கர்ப்பத்தின் முதல் மூன்று மாத காலத்தில் உடலுறவில் ஈடுபடலாமா?

முதல் மூன்று மாத காலம்

கர்ப்பத்தின் முதல் மூன்று மாத காலத்தில் உடலுறவில் இருந்து விலகி இருப்பது நல்லது. ஏனெனில் கர்ப்ப காலத்தில் இது மிகவும் முக்கியமான காலம். இக்காலத்தில் கருவின் முக்கிய உறுப்புக்களின் வளர்ச்சி ஆரம்பமாவதால், சற்று விலகி இருப்பதே நல்லது.

வேறு காரணம்

கர்ப்பத்தின் முதல் மூன்று மாத காலத்தில் அதிகளவு சோர்வு மற்றும் உடலில் ஆற்றல் குறைவாக இருப்பதால், உடலுறவில் ஈடுபடுவதற்கு போதிய ஆற்றல் இல்லாமல் இருக்கும். இதன் காரணமாக உடலுறவில் ஈடுபடுவது மிகவும் கஷ்டமாகவும் இருக்கும். இப்படி கர்ப்ப காலத்தில் கஷ்டத்தை உணர்வது நல்லதல்ல.

இருப்பினும் கர்ப்பத்தின் முதல் மூன்று மாத காலத்தில் உடலுறவில் ஈடுபடும் போது ஒருசில விஷயங்களை நினைவில் கொள்ள வேண்டும்.

விஷயம் #1

கர்ப்பத்தின் முதல் மூன்று மாத காலத்தில் உடலுறவில் ஈடுபடுவதாக இருந்தால், துணையை காண்டம் பயன்படுத்த சொல்லுங்கள். இதனால் யோனிப் பகுதியில் தொற்றுகள் ஏற்படுவது தடுக்கப்படும்.

விஷயம் #2

கர்ப்பத்தின் ஆரம்ப காலத்தில் உடலுறவினால் இன்பத்தை அடைய முடியாவிட்டால், துணையுடன் கொஞ்சி விளையாடுங்கள். இதனால் உங்கள் காதல் வாழ்க்கை சிறப்பாக இருப்பதுடன், இருவருக்குள்ளும் உள்ள பிணைப்பு அதிகரிக்கும். கர்ப்ப காலத்தில் தம்பதியருக்குள் பிணைப்பு மிகவும் அவசியமானது.

விஷயம் #3

கர்ப்ப காலத்தில் உடலுறவில் ஈடுபடும் போது அசௌகரித்தை உணர்ந்தாலோ, அடிவயிற்றில் பிடிப்புக்கள் ஏற்பட்டாலோ, உடனே உறவில் ஈடுபடுவதைத் தவிர்க்கவும்.