தினமும் 30 நிமிடம் வாக்கிங் செல்வதால் கிடைக்கும் நன்மை பற்றி தெரியுமா?

நன்மை #1

தினமும் வாக்கிங் செல்வதன் மூலம், இதய நோய்கள் மற்றும் பக்கவாதம் வரும் அபாயம் குறையும். ஆய்வுகளும் வயதான காலத்திலும் வாக்கிங் செல்வதன் மூலம், இதய நோய்கள், பக்கவாதத்தால் ஏற்படும் இறப்பு சதவீதம் குறைவதாக கூறுகின்றன.

நன்மை #2

30 நிமிட நடைப்பயிற்சி இரத்த அழுத்தத்தைக் குறைப்பதோடு, இரத்த சர்க்கரை அளவில் உள்ள ஏற்றத்தாழ்வை சரிசெய்யும், ஆஸ்துமா மற்றும் சில புற்றுநோய்களின் வளர்ச்சியையும் தடுக்கும்.

நன்மை #3

ஒருவர் தினமும் குறைந்தது 30 நிமிடம் நடப்பதன் மூலம், நல்ல மனநிலையை உணர வைக்கும் எண்டோர்பின்களின் வெளியீடு அதிகரித்து, மன அழுத்தம் மற்றும் பதற்றம் ஏற்படுவது குறையும்.

நன்மை #4

தொடர்ச்சியான வாக்கிங் பயிற்சி, எலும்புகளையும், தசைகளையும் வலிமையாக்கும். இதனால் எலும்பு சம்பந்தப்பட்ட பிரச்சனைகளால் அடிக்கடி அவஸ்தைப்படுவதில் இருந்து விடுபடலாம்.

நன்மை #5

உடல் எடையை மிகவும் எளிதில் குறைக்க உதவும் வழிகளுள் ஒன்று நடைப்பயிற்சி. ஒரு நாளில் ஒருவர் 30 நிமிட வேகமான நடைப்பயிற்சியை மேற்கொண்டால், அதனால் 150 கலோரிகள் எரிக்கப்பட்டு, உடல் எடையில் மாற்றம் தெரியும்.