இந்த உணவுகள் உங்கள் உடல் சூட்டை அதிகரிக்கும் என்று தெரியுமா?

வேர் காய்கறிகள்

வேர் காய்கறிகள் உடலின் வெப்பநிலையை அதிகரிக்கும். அதாவது உருளைக்கிழங்கு, கேரட், சர்க்கரைவள்ளிக் கிழங்கு மற்றும் கேல் போன்றவற்றை ஒருவர் சாப்பிட்டால், அது உடல் சூட்டை அதிகரிக்கும். ஏனெனில் இந்த காய்கறிகள் செரிமானமாவதற்கு அதிக ஆற்றல் தேவைப்படுவதால், இது உடல் சூட்டை அதிகரிக்கும். இந்த வகை காய்கறிகள் குளிர்காலத்தில் சாப்பிட ஏற்ற காய்கறிகளாகும்.

வெங்காயம், பூண்டு

ஆயுர்வேதத்தின் படி, வெங்காயம் மற்றும் பூண்டு போன்றவை உடலின் வெப்பநிலையை அதிகரிக்கும். அதோடு இந்த காய்கறிகள், ஒருவரது உடல் வெப்பநிலையை அதிகரிப்பதோடு, கண்ட கண்ட கனவுகளின் தொல்லை, பேய் கனவு மற்றும் குழப்பமான மனநிலை போன்றவற்றையும் உண்டாக்கும் என்ற நம்பிக்கை மக்களிடையே உள்ளது.

சூடான பானங்கள்

இயற்கையாகவே மிகவும் சூடான பானங்களைக் குடித்தால், உடலின் வெப்பநிலை அதிகரிக்கும். பெரும்பாலான ஊட்டச்சத்து நிபுணர்கள் இது உடலுக்கு நல்லது என்று கூறுகிறார்கள். ஒருவரது உடலின் வெப்பநிலை உடற்பயிற்சி செய்தோ அல்லது உணவுகளை உட்கொண்டோ சற்று அதிகரித்தால், அதனால் உடலைத் தாக்கும் கிருமிகளை உடல் வலிமையுடன் எதிர்த்துப் போராடி, உடலுக்கு பாதுகாப்பை வழங்குமாம். இருப்பினும் கோடைக்காலத்தில் உடலின் வெப்பநிலையை அதிகரிக்கும் உணவுகளில் கவனமாக இருங்கள்.

பழங்கள்

பழங்களான மாம்பழம், ஆப்பிள், ஆரஞ்சு போன்றவை உடல் சூட்டை அதிகரிக்கும் உணவுகளாக கருதப்படுகிறது. இந்த பழங்களை ஒருவர் அளவுக்கு அதிகமாக உட்கொண்டால், அது உடல் சூட்டை அதிகரிப்பதோடு, வயிற்றில் எரிச்சலை உண்டாக்கும்.

இஞ்சி, மிளகாய்

சமையலறையில் உள்ள மிளகுத் தூள், மிளகாய், தூள், பச்சை மிளகாய், இஞ்சி போன்றவை உடலின் வெப்பநிலையை உடனே அதிகரிக்கும். இந்த உணவுப் பொருட்களை அளவுக்கு அதிகமாக சாப்பிட்டால், அது பின் பெரும் விளைவை உண்டாக்கிவிடும்.

பசலைக்கீரை, ப்ராக்கோலி

ஒருவரது உடல் சூட்டை பசலைக்கீரை, ப்ராக்கோலி, பீன்ஸ் போன்ற உணவுப் பொருட்களும் அதிகரிக்கும் என்பது தெரியுமா? எனவே இந்த மாதிரியான உணவுப் பொருட்கள் மிகவும் ஆரோக்கியமானதாக இருந்தாலும், இது உடல் சூட்டை அதிகரிக்கும் என்பதால், மிதமான அளவில் சாப்பிடுவதே நல்லது. இல்லாவிட்டால், பெரும் பிரச்சனையை சந்திக்க வேண்டி வரும்.

உடல் சூட்டை அதிகரிக்கும் வேறு சில பழங்கள்

வாழைப்பழம், ஆரஞ்சு, பீச், ப்ளம்ஸ் போன்ற மிகவும் ருசியான சில பழங்களும் உடலின் வெப்பநிலையை அதிகரிக்கும். இந்த பழங்கள் உங்களுக்கு மிகவும் விருப்பமான பழங்களாக இருக்கலாம். ஆனால் இவற்றை அளவுக்கு அதிகமாக சாப்பிட்டால், உடல் சூடு அதிகரித்துவிடும்.

நட்ஸ் வகைகள்

நட்ஸ் வகைகளில் பிஸ்தா, வால்நட்ஸ், முந்திரி, தோலுடனான பாதாம், வேர்க்கடலை போன்றவற்றை ஒருவர் தினமும் சாப்பிட்டால், உடல் ஆரோக்கியம் மேம்படும். ஆனால் அதையே ஒருவர் அளவுக்கு அதிகமாக சாப்பிட்டால், உடல் சூட்டினால் அவஸ்தைப்படக்கூடும்.

இதர உணவுகள்...

கத்திரிக்காய், முள்ளங்கி, ஆலிவ், குடைமிளகாய், தக்காளி, டர்னிப், உளுத்தம் பருப்பு, துவரம் பருப்பு, கைக்குத்தல் அரிசி, காராமணி, புளித்த க்ரீம், சீஸ், சிக்கன், முட்டைகள், மீன், பருப்பு வகைகள், வெண்ணெய் போன்றவைகளும் உடல் சூட்டை அதிகரிப்பவைகளாகும். எனவே வெயில் காலத்தில் இந்த உணவுகளை அதிகம் சாப்பிடுவதைத் தவிர்த்திடுங்கள். இல்லையென்றால் உடல் சூட்டினால் கஷ்டப்பட வேண்டியிருக்கும்.

குறிப்பு

மேலே கொடுக்ப்பட்டுள்ள உணவுகள் அனைத்துமே ஆரோக்கியமானவைகள் என்பதால், இவற்றை முற்றிலும் தவிர்க்க வேண்டும் என்பதில்லை. ஆனால் இந்த உணவுகளை ஒரே நேரத்தில் அளவுக்கு அதிகமாக சாப்பிடாமல், மிதமான அளவிலேயே சாப்பிடுங்கள். இல்லாவிட்டால், அது வயிற்று பிரச்சனைகளை உண்டாக்கிவிடும். எப்போதும் எந்த ஒரு உணவையும் மிதமான அளவில் சாப்பிடுவதே நல்லது என்பதை எப்போதும் நினைவில் கொள்ளுங்கள்.