பிரபல முன்னணி நடிகர் நடிகைகளின் உண்மையான லட்சியம் என்னென்னு தெரியுமா...?

அஜித்

நடிகர் அஜித் சினிமா துறையில் நுழையாவிட்டால், அவர் மிகவும் சிறந்த கார் பந்தய வீரராகியிருப்பார். இவரது கனவே கார் பந்தயத்தில் சிறந்தவராக இருக்க வேண்டுமென்பது தான். இது அனைவரும் அறிந்த ஒன்றே.

சூர்யா

சூர்யா நடிகர் ஆவதற்கு முன் ஆடை ஏற்றுமதி தொழில்துறையில் 6 மாதங்களாக பணியாற்றி வந்திருந்தார். இவருக்கு நடிப்பில் ஆர்வம் இல்லை. இருப்பினும் குடும்ப சூழ்நிலையின் காரணமாக இவர் சினிமா துறையில் நுழைந்து தற்போது முன்னணி நடிகர்களுள் ஒருவராகத் திகழ்கிறார்.

விஷ்ணு

நடிகர் விஷ்ணு சிறந்த கிரிக்கெட் வீரராவார். தமிழ்நாடு கிரிக்கெட் சங்க லீக் நடத்திய போட்டியில் விளையாடிய போது இவரது கால்களில் அடிப்பட்டு பின் விளையாட முடியாமல் போனது. பின் அவர் சினிமா துறையில் நுழைந்து சிறந்த நடிகராக திகழ்ந்து வருகிறார்.

த்ரிஷா

நடிகை த்ரிஷா ஆரம்பத்தில் குற்றவியல் உளவியலாளராக ஆசைப்பட்டார். பின் சினிமாத் துறையில் தனது கவனத்தை செலுத்தினார். இருப்பினும், இவர் சினிமாவில் நுழைய அவரது மாடலிங் ஒருவகையில் காரணமாக இருந்தது எனலாம்.

மாதவன்

நடிகர் மாதவனுக்கு இராணுவம், கடற்படை மற்றும் விமானப்படை போன்றவற்றில் ஈடுபட்டு பொது சேவை செய்வதில் ஆர்வம் அதிகம். அதற்காக அவர் விமானப் படையில் சேர முயற்சித்த போது, அவருக்கு அங்கு குறிப்பிட்டுள்ள வயதை விட 6 மாதம் அதிகம் என்பதால் அவர் நிராகரிக்கப்பட்டார். இதனால் அவர் சினிமா துறையில் தனது வாழ்க்கையை கொண்டு செய்ய வேண்டியதாயிற்று.

ஜெய்

நடிகர் ஜெய்க்கு சிறந்த இசைக் கலைஞர் ஆக வேண்டுமென்ற ஆசை உள்ளது. இவருக்கு இசை என்றால் கொள்ளைப் பிரியம். இவர் லண்டனில் உள்ள ட்ரினிட்டி கல்லூரில் கீபோட்டில் 5ஆவது கிரேடு வாங்கியுள்ளார்.

அனுஷ்கா ஷெட்டி

நடிகை அனுஷ்கா யோகா மாஸ்டர். இவரது கனவு சிறந்த யோகா ஆசிரியராக இருப்பது தான். இந்த விஷயமும் அனைவரும் அறிந்தது தான்.

அர்ஜுன்

கராத்தேவில் பிரபலமான நடிகர் புரூஸ் லீயின் 'என்டர் தி டிராகன்' படத்தைப் பார்த்துவிட்டு, தனது 16 ஆவது வயதில் கராத்தேவில் சேர்ந்து கருப்பு பெல்ட் வாங்கியவர் தான் நடிகர் அர்ஜுன். இவருக்கு கராத்தே தான் முதல் காதலியும் கூட.

நமீதா

நடிகை நமீதா கராத்தே, நீச்சல் மற்றும் பேட்மிண்டனில் சிறந்தவர். சினிமாவில் நடிப்பதற்கு முன், இவர் சூரட்டில் உள்ள குழந்தைகளுக்கு நீச்சல் பயிற்சியாளராக இருந்தார். மேலும் இவருக்கு மிகவும் பிடித்தது சிறந்த நீச்சல் வீராங்கணை ஆக வேண்டும் என்பது தான்.