கருவில் இருப்பது என்ன குழந்தைனு வீட்டிலேயே தெரிஞ்சிக்க அந்த காலத்துல இருந்தே இருக்கும் வழிகள்...!

சீன பாலின விளக்கப்படம்

சீன பாலின விளக்கப்படம் பாலினத்தை கணிக்க ஒரு பிரபலமான வழியாகும். இது ஒரு குறிப்பிட்ட விளக்கப்பட முறையைப் பயன்படுத்துகிறது, அங்கு குழந்தையின் பாலினம் கருத்தரிக்கப்பட்ட மாதத்தையும், கருத்தரிக்கும் போது தாயின் வயதையும் காரணிகளாக தீர்மானிக்கிறது. உதாரணத்திற்கு, விளக்கப்படத்தை அடிப்படையாகக் கொண்டு, ஆகஸ்ட் மாதத்தில் உங்கள் குழந்தை கருத்தரிக்கப்பட்டு, அந்த நேரத்தில் நீங்கள் 28 வயதாக இருந்தால், உங்கள் குழந்தை ஒரு பையனாக இருக்க வாய்ப்புள்ளது.

மாயன் பாலின விளக்கப்படம்

சீன பாலின விளக்கப்படத்தின் மற்றொரு வடிவம்தான் மாயன் முறை. இது முந்தையதைப் போலவே இருக்கிறது, கருத்தரிக்கும் போது தாயின் வயதைப் பயன்படுத்துகிறது. ஆனால் சீன வழியைப் போலன்றி, மாதத்திற்கு பதிலாக குழந்தை கருத்தரித்த ஆண்டை மாயன் முறை பயன்படுத்துகிறது. கருத்தரிக்கும் போது உங்கள் வயதைச் சேர்த்து, உங்கள் குழந்தை கருத்தரிக்கப்பட்ட ஆண்டில் சேர்க்கவும். மாயன்களின் கூற்றுப்படி, இதன் விளைவாக ஒற்றைப்படை எண் என்றால் ஆண் குழந்தை எனவும், இரட்டைப்படை எண்ணாக இருந்தால் பெண் குழந்தை எனவும் கணக்கிடப்பட்டது.

வயிறு சோதனை

கர்ப்பமான பெண்ணின் வயிறு குழந்தையின் பாலினத்தை கணிக்கும் மற்றொரு விஷயமாகும். இந்த சோதனையின்படி, உங்கள் குழந்தை பம்ப் நீண்டு ஒரு கட்டத்திற்கு வந்தால், நீங்கள் ஒரு பையனை சுமக்கிறீர்கள். மறுபுறம் உங்கள் வயிறு வட்டமாக இருந்தால், நீங்கள் ஒரு பெண்ணை சுமக்கிறீர்கள் என்று அர்த்தம்.

இதுல ஏதாவது ஒண்ண தினமும் சாப்பிடற ஆண்களோட விந்தணுக்கள் தரமானதா இருக்குமாம் தெரியுமா?

பசி சோதனை

இந்த சோதனைக்கு கர்ப்பமான பெண்ணின் உடல் மட்டும் போதுமானது. இதில் முக்கியமாக கணக்கில் கொள்ள வேண்டியது உங்கள் பசி. பண்டைய கால நம்பிக்கைகளின் படி நீங்கள் நினைத்ததை விட உங்கள் பசி உங்கள் குழந்தையைப் பற்றி அதிகம் கூறுகிறது. நீங்கள் ரொட்டி மற்றும் குக்கீகள் போன்ற இனிப்புகள் அல்லது கார்ப்ஸ் உணவுகளுக்கு ஏங்குகிறீர்கள் என்றால் உங்கள் வயிற்றில் இருப்பது பெண் குழந்தை அதேசமயம் நீங்கள் உப்பு அல்லது காரமான உணவுகளுக்கு ஏங்குகிறீர்கள் என்றால் உங்கள் வயிற்றில் இருப்பது ஆண் குழந்தையாக இருக்க வாய்ப்புள்ளது.

இதயத்துடிப்பு சோதனை

இதய துடிப்பு சோதனையில் அதில் கொஞ்சம் விஞ்ஞானம் இருக்கலாம், ஆனால் அது நிருபிக்கப்பட்ட முறையல்ல. இதய துடிப்பு சோதனையின்படி, உங்கள் குழந்தையின் பாலினத்தை தீர்மானிக்க நீங்கள் தெரிந்து கொள்ள வேண்டியது அவர்களின் கருவின் இதய துடிப்பு மட்டுமே. 110 முதல் 130 வரை உங்கள் குழந்தையின் இதயத் துடிப்பு குறைவாக இருந்தால், நீங்கள் ஒரு பையனை சுமக்கிறீர்கள். ஆனால் இதய துடிப்பு 140 முதல் 160 வரை அதிகமாக இருந்தால், அது ஒரு பெண் குழந்தையாக இருக்க வேண்டும்.

பேக்கிங் சோடா சோதனை

இது அறிவியல் சோதனை போன்றது. இந்த சோதனைக்குத் தேவை பெண்களின் காலை சிறுநீர் ஆகும். ஒரு கோப்பையில் சிறுநீர் கழித்தவுடன், அதில் பேக்கிங் சோடாவை போட்டு கலக்கவும். இந்த சோதனையின்படி, பேக்கிங் சோடா பிசுபிசுத்தால் உங்கள் கருவில் இருப்பது ஆண் குழந்தை, இல்லையெனில் உங்கள் கருவில் இருப்பது பெண் குழந்தை.

இந்த குளிர்காலத்தில் நீங்கள் சாப்பிடும் இந்த உணவுகள் உங்களை பல நோய்களுக்கு ஆளுக்குமாம்... உஷார்!

முகப்பொலிவு சோதனை

கர்ப்ப காலத்தில் உங்கள் சருமத்தில் ஏற்படும் மாற்றங்களுக்கு உங்கள் கருவில் இருக்கும் குழந்தையின் பாலினத்துடன் நிறைய தொடர்புள்ளது. கர்ப்பமாக இருக்கும்போது மென்மையான, ஒளிரும் தோலைக் கொண்ட அதிர்ஷ்டசாலி சிலரில் நீங்கள் ஒருவராக இருந்தால், நீங்கள் ஒரு ஆண் குழந்தையை பெற வாய்ப்புள்ளது. மாறாக முகப்பரு அதிகமாக ஏற்பட்டால் பெண் குழந்தை பிறக்க வாய்ப்புள்ளது.

மனநிலை சோதனை

இது கர்ப்பகாலத்தில் பெண்கள் அனுபவிக்கும் ஹார்மோன் மாற்றங்களை பொறுத்தது. இந்த சோதனையின்படி பெண்களுக்கு அடிக்கடி மனநிலை மாற்றங்கள் மற்றும் எரிச்சலான மனநிலை இருந்தால் அவர்கள் கருவில் இருப்பது பெண் குழந்தை, மாறாக வழக்கத்திற்கு மாறாக அமைதியாக இருந்தால் அவர்கள் கருவில் இருப்பது ஆண் குழந்தை.