்பற்ற வேண்டும். இதனால் ஒட்டுமொத்த உடலும் மூன்றே நாட்களில் சுத்தமாகிவிடும்.