த்ரெட்மில் உங்கள் மூட்டுக்களுக்கு ஆபத்தானதா?

முழங்கால் ஆதரவைப் பயன்படுத்துங்கள்

உங்களுக்கு மூட்டு வலி இருந்தால், த்ரெட்மில் பயன்படுத்துவதற்கு முன்பு முழங்கால் ஆதரவைப் பயன்படுத்துவது நல்லது. த்ரெட்மில்லில் நடப்பதற்கோ அல்லது ஓடுவதற்கோ பயன்படுத்துவதைப் பற்றி உங்கள் மருத்துவரிடம் ஆலோசனைப் பெறுங்கள். முழங்கால் ஆதரவு உங்கள் முழங்காலை சுற்றியுள்ள தசைகளை இறுக்கும். இதனால் வலியில்லாமல் மூட்டுக்களை அசைக்கலாம்.

நேரத்தின் மீது கவனம்

த்ரெட்மில் உங்கள் மூட்டுக்களைப் பாதிக்குமா? அளவுக்கு அதிகமானால் அமிர்தமும் நஞ்சு என்பதை மறந்து விடாதீர்கள். த்ரெட்மில் மீது அரை மணிநேரத்திற்கு மேலாக தொடர்ச்சியாக ஓடினாலோ அல்லது நடந்தாலோ, அது நல்ல பழக்கமல்ல. இது உங்கள் மூட்டுக்களின் மீது கூடுதல் அழுத்தத்தைப் போடும். அதனால் த்ரெட்மில்லில் இருக்கும் டைமரை செட் செய்து வைத்துக் கொள்ளுங்கள். மேலும், உங்களுக்கு சௌகரியமாக இறுக்கும் வேகத்தையும் நினைவில் வைத்துக் கொள்ளுங்கள்.

சரியான தோரணை

வெளியில் ஓடுவதற்கும் த்ரெட்மில் மீது ஓடுவதற்கும் முக்கிய வேறுபாடே நாம் பின்பற்றும் நம் உடல் தோரணை தான். த்ரெட்மில் பயன்படுத்தும் போது உங்கள் கைகளை சுதந்திரமாக அசைப்பதற்கும், கால்களை விரித்து நடப்பதற்கும் சில கட்டுப்பாடுகள் இருக்கும். இந்த சமரசத்திற்காக உங்கள் கீழ் உடல் பகுதிகளில் அதிக சிரமத்தை போடுவதால் மூட்டு வலி ஏற்படும். பொதுவாக த்ரெட்மில்லை புதிதாக பயன்படுத்துபவர்களுக்கு இந்த பிரச்சனை ஏற்படலாம்.

கீழ் உடலை வலுப்படுத்துதல்

கீழ் உடலை வலுப்படுத்துவதில் கவனம் செலுத்துவது, உங்கள் மூட்டை வலுப்படுத்தும் சிறந்த வழிகளில் ஒன்றாகும். பிசியோதெரபிஸ்ட் வல்லுநர் அல்லது உடற்பயிற்சி பயிற்சியாளரிடம் உங்கள் உடல்நலத்திற்கு ஏற்றதை கலந்துரையாடலாம்.

மருத்துவரிடம் சோதித்து கொள்ளுங்கள்

த்ரெட்மில்லில் நடப்பது உங்கள் மூட்டுக்களுக்கு கெட்டதா என்ற கேள்விக்கு, உங்கள் உடல்நிலையை கருத்தில் கொண்டு உங்கள் மருத்துவர் பதில் கூறலாம். த்ரெட்மில்லில் உடற்பயிற்சியைத் தொடங்குவதற்கு முன்பாக, குறிப்பாக உங்களுக்கு முழங்கால் வலி இருந்தால், உங்கள் மருத்துவரை கலந்தாலோசிக்க வேண்டும்.

மூட்டுக்களில் ஏதேனும் அறுவை சிகிச்சை நடந்திருந்தால், மருத்துவரிடம் ஒப்புதல் பெறாமல் எப்போதும் த்ரெட்மில்லைப் பயன்படுத்தாதீர்கள். முடக்கு வாதம் போன்ற சில மருத்துவ நிலைகளுக்கு கூடுதல் கவனம் தேவை.

அதனால், இந்த டிப்ஸ்களை பின்பற்றினால், த்ரெட்மில்லில் நடப்பது மூட்டுக்களுக்கு கெட்டதா இல்லையா என்ற கேள்வி இனியும் உங்களுக்கு பிரச்சனையாக இருக்காது.