புல்லரிப்பு ஏற்படும் போது நம் உடலினுள் என்னவெல்லாம் நடக்கும் தெரியுமா?

புல்லரிப்பு ஏற்படும் போது நம் உடலில் என்ன நடக்கும்?

நமது உடலில் உள்ள ஒவ்வொரு முடியின் வேரிலும் அரெக்டர் பில்லி என்று அழைக்கப்படும் ஒரு சிறிய தசை சூழ்ந்துள்ளது. இந்த சிறிய தசை இறுகும்போது, ​​தோலில் சிறிய புடைப்புகள் தோன்றும். இந்த இறுக்கம் நாம் அதிக உணர்ச்சி வசப்படும் போது ஏற்படுகிறது. பிறகு உணர்ச்சிகள் கொஞ்சம் கொஞ்சமாக தளரும் போது புடைப்புகள் மறைந்து விடுகின்றன.

காரணங்கள்

குளிரால் ஏற்படும் புல்லரிப்பு

நமது உடல் குளிர்ச்சியாக இருக்கும் போது அல்லது நாம் குளிரால் நடுங்கும் போது, ​​மயிர்க்கால்களின் முடிவில் அமைந்துள்ள சிறிய தசைகள் சுருங்கி, முடி எழுந்து நிற்கும். புல்லரிப்பு ஏற்படும். இது ஏன் ஏற்படுகிறது என்றால் நமது மூளை உடலை சூடாக்குவதற்கு எதாவது செய்யுங்கள் என்று எச்சரிக்கிறது. உங்கள் உடம்பை சூடேற்றியதும் இந்த புல்லரிப்புகள் போய் விடும்.

ஆழ்ந்த உணர்ச்சிகள்

நாம் சோகம், பயம், மகிழ்ச்சி அல்லது பாலியல் ஆசை போன்ற தீவிரமான உணர்ச்சிகளை அனுபவிக்கும் போது, ​​உடல் இரண்டு வெவ்வேறு வழிகளில் அதை வெளிப்படுத்துகிறது. முதலாவதாக, தோலின் கீழ் உள்ள தசைகளில் மின் செயல்பாடுகளில் அதிகரிப்பு ஏற்படும். இரண்டாவதாக, உங்கள் சுவாசம் கனமாகும். இந்த இரண்டு நிகழ்வுமே நமது தோலில் புல்லரிப்புகளை ஏற்படுத்தக் கூடும். நீங்கள் உணர்ச்சிப்பூர்வமான ஒரு படத்தைப் பார்க்கும் போதோ அல்லது உணர்ச்சிப்பூர்வமான சமூக தூண்டுதல்களைப் பார்ப்பது அல்லது உணர்ச்சிபூர்வமான ஒன்றைக் கேட்பது கூட புல்லரிப்புகளை ஏற்படுத்தும் என்று ஆய்வுகள் கூறுகின்றன .

மருந்துகளால் ஏற்படும் புல்லரிப்பு

பெரும்பாலான சந்தர்ப்பங்களில் இந்த புல்லரிப்பு தற்காலிகமானதாக இருக்கும். அவை சில விநாடிகளில் போய் விடும். அப்படி இல்லையென்றால் நீங்கள் எடுத்துக் கொள்ளும் கடுமையான மருந்துகளின் விளைவாகக் கூட இது ஏற்படலாம்.

கெரடோசிஸ் பிலாரிஸ்

இது உங்கள் தோல் அதிகப்படியான கெரோட்டினை உருவாக்கும் போது ஏற்படும் ஒரு பொதுவான தோல் நிலை. இது சருமத்தை தொற்று நோயிலிருந்து பாதுகாக்கிறது. இந்த கரோட்டீன் செதில் செல்களை உருவாக்கி மயிர்க்கால்களை அடைக்கும் போது புல்லரிப்பு ஏற்படும்.

டெம்போரல் லோப் எபிலப்ஸி

இது ஒரு நீண்டகால மூளைக் கோளாறு ஆகும். இது மூளை உயிரணு செயல்பாட்டில் மாற்றங்களை ஏற்படுத்தும் நிலை. இதன் விளைவாக வலிப்பு ஏற்படுகிறது. இந்த நோயின் அறிகுறிகளாக புல்லரிப்புகள், தீவிர மகிழ்ச்சி, அடிவயிற்றில் உணர்வு, தேஜாவு, பதட்டம் போன்ற உணர்வுகள் சில விநாடிகள் வரை நீடிக்கும்.

ஆட்டோமேட்டிக் டிஸ்ரெஃப்ளெக்ஸியா

இது தன்னிச்சையான நரம்பு மண்டலம் வெளிப்புற தூண்டுதல்களுக்கு வெளிப்பாடான ஒரு நிலை. வியர்வை, அதிக குளிரை உணரும் போது புல்லரிப்புகள் ஏற்படுகின்றன.