இந்தியர்களின் நோயெதிர்ப்பு சக்தியை அதிகரிக்க இந்திய ஆயுஷ் அமைச்சகம் கூறிய வழிகள் இதாங்க...

நோயெதிர்ப்பு சக்தியை மேம்படுத்தும் சில அன்றாட பழக்கங்கள்:

வழி #1

தினமும் வெதுவெதுப்பான நீரைக் குடிக்கவும். மனதை அமைதிப்படுத்தும் பழக்கங்களான யோகா, பிராணயாமம் போன்றவற்றை தினமும் குறைந்தது 30 நிமிடங்கள் மேற்கொள்ள வேண்டும்.

வழி #2

அன்றாட சமையலில் மஞ்சள், சீரகம், மல்லி மற்றும் பூண்டு போன்ற பொருட்களைத் தவறாமல் பயன்படுத்த வேண்டும். ஏனெனில் இவை உடலைத் தாக்கும் கிருமிகளை எதிர்க்கும் நோயெதிர்ப்பு மண்டலத்தை பலப்படுத்த உதவும்.

நோயெதிர்ப்பு சக்தியை அதிகரிக்கும் சில ஆயுர்வேத வழிகள்:

கீழே கொடுக்கப்பட்டுள்ள ஆயுர்வேத வழிகளைத் தான் இந்திய ஆயுஷ் அமைச்சகம் அன்றாடம் பின்பற்ற கூறுகிறது. இந்த வழிகளால் கொரோனா தொற்றை எதிர்த்துப் போராடுவதற்கு தேவையான நோயெதிர்ப்பு சக்தி உடலுக்கும் கிடைக்கும் என்றும் இந்திய ஆயுஷ் அமைச்சகம் கூறுகிறது.

வழி #1

ஒருவரது நோயெதிர்ப்பு சக்தியைப் பலப்படுத்த தினமும் ஒரு டேபிள் ஸ்பூன் சியவன்பிரஷ் (Chyavanprash) சாப்பிட வேண்டும். இதில் நோயெதிர்ப்பு மண்டலத்தை வலுப்படுத்த தேவையான உட்பொருட்கள் அடங்கியுள்ளன.

வழி #2

துளசி, டால்சினி, கலிமிர்ச், சுக்கு ஆகியவற்றின் மூலிகை நீரை ஒரு நாளைக்கு ஒரு முறை அல்லது இரண்டு முறை உட்கொண்டால், நோய் எதிர்ப்பு சக்தி அதிகரிக்கும். இந்த பானத்துடன் சிறிது எலுமிச்சை சாற்றினை சேர்த்தும் பருகலாம். இதனால் உடலுக்கு ஒரு நாளைக்குத் தேவையான வைட்டமின் சி கிடைக்கும்.

வழி #3

பழங்காலத்தில் நோயெதிர்ப்பு சக்தியை அதிகரிக்க நம் முன்னோர்கள் ஒரு டம்ளர் வெதுவெதுப்பான பாலில் 1/2 டீஸ்பூன் மஞ்சள் தூள் கலந்து குடித்தனர். ஆயுர்வேதத்தில் நோயெதிர்ப்பு சக்தியை வலுப்படுத்தும் சிறப்பான பானமாக மஞ்சள் கலந்த பால் கருதப்படுகிறது.

வழி #4

காலை மற்றும் மாலையில் மூக்கின் இரண்டு துவாரங்களிலும் நல்லெண்ணெய், தேங்காய் எண்ணெய் அல்லது நெய் போன்றவற்றைத் தடவ வேண்டும். இதனால் மூக்கின் வழியே கிருமிகள் நுழைந்து படிவது தடுக்கப்படும்.

வழி #5

ஒரு டேபிள் ஸ்பூன் நல்லெண்ணெயை அல்லது தேங்காய் எண்ணெயை வாயில் ஊற்றி நன்கு 2-3 நிமிடம் கொப்பளிக்க வேண்டும். அதன் பின் எண்ணெயை துப்பிவிட்டு, வாயை வெதுவெதுப்பான நீரால் கழுவ வேண்டும். இப்படி ஒரு நாளைக்கு ஒன்று அல்லது இரண்டு முறை செய்ய வேண்டும்.

வறட்டு இருமல் மற்றும் தொண்டைப் புண்ணிற்கான நிவாரணிகள்!

கொரோனா வைரஸ் தொற்று சுவாச மண்டலத்தைப் பாதிப்பதால், ஆயுஷ் அமைச்சகம் தொண்டைப் புண்ணால் அவஸ்தைப்படும் போது ஒருசில ஆயுர்வேத வைத்தியங்களைப் பின்பற்றப் பரிந்துரைக்கிறது. இப்போது அவை என்னவென்று காண்போம்.

வழி #1

தொண்டை புண் அல்லது தொண்டை கரகரப்பு சந்திக்கும் போது, நீரை நன்கு கொதிக்க வைத்து, அதில் புதினா அல்லது ஓமம் சேர்த்து நன்கு கொதித்த பின், அந்த நீரைக் கொண்டு ஆவி பிடிக்க வேண்டும்.

வழி #2

வறட்டு இருமலால் மிகுந்த அவஸ்தைப்படும் போது, கிராம்பை பொடி செய்து, அதில் தேன் சேர்த்து கலந்து, தினமும் 2 முதல் 3 முறை உட்கொள்ள வேண்டும்.

குறிப்பு

மேலே கொடுக்கப்பட்டுள்ள வழிகள் சாதாரண இருமல் மற்றும் சளி பிரச்சனை இருந்தால் குணமாகிவிடும். ஒருவேளை அறிகுறிகள் பல நாட்களாக நீடித்திருந்தால், சற்றும் தாமதிக்காமல் உடனே மருத்துவரை அணுகி, கொரோனா வைரஸிற்கான பரிசோதனைகளை மேற்கொண்டு, சிகிச்சை பெறுங்கள்.