சத்தான உளுந்தோரை ரெசிபி - இந்த மாதிரி செஞ்சு சாப்பிட்டு பாருங்க - எலும்பு இரும்பு மாதிரி இருக்கும்

Ulundhorai Recipe in Tamil: வழக்கமான வெரைட்டி சாதம் சாப்பிட்டு போரடிக்குதா? சுவையான மற்றும் சத்தான ஒரு வெரைட்டி சாதத்தை செய்ய விரும்புகிறீர்களா? உங்கள் வீட்டில் உள்ளவர்களின் ஆரோக்கியத்தில் அதிக அக்கறை கொண்டவரா? அவர்களின் ஆரோக்கியத்தை மேம்படுத்தும் வகையில் ஏதாவது செய்து கொடுக்க விரும்புகிறீர்களா? உங்கள் பிள்ளைகள் பலவீனமாக உள்ளார்களா? அதோடு உங்கள் வீட்டில் உள்ளவர்கள் அடிக்கடி கால் வலி, மூட்டு வலி, இடுப்பு வலியால் அவதிப்படுவார்களா?

இந்த அனைத்து பிரச்சினைகளையும் ஒரே சாதத்தின் மூலம் சரி செய்யலாம். உங்கள் வீட்டில் கொஞ்சம் உடைத்த உளுந்து உள்ளதா? அப்ப அதை வைத்து சத்தான உளுந்தோரையை செய்யுங்க. உளுந்து இயற்கையாகவே எலும்புகளை வலுப்படுத்தும் குணம் கொண்டது. அதில் சாதம் செய்வது அதன் ஆரோக்கிய நன்மைகளை அதிகரிக்கும்.

உங்களுக்கு இந்த சத்தான உளுந்தோரையை எப்படி செய்வதென்று தெரிந்து கொள்ள வேண்டுமா? கீழே உளுந்தோரை ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

- 3 ஸ்பூன் உடைத்த உளுந்து
- 3 வர மிளகாய்
- 1 ஸ்பூன் மிளகு
- ஒரு சிட்டிகை பெருங்காயம்
- சிறிது கறிவேப்பிலை
- 1 ஸ்பூன் எண்ணெய்
- 2 கப் சமைத்த சாதம்
- தேவையான அளவு உப்பு

தாளிக்க:

- 1 ஸ்பூன் நல்லெண்ணெய்
- 2 வர மிளகாய்
- சிறிது கறிவேப்பிலை
- 1 ஸ்பூன் முந்திரி

செய்முறை:

- ஒரு ஸ்பூன் எண்ணெயைச் சூடாக்கி, அதில் உளுத்தம் பருப்பு, காய்ந்த மிளகாய், மிளகு, கறிவேப்பிலை மற்றும் பெருங்காயம் ஆகியவற்றைச் சேர்க்கவும்.

- பருப்பு பொன்னிறமாகும் வரை அனைத்தையும் வதக்கவும். பருப்பிலிருந்து வாசனை வந்ததும் அடுப்பை அணைத்துவிடவும்.

- வறுத்த பொருட்களை ஆறவைத்து, கரகரப்பான பொடியாக அரைத்துக் கொள்ளவும். உளுந்தோரை மசாலா ரெடி.

- ஒரு வாணலியில் நல்லெண்ணெயை ஊற்றிச் சூடாக்கவும். அதில் கடுகு சேர்த்து, அது வெடிக்கத் தொடங்கியதும், கிள்ளி வைத்த வர மிளகாய் மற்றும் கறிவேப்பிலையைச் சேர்த்து ஒருமுறை கிளறவும்.

- அதன்பின் முந்திரியைச் சேர்த்து, அவை லேசான பொன்னிறமாகும் வரை வறுத்துவிட்டு, அடுப்பை அணைத்துவிடவும்.

- ஒரு அகலமான பாத்திரத்தில் சமைத்த சாதத்தைப் பரப்பி, 5 நிமிடங்கள் ஆறவிடவும்.

- அதன்பின், தாளிப்பு, உளுத்தம் பருப்பு மசாலா பொடி மற்றும் உப்பு ஆகியவற்றைச் சேர்க்கவும். மசாலா பொடி சாதத்துடன் நன்கு கலந்து, சாதத்தின் மீது சீராகப் படியுமாறு மெதுவாகக் கிளறவும்.

- உளுந்தோரை (உளுத்தம் பருப்பு மசாலா சாதம்) பரிமாறத் தயார்!