வாய் துர்நாற்றத்தைத் தவிர்ப்பதற்கான வழிகள்!!!

வறட்சியான வாய்

வாய் எப்போதும் வறட்சியுடன் இருந்தால், அதனால் வாய் துர்நாற்றம் வீசும். எனவே அவ்வப்போது தண்ணீர் குடித்தவாறு இருக்க வேண்டும். மேலும் எதை சாப்பிட்ட உடனேயும் வாயை நன்கு நீரினால் கொப்பளிக்க வேண்டும்.

சூயிங் கம்

சர்க்கரை இல்லாத சூயிங் கம்மை வாயில் போட்டு மென்றவாறு இருந்தால், வாயில் எச்சிலின் சுரப்பு அதிகரித்து, வாய் துர்நாற்றம் வீசுவது தடுக்கப்படும்.

பல் துலக்கும் முறை

தினமும் இரண்டு வேளை பற்களை துலக்குவதுடன், மறக்காமல் நாக்கையும் சுத்தம் செய்ய வேண்டும். இல்லாவிட்டால், நாக்கில் சேரும் வெள்ளை படமே கடுமையான துர்நாற்றத்தை ஏற்படுத்தும்.

வெங்காயம் மற்றும் பூண்டு

வெங்காயம் மற்றம் பூண்டு போன்றவற்றை அளவாக உட்கொள்ள வேண்டும். குறிப்பாக பச்சையாக சாப்பிடுவதை தவிர்க்க வேண்டும். அப்படியே சாப்பிட்டாலும், வாயை உடனே கழுவிட வேண்டும்.

வாயை கொப்பளிக்கவும்

எந்த ஒரு உணவை உட்கொண்டாலும், அதனை உட்கொண்ட பின்னர் வாயை நீரினால் நன்கு கொப்பளிக்க வேண்டும். இதனால் பல் இடுக்குகளில் சிக்கிய உணவுத்துகள் வெளிவந்து, வாய் துர்நாற்றம் வீசுவதைத் தடுக்கும்.

பல் மருத்துவரை அணுகவும்

வருடத்திற்கு இரண்டு முறை தவறாமல் பல் மருத்துவரை அணுகி, பற்களை சுத்தம் செய்து கொள்ள வேண்டும். ஏனெனில் பற்களில் உள்ள சொத்தையும் வாய் துர்நாற்றத்தை ஏற்படுத்தும்.