எவ்வளவு வயசானாலும் இளமையா காட்சியளிக்கணுமா? அப்ப இந்த ஃபேஸ் பேக்கை அடிக்கடி போடுங்க..

Skin Care Tips In Tamil: ஒவ்வொருவருக்குமே எத்தனை வயதானாலும் இளமையாக காட்சியளிக்க வேண்டுமென்ற ஆசை இருக்கும். அதற்காக சருமத்திற்கு பலவிதமான பராமரிப்புக்களை பலர் தவறாமல் கொடுத்து வருவார்கள். இருப்பினும் வயது அதிகரிக்கும் போது சருமத்தில் கொலாஜென் உற்பத்தி குறையத் தொடங்கும். இப்படி கொலாஜன் உற்பத்தி குறையும் போது, சருமத்தில் விரைவில் சுருக்கங்கள் வரத் தொடங்கி, முதுமைத் தோற்றத்தை தரும்.

இது தவிர சருமம் அதிகமாக வறட்சிக்குள்ளானாலும், அதன் விளைவாக சருமம் முதுமைத் தோற்றத்தைப் பெறும். இவற்றைத் தவிர்க்க சிறந்த வழி, சருமத்திற்கு போதுமான பராமரிப்புக்களைக் கொடுப்பது தான். குறிப்பாக சருமத்தை இறுக்கமடையச் செய்யும் ஃபேஸ் பேக்குகளைப் போடுவது தான்.

அதுவும் 30 வயதை அடைந்துவிட்டால், சரும பராமரிப்புக்களை தவறாமல் கொடுக்க வேண்டும். கீழே சருமம் சுருக்கமடைவதைத் தடுக்க உதவும் ஒருசில நேச்சுரல் ஃபேஸ் பேக்குகள் கொடுக்கப்பட்டுள்ளன. இந்த ஃபேஸ் பேக்குகளை அடிக்கடி பயன்படுத்தி வந்தால், விரைவில் முதுமைத் தோற்றத்தைப் பெறுவதைத் தடுக்கலாம்.

1. பப்பாளி ஃபேஸ் பேக்

* இந்த ஃபேஸ் பேக்கிற்கு ஒரு பௌலில் நன்கு கனிந்த பப்பாளியை மசித்து எடுத்துக் கொள்ள வேண்டும்.
* பின்பு அதில் 1 டேபிள் ஸ்பூன் தேன் மற்றும் 1 டேபிள் ஸ்பூன் எலுமிச்சை சாற்றினை சேர்த்து நன்கு கலந்து கொள்ள வேண்டும்.
* பிறகு அதை முகத்தில் தடவி, சிறிது நேரம் மசாஜ் செய்து, 30 நிமிடம் ஊற வைக்க வேண்டும்.
* அதன் பின் வெதுவெதுப்பான நீரால் கழுவ வேண்டும்.

2. முட்டை ஃபேஸ் பேக்

* இந்த ஃபேஸ் பேக்கிற்கு ஒரு பௌலில் முட்டையின் வெள்ளைக் கருவை எடுத்து, அத்துடன் 1 டேபிள் ஸ்பூன் தேன் மற்றும் 1 டேபிள் ஸ்பூன் எலுமிச்சை சாற்றினை சேர்தது கலந்து கொள்ள வேண்டும்.
* பின்பு அதை முகத்தில் தடவி 1-2 நிமிடம் மசாஜ் செய்ய வேண்டும்.
* அதன் பின் 40 நிமிடம் ஊற வைத்து, பிறகு குளிர்ந்த நீரால் கழுவ வேண்டும்.

3. கற்றாழை ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் கற்றாழை ஜெல்லை எடுத்துக் கொள்ள வேண்டும்.
* பின் அத்துடன் 1 முட்டையின் வெள்ளைக்கருவை சேர்த்து நன்கு கலந்து கொள்ள வேண்டும்.
* பின்பு அதை முகத்தில் தடவி 40 நிமிடம் ஊற வைத்து, பின் குளிர்ந்த நீரால் கழுவ வேண்டும்.
* இந்த ஃபேஸ் பேக்கை வாரத்திற்கு 3 முறை பயன்படுத்தி வர நல்ல பலனைப் பெறலாம்.

4. தேங்காய் எண்ணெய் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் தேங்காய் எண்ணெயை எடுத்து, அத்துடன் 1 டேபிள் ஸ்பூன் தேன் சேர்த்து கலந்து கொள்ள வேண்டும்.
* பின்பு அதை முகம், கழுத்துப் பகுதியில் தடவி 40 நிமிடம் ஊற வைக்க வேண்டும்.
* பிறகு வெதுவெதுப்பான நீரால் கழுவ வேண்டும்.
* இந்த ஃபேஸ் பேக்கை வாரத்திற்கு 1 முறை பயன்படுத்த நல்ல பலன் கிடைக்கும்.

5. ஓட்ஸ் ஃபேஸ் பேக்

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் ஓட்ஸ் பொடியை எடுத்து, அத்துடன் 1 முட்டையின் வெள்ளைக் கருவை சேர்த்து கலந்து கொள்ள வேண்டும்.
* பின்பு அதை முகம் மற்றும் கழுத்தில் தடவி, 30 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)