உடலின் நோயெதிர்ப்பு சக்தியை மேம்படுத்த சில டிப்ஸ்...

டிப்ஸ் #1

அஸ்பாரகஸ், வெள்ளரிக்காய், ப்ராக்கோலி, கீரைகள் போன்றவற்றை மழைக்காலத்தில் உட்கொள்வதால், உடலின் நீர்ச்சத்து சீராக இருப்பதோடு, ஆற்றலுக்கு வேண்டிய போதிய அளவு புரோட்டீன்களும் கிடைக்கும். மேலும் இந்த காய்கறி கீரைகள் எளிதில் செரிமானமாகக்கூடியது என்பதால் செரிமான பிரச்சனைகள் ஏற்படாமல் இருக்கும்.

டிப்ஸ் #2

பானங்களில் சர்க்கரை சேர்த்துக் குடிப்பதைத் தவிர்த்திடுங்கள். ஏனெனில் சர்க்கரையானது இரத்த வெள்ளையணுக்களின் அளவைக் குறைத்து, நோயெதிர்ப்பு மண்டலத்தின் சக்தியை பாதித்து, நோய்கிருமிகளின் தாக்கத்தை அதிகரிக்கும்.

டிப்ஸ் #3

கடல் உணவுகளை உட்கொள்ளுங்கள். ஏனெனில் அவற்றில் உள்ள ஒமேகா-3 கொழுப்பமிலங்கள், நோயெதிர்ப்பு மண்டலத்தை வலிமைப்படுத்தி, உடலினுள் உள்ள கிருமிகளை அழித்து, உடலுக்கு நல்ல பாதுகாப்பை வழங்கும்.

டிப்ஸ் #4

எலுமிச்சை, ஆரஞ்சு, அன்னாசி மற்றும் கொய்யாப்பழத்தில் வைட்டமின் சி அதிகம் உள்ளது. மேலும் இந்த பழங்களில் ஆன்டி-ஆக்ஸிடனட்டுகளும் ஏராளமான அளவில் உள்ளது.

டிப்ஸ் #5

மாதுளம் பழம் இரத்த ஓட்டத்தை மேம்படுத்துவதோடு, உடலில் உள்ள நச்சுக்களை வெளியேற்றி உடலை சுத்தமாக்கும். அதுமட்டுமின்றி, மாதுளையில் வைட்டமின் சி அதிகம் உள்ளதோடு, நீர்ச்சத்து அதிகமாகவும் உள்ளது.

டிப்ஸ் #6

இக்காலத்தில் நிறைய பெண்கள் மற்றும் ஆண்களிடம் மது, புகை போன்ற பழக்கங்கள் சற்று அதிகமாக இருக்கும். ஆனால் இந்த பழக்கம் முதலில் நோயெதிர்ப்பு மண்டலத்தை முழுமையாக வலிமையிழக்கச் செய்து, பல்வேறு நோய்களின் பெருக்கத்திற்கு வழிவகுக்கும். எனவே இந்த பழக்கத்தை முதலில் நிறுத்த வேண்டும்.