ஒட்டிய கன்னம் உப்புவதற்கு பார்லி ரெசிபி ட்ரை பண்ணியிருக்கீங்களா?

பலூன் ஊதுங்கள் :

தினமும் ஒரு பலூனை எடுத்து ஊதுங்கள். முடியும் வரை ஊதிவிட்டு காற்றை வெளிவிடாமல் அப்படியே ஊதிய நிலையில் 1 நிமிடம் இருங்கள்.

பின்னர் மெதுவாக காற்றை வெளி விடவும். தினமும் 5-6 முறை செய்து பாருங்கள். கன்னம் உப்பும்.

ஆப்பிள் :

ஆப்பிளை நன்றாக பேஸ்ட் போல அரைத்து கன்னப் பகுதி முழுவதும் தடவுங்கள். 20 நிமிடம் கழித்து கழுவுங்கள். தினமும் இப்படி செய்தால் கன்னங்கள் போஷாக்கு பெற்று குண்டாகும்.

வெண்ணெய் :

வெண்ணெய் சிறிது எடுத்து அதில் சர்க்கரை கலந்து கன்னத்தில் தடவி மசாஜ் செய்ய வேண்டும். 20 நிமிடம் கழித்து குளிர்ந்த நீரில் கழுவவும். ஒட்டிய கன்னங்கள் நாளடைவில் உப்ப ஆரம்பிக்கும்.

ஒரு கப் பால் :

தினமும் ஒரு கப் பாலில் 1 டீஸ்பூன் தேன், 1 டீஸ்பூன் வெண்ணெய் மற்றும் அரை ஸ்பூன் ஓட்ஸ் கலந்து குடித்து வந்தால் கன்னங்கள் ஊட்டம் பெற்று குண்டாகும்.

ஆப்பிள், கேரட் ஜூஸ் :

சில துண்டு ஆப்பிள் மற்றும் கேரட் சேர்த்து ஜூஸாக்கி தினமும் குடித்து வந்தால் கன்னங்கள் குண்டாகி மினுமினுப்பை பெறும்.

பார்லி ரெசிபி :

தேவையானவை :

பால் - 1 ஸ்பூன்

பார்லி தூள் - 1 டீ ஸ்பூன்

வெண்ணெய் - 1 டீ ஸ்பூன்

மேலே சொன்னவற்றை ஒன்றாக அடித்து கலந்தால் க்ரீம் போன்று நுரை வரும். அந்த க்ரீம் எடுத்து கன்னங்களில் பூசுங்கள். 30 நிமிடம் கழித்து முகத்தை கழுவவும். கன்னம் மென்மையாகவும் பூசியபடியும் இருக்கும்.

ஆலிவ் எண்ணெய் :

ஆலிவ் எண்ணெய் உடலை சற்று பூசச் செய்யும் நல்ல கொழுப்பு அமிலங்களை கொண்டுள்ளது. இதனை தினமும் உணவில் சேர்த்து வாருங்கள்.

அதோடு ஆலிவ் எண்ணெய் ஒரு ஸ்பூன் எடுத்து வெதுவெதுப்பான நீரில் கலந்து , அதனுடன் தேன் சில துளி கலந்து கொப்பளித்து வாருங்கள். நல்ல பலன் தெரியும்.