அடுத்தமுறை தேங்காய் சட்னி அரைக்கும் போது இந்த ஒரு பொருளை சேத்துக்கோங்க.. டேஸ்ட் செமயா இருக்கும்..

Spicy Coconut Chutney Recipe In Tamil: உங்கள் வீட்டில் காலையில் இட்லி, தோசை செய்யப் போகிறீர்களா? பெரும்பாலும் உங்கள் வீட்டில் இதற்கு சைடு டிஷ்ஷாக தேங்காய் சட்னியைத் தான் செய்வீர்களா?

அதுவும் ஒரே ஸ்டைலில் தான் தேங்காய் சட்னியை செய்வீர்களா? அப்படியானால் அடுத்தமுறை தேங்காய் சட்னி செய்வதாக இருந்தால், சட்னி அரைக்கும் போது ஒரு பொருளை கூடுதலாக சேர்த்துக் கொள்ளுங்கள். இதனால் சட்னியின் சுவை வேற லெவலில் இருக்கும்.

உங்களுக்கு தேங்காய் சட்னியை எப்படி செய்வதென்று தெரிந்து கொள்ள வேண்டுமா? கீழே தேங்காய் சட்னி ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருன்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* துருவிய தேங்காய் - 1 கப்
* பொட்டுக்கடலை - 2 டேபிள் ஸ்பூன்
* முந்திரி - 2
* இஞ்சி - 1/2 இன்ச் (பொடியாக நறுக்கியது)
* பச்சை மிளகாய் - 2 (நறுக்கியது)
* உப்பு - சுவைக்கேற்ப
* தண்ணீர் - தேவையான அளவு

தாளிப்பதற்கு...

* எண்ணெய் - 2 டீஸ்பூன்
* கடுகு - 1/2 டீஸ்பூன்
* கடலைப்பருப்பு - 1/2 டீஸ்பூன்
* உளுத்தம் பருப்பு - 1/2 டீஸ்பூன்
* கறிவேப்பிலை - 1 கொத்து

செய்முறை:

* முதலில் மிக்சர் ஜாரில் துருவிய தேங்காய் 1 கப், 2 டேபிள் ஸ்பூன் பொட்டுக்கடலை, 1/2 இன்ச் இஞ்சி, 2 பச்சை மிளகாய், சுவைக்கேற்ப உப்பு சேர்க்க வேண்டும்.
* அதன் பின் முக்கியமாக சுவையை அதிகரிக்க 2 முந்திரியை சேர்க்க வேண்டும்.
* பின்பு அதில் சிறிது நீரை ஊற்றி, சற்று கொரகொரவென்று அரைத்துக் கொள்ள வேண்டும்.
* பின் அரைத்த சட்னியை ஒரு கிண்ணத்தில் எடுத்துக் கொள்ள வேண்டும்.
* இறுதியாக ஒரு வாணலியை அடுப்பில் வைத்து, அதில் 2 டீஸ்பூன் எண்ணெய் ஊற்றி சூடானதும், கடுகு சேர்த்து தாளித்ததும், கடலைப் பருப்பு, உளுத்தம் பருப்பு சேர்த்து லேசாக பொன்னிறமாகும் வரை வறுக்க வேண்டும்.
* பின் அதில் கறிவேப்பிலை சேர்த்து தாளித்து, சட்னியுடன் சேர்த்து கிளறினால், சுவையான தேங்காய் சட்னி தயார்.