KFC ஸ்டைல் பாப்கார்ன் சிக்கன் ரெசிபி... சிக்கனை இந்த மாதிரி செஞ்சு பாருங்க... எல்லாரும் ஆசையா சாப்பிடுவாங்க...

Popcorn Chicken Recipe in Tamil: உங்கள் வீட்டில் அடிக்கடி சிக்கன் எடுப்பீர்களா? இன்றும் சிக்கன் வாங்கப் போகிறீர்களா? சிக்கனை வழக்கம்போல குருமாவோ, வறுவலோ செய்யாமல் புதிதாக ஏதாவது ஒன்றை முயற்சி செய்ய விரும்புகிறீர்களா? ஆம் எனில், குழந்தைகளுக்கு பிடித்த பாப்கார்ன் சிக்கனை செய்யுங்கள்.

KFC போன்ற கடைகளுக்கு சென்றால் அனைவரும் முதலில் ஆர்டர் செய்வது பாப்கார்ன் சிக்கன்தான். இந்த பாப்கார்ன் சிக்கன் குழந்தைகள் முதல் பெரியவர்கள் வரை அனைவருக்கும் பிடித்ததாக இருக்கும். இந்த பாப்கார்ன் சிக்கனை கடைகளில்தான் வாங்க முடியும் என்று நீங்கள் நினைத்தால் அது தவறாகும். ஏனெனில் இந்த சூப்பரான சிக்கனை வீட்டிலேயே ஈசியாக செய்யலாம். உங்கள் வீட்டில் குழந்தைகள் இருந்தால் இந்த வாரம் இதை செய்துகொடுத்து அவர்களை அசத்துங்கள்.

உங்களுக்கு ஹோட்டல் ஸ்டைல் பாப்கார்ன் சிக்கனை எப்படி செய்வதென்று தெரிந்து கொள்ள வேண்டுமா? கீழே ஹோட்டல் ஸ்டைல் பாப்கார்ன் சிக்கன் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

- அரை கிலோ எலும்பில்லாத சிக்கன்
- 1/2 ஸ்பூன் பூண்டுத் தூள்
- 1/4 ஸ்பூன் மிளகுத்தூள்
- 1 ஸ்பூன் உப்பு
- 1 ஸ்பூன் மிளகாய்த்தூள்
- 2 முட்டை
- 1 கப் மைதா
- பொரிக்க தேவையான அளவு எண்ணெய்

செய்முறை:

- சிக்கனை முதலில் நன்றாக கழுவி வைத்துக் கொள்ளவும். கழுவிய சிக்கனை ஒரு பாத்திரத்தில் போட்டு அதனுடன் பூண்டுத் தூள், மிளகுத் தூள், உப்பு மற்றும் மிளகாய்த்தூள் ஆகியவற்றைச் சேர்த்து நன்றாகக் கலக்கவும்.

- மசாலாப் பொருட்கள் இறைச்சியில் ஊறுவதற்கு 30 நிமிடங்கள் அப்படியே விடவும்.

- பின்னர் முட்டைகளை ஒரு கிண்ணத்தில் உடைத்து ஊற்றி நன்கு அடித்து வைத்துக் கொள்ளவும்.

- ஒரு கிண்ணத்தில் மாவை வைக்கவும். பின் அடித்து வைத்த முட்டை உள்ள கிண்ணம், மாவு கிண்ணம் மற்றும் மசாலா தடவிய சிக்கன் துண்டுகளை ஒன்றன் பின் ஒன்றாக வைக்கவும்.

- ஒரு கடாயில் எண்ணெயை ஊற்றி அதிகபட்ச வெப்பநிலைக்கு சூடாக்கவும்.

- ஒவ்வொரு சிக்கன் துண்டையும், நன்கு அடித்து வைத்துள்ள முட்டையில் நனைத்து, பின்னர் மாவில் புரட்டவும். சிக்கன் முழுவதும் மாவு நன்கு பூசப்பட்டிருப்பதை உறுதி செய்யவும். அவற்றை ஒரு சுத்தமான தட்டில் தனித்தனியாக எடுத்து வைக்கவும்.

- பின் இதையே மீண்டும் இன்னொரு முறை செய்யவும்.

- மசாலா பூசப்பட்ட ஒவ்வொரு சிக்கனையும் 3 முதல் 5 நிமிடங்கள் அல்லது இலேசான அல்லது மிதமான பழுப்பு நிறம் வரும் வரை எண்ணெயில் ஆழமாகப் பொரிக்கவும்.

- சிக்கன் பாத்திரத்திலிருந்து எடுத்து, அதிகப்படியான எண்ணெய் வடிய விடவும்.

- அவ்வளவுதான் சுவையான KFC ஸ்டைல் பாப்கார்ன் சிக்கன் ரெடி!