பெண் இனப்பெருக்க உறுப்புகளில் வரும் இந்த புற்றுநோய்களைப் பற்றி கேள்விப்பட்டதுண்டா..?

கருப்பை புற்றுநோய்

இந்த வகை புற்றுநோய் பெண்களின் கர்ப்பப்பையில் உண்டாகிறது. கருமுட்டையை உருவாக்கும் கர்ப்பப்பையில் புற்றுநோய் கட்டிகள் வளர்கின்றன. இது பொதுவாக வயதான பெண்களை தாக்குகிறது. இதன் அறிகுறிகளாவன பசியின்மை, வயிறு நிரம்பிய உணர்வு, வீக்கம், குடல்/சிறுநீர் பழக்கவழக்கங்களில் மாற்றம், வயிற்று போக்கு மற்றும் வலி ஏற்படுதல். இந்த மாதிரியான அறிகுறிகள் 2 வாரங்களுக்கு மேல் இருந்தால் உடனே மருத்துவரை அணுகி விடுங்கள்.

கர்ப்பப்பை வாய் புற்றுநோய்

கர்ப்பப்பை வாய் அதாவது கர்ப்பப்பையின் கழுத்து பகுதியில் இந்த வகை புற்றுநோய் ஏற்படுகிறது. இது உடலுறவு மூலம் பரவும் மனித பாப்பிலோமா வைரஸ் தொற்று மூலம் ஏற்படுகிறது. உடலுறவுக்கு பிறகு வெளிப்படும் இரத்தம், யோனி பகுதியில் துர்நாற்றம் வீசுதல், இடுப்பு வலி ஆகியவை கர்ப்பப்பை வாய் புற்றுநோயின் அறிகுறிகளாகும். இந்த அறிகுறிகள் தென்பட்டால் புறக்கணிக்காதீர்கள்.

கருப்பைக்குள் புற்றுநோய்

இந்த புற்றுநோய் எண்டோமெட்ரியல் புற்றுநோய் என்றும் அழைக்கப்படுகிறது. கருப்பையின் உள் பகுதிகளில் ஏற்படுகிறது. பெண்களின் கருப்பை பார்ப்பதற்கு வெற்று, பேரிக்காய் வடிவில் இருக்கும். மாதவிடாய் நின்ற பிறகு இரத்த போக்கு ஏற்படுதல் இதன் அறிகுறியாகும். புற்றுநோய் கண்டறியப்பட்டவுடன், குழாய்களைக் கொண்டு கருப்பையை முன்கூட்டியே அறுவை சிகிச்சை மூலம் அகற்றுவது இந்த புற்றுநோயை குணப்படுத்த முடியும். அறிகுறிகளை முன்கூட்டியே கண்டறிந்து இந்த நோய்களை குணப்படுத்தலாம்.

யோனி வகை புற்றுநோய்

இது ஒரு அரிய வகை புற்று நோயாகும். அசாதாரணமாக வெள்ளைப்படுதல், இரத்த போக்கு, உடலுறவின் போது வலி ஏற்படுதல் போன்றவை இதன் அறிகுறிகளாகும்.

வல்வார் புற்றுநோய்

இது புற்றுநோயின் அரிய வடிவமாகும். வயதான பெண்களில் பெண்ணுறுப்புகளின் வெளிப்புறத்தில் அசாதாரண வளர்ச்சி ஏற்படுகிறது. இதை ஆரம்பத்திலேயே கண்டறிந்து விட்டால் வல்வார் புற்றுநோயை நீங்கள் குணப்படுத்தலாம். நிலையான அரிப்பு, வலி அல்லது எரியும் உணர்வு, மாதவிடாய் ஒழுங்கற்று போதல், நிற மாற்றம், வெள்ளைப்படுதல், இரத்த போக்கு போன்றவை வல்வார் புற்றுநோயின் அறிகுறிகளாகும். நீங்கள் உடனடியாக மருத்துவரை அணுக வேண்டியது அவசியம்.