இந்த உணவுகளை சாப்பிட்டா, நீண்ட நாட்கள் இளமையுடன் இருப்பதோடு, மூட்டு பிரச்சனையே வராது...!

பர்மேஸன் சீஸ்

புரோட்டீன் நிறைந்த பால் பொருட்களுள் ஒன்றான பர்மேஸன் சீஸில், இந்த லைசின் என்னும் அமினோ அமிலம் ஏராளமான அளவில் நிறைந்துள்ளது. அதுவும் இந்த வகை சீஸில் ஒரு நாளைக்குத் தேவையான லைசினில் 151% உள்ளது. எனவே இந்த வகை சீஸை அடிக்கடி வாங்கி சாப்பிடுங்கள்.

வறுத்த மாட்டிறைச்சி

வறுத்த மாட்டிறைச்சி சுவையானதாக இருப்பதோடு, புரோட்டீன் நிறைந்ததும் கூட. இந்த மாட்டிறைச்சியில் பல்வேறு அத்தியாவசியமான அமினோ அமிலங்கள் அடங்கியுள்ளன. குறிப்பாக இதில் சுமார் 171% லைசின் என்னும் அமினோ அமிலம் அடங்கியுள்ளது.

வேக வைத்த சிக்கன் நெஞ்சுக்கறி

வேக வைத்த சிக்கன் நெஞ்சுக்கறியில் புரோட்டீன் ஏராளமான அளவில் உள்ளது. அதே சமயம் இந்த உணவுப் பொருளில் பல்வேறு அத்தியாவசிய அமினோ அமிலங்கள் நிறைந்துள்ளன. அதில் லைசின் என்னும் அமினோ அமிலமும் ஒன்று. அதுவும் இதில் 148% லைசின் அடங்கியுள்ளது.

சமைத்த சூரை மீன்

கொழுப்புமிக்க மீன்கள் அனைத்திலும் லைசின் இருக்கும். இருப்பினும் லைசின் என்னும் அமினோ அமிலம் மற்ற வகை மீன்களை விட சூரை மீன்களில் அதிகமாகவே உள்ளது. அதிலும் இந்த வகை மீனில் 123% லைசின் நிறைந்துள்ளது.

வறுத்த சோயாபீன்ஸ்

சோயாபீன்ஸ் மிகவும் ஊட்டச்சத்து நிறைந்த உணவுகளுள் ஒன்று. இதில் பெரும்பாலான அத்தியாவசிய அமினோ அமிலங்கள் ஏராளமான அளவில் உள்ளது. மேலும் இதில் தாவர வகை புரோட்டீன்கள் நிறைந்துள்ளது. இந்த உணவுப் பொருளில் 125% லைசின் அடங்கியுள்ளது.

சமைத்த பன்றி இறைச்சி

பெரும்பாலான ஐரோப்பிய நாடுகளில் பன்றி இறைச்சி மிகவும் பிரபலமானது. மேலும் உலகில் அனைத்து பகுதிகளிலும் உள்ளோர் பன்றி இறைச்சியை விரும்பி சாப்பிடுவர். இந்த பன்றி இறைச்சியில் மிருக வகை புரோட்டீன்கள் அதிகம் உள்ளதோடு, பல அத்தியாவசியமான அமினோ அமிலங்களும் அடங்கியுள்ளன. அதுவும் இந்த உணவுப் பொருளில் 131% லைசின் நிறைந்துள்ளது.

சமைத்த இறால்

கடல் உணவுகளான இறால், நண்டு போன்றவற்றில் புரோட்டீன் அதிகம் உள்ளது மற்றும் பெரும்பாலான அத்தியாவசிய அமினோ அமிலங்களும் நிறைந்துள்ளன. அதுவும் சமைத்த இறாலில் 103% லைசின் அடங்கியுள்ளது. ஆகவே இச்சத்து கிடைக்க வேண்டுமானால், அவ்வப்போது கடல் உணவுகளை சமைத்து சாப்பிடுங்கள்.

பூசணி விதைகள்

பூசணி விதைகளில் பழ வகை புரோட்டீன்கள் மற்றும் இதர அத்தியாவசிய அமினோ அமிலங்கள் ஏராளமான அளவில் உள்ளது. அந்த அமினோ அமிலங்களுள் ஒன்று தான் லைசின். பூசணி விதைகளில் சுமார் 67% லைசின் அடங்கியுள்ளது. எனவே அவ்வப்போது ஒரு கையளவு பூசணி விதைகளை சாப்பிடுங்கள்.

பச்சை முட்டை

அனைவருக்குமே முட்டை மிகவும் விருப்பமான உணவுப் பொருளாகத் தான் இருக்கும். மேலும் உலகின் அனைத்து பகுதிகளிலும் மக்கள் முட்டையை பல வடிவில் உட்கொள்வார்கள். பச்சை முட்டையை உடற்பயிற்சிக்குப் பின் உட்கொள்வது மிகவும் நல்லது மற்றும் இதில் புரோட்டீன்களும் அதிகம் உள்ளது. பச்சை முட்டையில் சுமார் 43% லைசின் என்னும் அமினோ அமிலம் அடங்கியுள்ளது.

வெள்ளை காராமணி

உலகின் அனைத்து பகுதிகளிலும் காராமணி சமையலில் அதிகம் பயன்படுத்தப்பட்டு வரும் ஓர் ஆரோக்கியமான உணவுப் பொருளாகும். அதிலும் வெள்ளை காராமணியில் அத்தியாவசிய அமினோ அமிலங்கள் ஏராளமான அளவில் நிறைந்துள்ளது. அதில் லைசினும் ஒன்று. வெள்ளைக் காராமணியில் சுமார் 32% லைசின் அடங்கியுள்ளது.

பக்கவிளைவுகள்

லைசின் அமினோ அமிலம் நிறைந்த உணவுகளில் எப்படி நன்மைகள் அடங்கியுள்ளதோ, அதேப் போல் இது சில பக்கவிளைவுகளையும் கொண்டுள்ளது. அதாவது கர்ப்பிணிகள் மற்றும் தாய்ப்பால் கொடுக்கும் பெண்கள் லைசின் நிறைந்த உணவுகளை அளவுக்கு அதிகம் சாப்பிடக்கூடாது.

சில ஆய்வுகளில் லைசினுக்கும் சிறுநீரக நோய்களுக்கும் தொடர்புள்ளதாக கண்டறியப்பட்டுள்ளது. சில சமயங்களில் லைசின் நிறைந்த உணவுகளை சிறுநீரக பிரச்சனை உள்ளவர்கள் சாப்பிட்டால், அது நிலைமையை மோசமாக்கும். எனவே சிறுநீரக பிரச்சனை உள்ளவர்கள், லைசின் நிறைந்த உணவுகளை உட்கொள்ளும் முன், மருத்துவரிடம் கேட்டுக் கொள்வதே நல்லது.