கருப்பு நிறத்தில் மலம் வெளியேறுவதற்கான காரணங்கள்!!!

செரிமான பிரச்சனை

குடலியக்கம் சரியாக செயல்படாமல், செரிமானப் பிரச்சனை ஏற்பட்டாலும், கருப்பு நிற மலமானது வெளியேறும். அதிலும் இரவில் படுக்கும் போது செரிமான மண்டலம் மெதுவாக இயங்குவதால், எளிதில் செரிமானமடையும் உணவுகளை உட்கொண்டு தூங்க வேண்டும். இல்லாவிட்டால், தூக்கமின்மையை சந்திப்பதோடு, காலையில் கருமையான நிறத்தில் மலமானது வெளிவரும்.

காரமான உணவுகள்

சிலர் காரமான உணவுகளை விரும்பி சாப்பிடுவார்கள். இதனால் வயிற்று உப்புசம் ஏற்பட்டு, கருமையான மலம் வெளியேறும் நிலை ஏற்படும். எனவே அளவுக்கு அதிகமாக காரம் உண்பதை பழக்கமாக கொள்ளுங்கள்.

மருந்துகள்

உட்கொள்ளும் மருந்துகளில் நல்ல அளவில் லெட் மற்றும் இரும்புச்சத்து நிறைந்திருந்தாலும், கருப்பு நிற மலத்திற்கு வழிவகுக்கும்.

உணவுப் பொருட்கள்

சில உணவுப் பொருட்களான ப்ளூபெர்ரி, பீட்ரூட் மற்றும் தக்காளி போன்றவற்றை அளவுக்கு அதிகமாக சாப்பிட்டாலும், சிவப்பு கலந்த கருப்பு நிறத்தில் மலம் வெளியேறும்.

புற்றுநோய்

குடல் புற்றுநோய் இருந்தாலும், கருப்பு நிற மலம் வெளிவரும். அதிலும் குடல் புற்றுநோய் இருந்தால், மலச்சிக்கல், முறையற்ற குடலியக்கம், இரத்தத்துடன் கூடிய மலம் வெளிவரும். எனவே மேற்கூறியவற்றுடன் மலம் கருப்பு நிறத்தில் வெளியேறினால், உடனே யோசிக்காமல் மருத்துவரை அணுகிட வேண்டும்.

இரத்த உறைவு

உடலில் இரத்த உறைவு ஏற்பட்டிருந்தாலும், கருமை நிறத்தில் மலம் வெளியேறும். அதிலும் இந்த பிரச்சனை குடலில் நீண்ட நாட்களாக முற்றிய நிலையில் இருந்தால், அது பெரும் ஆபத்தை உண்டாக்கிவிடும். எனவே நீண்ட நாட்களாக கருமையான நிறத்தில் மலம் வெளியேறினால், மருத்துவரை அணுகி விட வேண்டும்.

அல்சர்

தற்போது பெரும்பாலானோர் வயிற்று அல்சரால் பாதிக்கப்படுகின்றனர். இவ்வாறு அல்சர் இருக்கும் போது, செரிமான பாதையில் புண்கள் இருப்பதால், செரிமான மண்டலத்தில் செரிமானமடைந்து செரிமான பாதை வழியாக வெளியேறும் கழிவுகளில் இரத்தம் சேர்ந்து, கருப்பு நிற மலத்தை உருவாக்கிவிடும்.