உங்க பற்கள் வலிமையாகவும், கிருமிகள் இல்லாததாகவும் இருக்கணுமா? இதில் ஒன்றை தினமும் சாப்பிடுங்க...!

ஆரோக்கியமான பல் மற்றும் வாய் ஆரோக்கியத்தை பராமரிக்க நாம் என்ன சாப்பிடுகிறோம் என்பதில் கவனம் செலுத்த வேண்டியது அவசியம். சாக்லேட், இனிப்பான மிட்டாய்கள் மற்றும் சர்க்கரை நிறைந்த பானங்கள் போன்ற சர்க்கரை உணவுகள் பல் சிதைவை ஏற்படுத்தும். நல்ல வாய் ஆரோக்கியத்திற்கு ஆரோக்கியமான உணவு முக்கியமானது.

நீங்கள் சாப்பிடும் பொருட்களில் உள்ள ஊட்டச்சத்துக்கள் உங்கள் பற்கள் மற்றும் ஈறுகளில் உடனடி விளைவை ஏற்படுத்துகிறது. மோசமான ஊட்டச்சத்து பல் சிதைவு, துவாரங்கள் மற்றும் ஈறு நோயை ஏற்படுத்தும்.

நீரிழிவு, இதய நோய், பக்கவாதம் மற்றும் குறைபிரசவம்/குறைந்த எடையுடன் குழந்தை பிறப்பது போன்றவற்றுடன் வாய்வழி நோய்களையும் மருத்துவர்கள் தொடர்புபடுத்தியுள்ளனர். உங்கள் பற்கள் மற்றும் உங்கள் வாய் ஆரோக்கியத்தை மேம்படுத்த சில பொருட்களை அன்றாட உணவில் சேர்த்துக் கொள்ள வேண்டும்.

சீஸ்

சீஸ் உட்கொள்வது வாயில் உள்ள pH அளவை உயர்த்துகிறது மற்றும் பல் சிதைவு அபாயத்தைக் குறைக்கிறது என்று ஒருஆய்வு விளக்குகிறது. சீஸை மெல்லுவதற்கு தேவையான மெல்லுதல் வாயில் உமிழ்நீரை அதிகரிக்கும் என்று நம்பப்படுகிறது. பாலாடைக்கட்டியில் கால்சியம் மற்றும் புரதம் உள்ளது, இது பற்களுக்கு வலிமையை வழங்கும் அத்தியாவசிய ஊட்டச்சத்துக்களாகும்.

பச்சை இலைக்காய்கறிகள்

இலை கீரைகள் பொதுவாக எந்தவொரு ஆரோக்கியமான உணவுத் திட்டத்திலும் முக்கியப்பங்கு வகிக்கிறது. கலோரிகள் குறைவாக இருந்தாலும் அவை வைட்டமின்கள் மற்றும் தாதுக்கள் நிறைந்தவை. கீரை மற்றும் கேலே போன்ற இலை கீரைகளும் வாய் ஆரோக்கியத்தை மேம்படுத்துகின்றன. அவற்றில் கால்சியம் அதிகமாக உள்ளது, இது உங்கள் பற்களில் பற்சிப்பியை உருவாக்குகிறது.

ஆப்பிள்

பெரும்பாலான இனிப்பு உணவுகளைத் தவிர்க்க மருத்துவர்கள் பரிந்துரைக்கும்போது, அதில் சில விதிவிலக்குகளும் உள்ளன. ஆப்பிள் போன்ற பழங்கள் இனிப்பாக இருக்கலாம், ஆனால் அதிக நீர் மற்றும் நார்ச்சத்து கொண்டவை. ஒரு ஆப்பிளை சாப்பிடுவது உங்கள் வாயில் உமிழ்நீரை உருவாக்குகிறது, இது பாக்டீரியா மற்றும் உணவு தானியங்களை சுத்தம் செய்கிறது.

பழத்தின் நார்ச்சத்தானது ஈறு ஆரோக்கியத்தையும் மேம்படுத்துகிறது. ஆப்பிளை உண்பது ஃவுளூரைடு அடங்கிய பற்பசையைக் கொண்டு பல் துலக்குவதற்கு இணையானது அல்ல, ஆனால் நீங்கள் துலக்குவதற்கான வாய்ப்பு கிடைக்கும் வரை அது உங்களை பற்களை பாதுகாக்கும்.

தயிர்

சீஸைப் போலவே, தயிரிலும் கால்சியம் மற்றும் புரதம் நிறைந்துள்ளது, இது உங்கள் பற்களின் வலிமை மற்றும் ஆரோக்கியத்தை மேம்படுத்தும். தயிரில் காணப்படும் புரோபயாடிக்குகள் அல்லது நல்ல பாக்டீரியாக்கள், மேலும் உங்கள் ஈறுகளுக்கு நன்மை பயக்கும், ஏனெனில் நல்ல பாக்டீரியா பற்களில் துவாரங்களைத் தூண்டும் பாக்டீரியாக்களை வெளியேற்றுகிறது.

கேரட்

ஆப்பிளைப் போலவே, கேரட்டும் மொறுமொறுப்பான மற்றும் நார்ச்சத்து நிறைந்ததாக உணவாகும். ஒவ்வொரு உணவிற்கும் பிறகு கேரட்களை பச்சையாக சாப்பிடுவது உங்கள் வாயில் உமிழ்நீர் உற்பத்தியை அதிகரிக்கிறது, இது உங்கள் பற்களில் துவாரங்கள் ஏற்படும் அச்சுறுத்தலைக் குறைக்கிறது. நார்ச்சத்து நிறைவாக இருப்பதுடன், கேரட் வைட்டமின் ஏ-யின் சிறந்த ஆதாரமாக உள்ளது. இது உங்கள் ஒட்டுமொத்த ஆரோக்கியத்தையுமே மேம்படுத்தும்.

பாதாம்

பாதாம் உங்கள் ஒட்டுமொத்த ஆரோக்கியமின்றி பற்களுக்கும் நன்மை பயக்கும், ஏனெனில் அவை சர்க்கரை குறைவாக இருப்பதுடன் கால்சியம் மற்றும் புரதத்தின் சிறந்த ஆதாரமாக இருக்கிறது. உங்கள் ஒவ்வொரு உணவிற்கு பிறகும் சில பாதாம்களை மெல்லுவது உங்கள் வாயை நன்கு சுத்தப்படுத்தும்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.