நெருக்கடி காலங்களில் பெற்றோர் கட்டாயம் தெரிந்து வைத்திருக்க வேண்டிய வீட்டு வைத்தியங்கள்!

வீட்டு வைத்தியத்தின் அவசியம்

குழந்தைகளுக்கான முதலுதவி சாதனங்கள் மற்றும் மருந்துகள் வீட்டில் இருந்தால் அவை மிகவும் பயனுள்ளதாக இருக்கும். அதே நேரத்தில் வீட்டு வைத்தியத்தைத் தெரிந்து வைத்திருந்தால் அது இன்னும் சிறப்பாக இருக்கும்.

அதன் மூலம் நாம் நெருக்கடி காலத்தில் மருந்தகங்களைத் தேடி அலைய வேண்டிய அவசியம் இருக்காது. மேலும் வீட்டு வைத்தியம் அதிக செலவை கொடுக்காது. ஆகவே அவசர காலங்களில் குழந்தைகளுக்கு சரியான நேரத்தில் கொடுக்க வேண்டிய வீட்டு வைத்தியத்தைப் பற்றி பெற்றோராகிய நாம் தெரிந்து வைத்திருக்க வேண்டும். அவை குழந்தைகளுக்கு ஏற்படும் எதிர்பாரா நோய்கள் மற்றும் காயங்களைக் குணப்படுத்திவிடும். ஆகவே வீட்டு வைத்தியத்தில் பயன்படுத்தப்படும் மருத்துவக் குணம் கொண்ட பொருள்களைப் பற்றி இந்த கட்டுரையில் பார்ப்போம்.

மஞ்சள் பால்

குழந்தைகளின் சளியைக் குணப்படுத்துவதில் மஞ்சள் பால் மிக முக்கிய பங்கு வகிக்கிறது. நெடுங்காலமாக மஞ்சள் ஒரு மருத்துவ பொருளாக வீடுகளில் பயன்படுத்தப்பட்டு வருகிறது. சளிப் பிடித்திருக்கும் குழந்தைக்கு சூடான பாலில் சிறிதளவு மஞ்சள் தூளைக் கலந்து கொடுத்தால், சிறிது நேரத்தில் சளியிலிருந்து அது விடுதலை கொடுக்கும்.

எலுமிச்சை பழச்சாறு

ஒருசில நேரங்களில் குழந்தைகள் சுறுசுறுப்பில்லாமல், சோர்வடைந்து செயல்படாமல் (இயக்க நோய்) இருப்பர். அதைப் பார்த்ததும் பெற்றோர் பயந்துவிடுவர். ஆனால் அந்த பயம் தேவையில்லாத ஒன்று. வாயில் எச்சில் அதிகம் சுரப்பதால் குழந்தைகளுக்கு இந்த இயக்க நோய் ஏற்படுகிறது. எனவே சிறிதளவு எலுமிச்சம்பழச் சாற்றை கொடுக்கலாம் அல்லது எலுமிச்சம் பழத்தை நாக்கால் சுவைக்கச் சொல்லலாம். அது எச்சிலை உலர வைத்து, குழந்தைகளை சுறுசுறுப்பாக இயங்க வைத்துவிடும்.

தேன்

குழந்தைகள் விரும்பும் மிக முக்கிய உணவு பொருட்களில் ஒன்று தேன் ஆகும். தொண்டை வலியைக் குணப்படுத்தும் இயற்கை மருந்துகளில் தேன் முக்கியமான ஒன்றாக இருக்கிறது. ஒரு தேக்கரண்டி தேன் தொண்டை வலியை ஏற்படுத்தும் கிருமிகளை அழித்துவிடும் என்று ஆயுர்வேத மருத்துவம் பரிந்துரைக்கிறது. ஆகவே குழந்தைகளுக்கு தொண்டை வலி ஏற்படும் போது அவர்கள் விரும்பும் தேனைக் கொடுத்தால் அவர்கள் தொண்டை வலியிலிருந்து விரைவில் விடுதலை அடைவர்.

சர்க்கரை

நமது மார்பு, வயிற்றிடைப் பகுதியில் பிடிப்பு ஏற்படும் போது விக்கல் ஏற்படுகிறது. ஆனால் சர்க்கரை நமது நரம்பு தசைகளை அமைதிப்படுத்தி அதன் மூலம் மார்பு வயிற்றிடைப் பகுதியில் ஏற்படும் பிடிப்பையும் தளர்த்துகிறது. அதனால் விக்கல் நின்றுவிடும். எனவே குழந்தைகளுக்கு விக்கல் வரும்போது சர்க்கரை கொடுத்தால் விக்கல் நின்றுவிடும்.

ஓட்ஸ் கஞ்சி

குழந்தைகளின் உடலில் ஓட்ஸ் கஞ்சியை பூசி அவர்களைக் குளிக்க வைத்தால் அவர்களின் தோலில் இருக்கும் அரிப்புகள் பறந்துவிடும். குறிப்பாக குழந்தைகளுக்கு சிறியம்மை ஏற்படும் போது அது அவர்களின் தோலில் அரிப்பை ஏற்படுத்தும். அதனால் அவர்கள் அமைதியற்று எரிச்சலோடு காணப்படுவர். இந்த நேரத்தில் ஓட்ஸ் கஞ்சியை அவர்கள் உடலில் பூசி குளிக்க வைத்தால் அரிப்பு குறைந்து அவர்கள் அமைதி அடைவார்கள்.