பனை மரமா... அல்ல பயன் மரமா...!!! உடல் நலத்தை காக்கும் பனை மரம்!!!

நுங்கு

நுங்கு, உடல் நல ஆரோக்கியத்திற்கு ஏராளமான பலன்களை தருகிறது. சுட்டெரிக்கும் வெயில் காலத்தின் சூட்டில் இருந்து நம்மை பாதுகாத்துக்கொள்ள நுங்கு நல்ல பயன் தருகிறது. நம் உடலுக்கு தேவையான நீர்சத்துக்களை பெரும் அளவில் அளிக்கிறது நுங்கு.

சத்துகள்

நுங்கில் அதிகஅளவு வைட்டமின் பி, சி இரும்புச்சத்து, கால்சியம், துத்தநகம், சோடியம், மக்னீசியம், பொட்டாசியம், மற்றும் புரதம் போன்ற சத்துகள் அதிகமாக இருக்கிறது.

கொழுப்பை குறைக்கும்

நுங்குக்கு கொழுப்பை கட்டுப்படுத்தி உடல் எடையை குறைக்கும் ஆற்றல் கொண்டது. உடல் எடையை குறைக்க நினைப்பவர்கள் நுங்கு சாப்பிட்டால் நல்ல பயன் பெற முடியும்.

மலச்சிக்கல், வயிற்றுபோக்கு

நுங்கில் உள்ள நீர் சத்தானது, வயிற்றை நிரப்பி பசியையும் தூண்டுவதோடு மலச்சிக்கல், வயிற்றுபோக்கு இவ்விரண்டிற்கும் நல்ல மருந்தாகப் பயன்படுகிறது.

உடல் சூடு

எவ்வளவு நீர் பருகினாலும் உடல் சூடு குறையவில்லை என்பவர்கள் நுங்கை சாப்பிடுவது அவசியம். நுங்கு உடல் சூட்டை தணிக்கும் மற்றும் தாகத்தை போக்கும்.

இரத்த சோகை

இரத்த சோகை உள்ளவர்கள் நுங்கை சாப்பிட்டு வந்தால் இப்பிரச்சனை குறையும்.

மார்பக புற்று நோயை தடுக்கும்

நுங்கில் ஆந்த்யூசைன் எனும் இராசயனம் இருப்பதால் பெண்களுக்கு மார்பக புற்றுநோய் கட்டிகள் வருவதை தடுக்கும்.

அம்மை நோயை தடுக்கும்

வெயில் காலத்தில் ஏற்படும் அம்மை நோய்களை தடுத்து உடலுக்கு நோய் எதிர்ப்பு சக்தியை தந்து உடலை சுறுசுறுப்பாக்கும்.

மற்றவை

பனைவெல்லம், பனக்கற்கண்டு, பனங்கிழங்கு, பனம்பழம், என பனை மரத்தில் இருந்து உருவாக்கப்படும் அனைத்து உணவுப் பொருட்களுமே அனைத்துமே மருத்துவகுணம் நிறைந்தவை.