மட்டன் வாங்குனா இந்த மாதிரி நெல்லூர் ஸ்டைலில் குழம்பு வைச்சு பாருங்க... தோசை, சாதத்துக்கு சூப்பரா இருக்கும்...

Nellore Mutton Kurma Recipe in Tamil: சண்டே வந்தாலே அனைவருக்கும் முதலில் நினைவிற்கு வருவது அசைவ உணவுகள்தான். சிக்கன், மட்டன், மீன் மற்றும் முட்டை என சண்டே வந்தாலே மக்களை கையில் பிடிக்க முடியாது. இந்த சண்டே மட்டன் வாங்கப் போறீங்களா? அப்படினா வழக்கமான குழம்பு வைக்காம இந்த மாதிரி நெல்லூர் ஸ்டைல் மட்டன் குழம்பை செஞ்சு பாருங்க. உங்களுக்கு நெல்லூர் ஸ்டைல் மட்டன் குழம்பை எப்படி செய்யணும்னு தெரியாதா?

இந்த நெல்லூர் ஸ்டைல் மட்டன் சுக்கா வறுவல் எளிதில் செய்யக்கூடியவாறு மிகவும் ஈஸியாக இருக்கும். மேலும் இது இட்லி, தோசை, சப்பாத்தி, மட்டுமின்றி சாதத்துடன் சேர்த்து சாப்பிடவும் அட்டகாசமாக இருக்கும். ஆந்திரா உணவுகள் என்றாலே காரசாரமாகத்தான் இருக்கும், இந்த நெல்லூர் மட்டன் குழம்பும் அதற்கு விதிவிலக்கல்ல. உங்களுக்கு காரசாரமான மட்டன் குழம்பு பிடிக்குமென்றால் இதை நிச்சயம் ஒரு முறையாவது முயற்சிக்க வேண்டும்.

உங்களுக்கு நெல்லூர் ஸ்டைல் மட்டன் குழம்பை எப்படி செய்வதென்று தெரிந்து கொள்ள வேண்டுமா? கீழே நெல்லூர் ஸ்டைல் மட்டன் குழம்பு ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

- 1 கிலோ மட்டன்
- 1 1/4 கப் தயிர்
- 3 இஞ்சி பூண்டு விழுது
- 1 1/2 ஸ்பூன் + 1 ஸ்பூன் மிளகாய் தூள்
- 1 ஸ்பூன் மஞ்சள் தூள்
- 4 ஸ்பூன் எண்ணெய்
- 3 நறுக்கிய பெரிய வெங்காயம்
- 5 கிராம்பு
- 8 ஏலக்காய்
- 4 நறுக்கிய தக்காளி
- 1 ஸ்பூன் சீரகம்
- 1 கொத்து றிவேப்பிலை
- 2 ஸ்பூன் எலுமிச்சை சாறு
- தேவையான அளவு உப்பு
- 2 ஸ்பூன் கொத்தமல்லி இலைகள்

செய்முறை:

- ஒரு பாத்திரத்தில், தயிர், இஞ்சி விழுது, பூண்டு விழுது, 1 1/2 தேக்கரண்டி மிளகாய் தூள் மற்றும் மஞ்சள் ஆகியவற்றைச் சேர்த்து நன்கு கலக்கவும்.

- பின்னர் இந்த கலவையில் நன்றாக கழுவி சுத்தம் செய்த மட்டனை சேர்த்து நன்றாக கிளறவும்.

- இதை குளிர்சாதன பெட்டியில் 2 மணி நேரம் வைக்கவும்.

- பின்னர் ஒரு பாத்திரத்தில் எண்ணெயை ஊற்றி சூடாக்கவும். பின் நறுக்கிய வெங்காயத்தைச் சேர்த்து அவை கண்ணாடி பதத்திற்கு மாறும் வரை வதக்கவும்.

- அதன்பின் ஏலக்காய் மற்றும் கிராம்பை சேர்த்து கிளறவும்.

- பின்னர் ஊறவைத்த மட்டனை சேர்த்து நன்கு கிளறவும்.

- மட்டன் நன்றாக வேகும் வரை சுமார் 20 நிமிடங்கள் அடுப்பை புல் தீயில் வைக்கவும், இடையிடையே கிளறி விடவும்.

- பின்னர் நறுக்கிய தக்காளி மற்றும் கறிவேபில்லையை சேர்த்து நன்றாக கிளறி விடவும்.

- தக்காளி மென்மையாகும் வரை நன்றாக கிளறவும்.

- அதன்பின் 6 கப் தண்ணீர் சேர்த்து நன்றாக கொதிக்க வைக்கவும்.

- மீதமுள்ள மிளகாய் தூளை சேர்த்து குழம்பை நன்றாக கொதிக்க வைக்கவும். இறைச்சி மென்மையாகவும் மென்மையாகவும் மாறும் வரை சுமார் 1 மணி நேரம் மிதமான தீயில் வேக வைக்கவும்.

- குழம்பு நன்றாக சுண்டியவுடன் எலுமிச்சை சாறு மற்றும் உப்பு சேர்க்கவும்.

- இறுதியாக கொத்தமல்லி தலை தூவி கிளறினால் சுவையான நெல்லூர் மட்டன் குழம்பு ரெடி!