தோசைக்கு ஆரோக்கியமான சைடிஷ் செய்யணுமா? இந்த சட்னியை ட்ரை பண்ணி பாருங்க... டேஸ்ட் அசத்தலா இருக்கும்...!

Mudakathan Chutney Recipe in Tamil: கீரை என்றாலே ஆரோக்கிய நன்மைகள் நிறைந்த ஒன்று. ஒவ்வொரு கீரைக்கும் வெவ்வேறு வகையான தனி சிறப்பு இருக்கு. முருங்கை கீரைக்கு அடுத்து இந்த கீரை தான் இரத்த சிவப்பு அணுக்களை அதிகரிக்கிறது.

மேலும் இதில் கால்சியம் சத்துக்கள் நிறைந்திருப்பதால் எலும்பையும் வலுப்படுத்துகிறது. இது மூட்டுவலிக்கு ஏற்ற சிறந்த மருத்துவ பண்புகளை கொண்டிருக்கிறது. நீங்க நினைக்கிறது சரி தான், வாங்க முடக்கத்தான் கீரையில் எப்படி சட்னி செய்வது என பார்க்கலாம் வாங்க.

தேவையான பொருட்கள் :

- முடக்கத்தான் கீரை - 1 கட்டு
- கொத்தமல்லி இலை - ½ கட்டு
- தயிர் - ½ கப்
- சின்ன வெங்காயம் - 10
- தக்காளி - 1
- தேங்காய் - ½ மூடி
- இஞ்சி - 1 டீ ஸ்பூன்
- உளுந்து பருப்பு - 2 டீ ஸ்பூன்
- கடலைபருப்பு - 2 டீ ஸ்பூன்
- பச்சை மிளகாய் - 3
- பூண்டு - 5 அல்லது 6 பல்
- புளி - சிறிதளவு (சிறிய நெல்லிக்காய் அளவு)
- நல்லெண்ணெய் - 2 டீ ஸ்பூன்

தாளிக்க:

- நல்லெண்ணெய் - 2 டீ ஸ்பூன்
- கடுகு - ½ டீ ஸ்பூன்
- உளுந்து பருப்பு - ½ டீ ஸ்பூன்
- கடலைபருப்பு - ½ டீ ஸ்பூன்
- வரமிளகாய் - 2

செய்முறை:

- முடக்கத்தான் கீரையை நன்றாக மண் இல்லாமல் அலசி சுத்தம் செய்து கொள்ளவும்.

- கொத்தமல்லி இலையையும் மண் இல்லாமல் அலசி சுத்தம் செய்து பொடியாக நறுக்கி கொள்ளவும்.

- பூண்டு மற்றும் சின்ன வெங்காயத்தை தோல் உரித்து கொள்ளவும்.

- அதன் மீது கருப்பு நிற பூஞ்சை இருந்தால் தண்ணீரில் நன்றாக அலசி சுத்தம் செய்யவும்.

- இஞ்சியை மண் இல்லாமல் அலசி தோல் சீவி பொடியாக நறுக்கி கொள்ளவும்.

- புளியின் மீது இருக்கும் ஓடு மற்றும் தூசியை நீக்கி ஓடும் தண்ணீரில் அலசி எடுத்து வைத்து கொள்ளவும்.

- தேங்காயை துருவியோ அல்லது நறுக்கியோ உங்கள் விருப்பப்படி எடுத்து கொள்ளவும்.

- நன்றாக பழுத்த சிவப்பு தக்காளி தக்காளியை காம்பு பகுதியை நீக்கி நறுக்கி கொள்ளவும்.

- வாணலியை அடுப்பில் வைத்து சூடானதும் எண்ணெய் சேர்க்கவும்.

- எண்ணெய் காய்ந்ததும் உளுந்து பருப்பு, மற்றும் கடலை பருப்பு சேர்த்து பொன்னிறமாகும் வரை வதக்கவும்.

- பின் அதனுடன் பூண்டு மற்றும் வெங்காயம் சேர்த்து நிறம் மாறும் வரை வதக்கவும்.

- அதில் இஞ்சி, பச்சை மிளகாய் மற்றும் புளியை சேர்த்து நன்றாக வதக்கவும்.

- அதனுடன் சுத்தம் செய்த முடக்கத்தான் கீரை மற்றும் கொத்தமல்லியை சேர்த்து நிறம் மாறும் வரை வதக்கவும்.

- பின் அதில் துருவிய தேங்காய் மற்றும் தேவையான அளவு உப்பு சேர்த்து கிளறி அடுப்பை அணைக்கவும்.

- நன்றாக ஆறியதும் மிக்சியில் சேர்த்து அதனுடன் தயிர் சேர்த்து விழுதாக அரைத்துக் கொள்ளவும்.

- வாணலியை அடுப்பில் வைத்து சூடானதும் எண்ணெய் சேர்த்து காயவிடவும்.

- அதனுடன் கடுகு சேர்த்து பொரிந்ததும் வரமிளகாய், கடலைப்பருப்பு மற்றும் உளுந்தம் பருப்பு சேர்த்து பொன்னிறமாகும் வரை வறுக்கவும்.

- பின் அதை சட்னி உடன் சேர்த்து கிளறினால் ஆரோக்கியமான முடக்கத்தான் சட்னி ரெடி!