சனி தசை காலத்தில் யோகத்தை அனுபவிக்கும் ராசிக்காரர்கள் யார் யார் தெரியுமா?

நவகிரகங்கள்

அசுவினி தொடங்கி ரேவதி வரை 27 நட்சத்திரங்களும் 9 கோள்கள் அதிபதியாக உள்ளன. ஒருவர் பூசம், ஹஸ்தம், உத்திரட்டாதி நட்சத்திரங்களில் பிறந்தவர்களுக்கு சனி அதிபதி. இந்த நட்சத்திரத்தில் பிறந்தவர்களுக்கு பிறக்கும் போதே சனி மகாதசை நடக்கும். மேஷம் விருச்சிகம், லக்னத்திற்கு பாதகாதிபதியாக சனி வருகிறார். கடகம், சிம்மம் , தனுசு, மீனம் லக்னங்களுக்கு சனி சுமாரான பலன்களையே சனி திசை கொடுக்கும். ரிஷபம், மிதுனம், கன்னி, துலாம், மகரம், கும்பம் ஆகிய லக்னம் மற்றும் ராசிக்காரர்களுக்கு சனி தசை யோகத்தை கொடுக்கும்.

சனி தசை

ஒவ்வொரு தசைகளும் ஒன்பது புத்திகளாக பிரிக்கப்பட்டுள்ளன. சனி தசை 19 ஆண்டுகள் நடைபெறுவதால் அதில் சனி புத்தி 3 வருடம் 3 மாதங்கள் நடைபெறும். உடல் நலப்பிரச்சினை, மன அழுத்தங்கள் வீட்டில் பிரச்சினை வரலாம். சிலருக்கு பண நஷ்டம் ஏற்படும். சனி தசை புதன் புத்தி 2 வருடம் 8 மாதம் 9 நாட்கள் நடைபெறும். அப்போது நிதி நிலைமை மேம்படும். திருமணம் உள்ளிட்ட சுப காரியங்கள் நடைபெறும்.

தொழிலில் லாபம்

சனி தசை கேது புத்தி ஒராண்டு ஒரு மாதம் 9 நாட்கள் நடைபெறும். இந்த கால கட்டத்தில் உடல் வழி வரும். பணம் விரையமாகும். சனி தசை சுக்கிர புத்தி 3 வருடம் 2 மாதங்கள் நடை பெறும். செழிப்பான கால கட்டம் இது நினைத்தது நிறைவேறும் செய்யும் தொழிலில் லாபம் வரும். வம்பு வழக்குகளில் வெற்றி கிடைக்கும்.

மன உளைச்சல்

சனி தசை சூரிய புத்தி காலம் 9 மாதம் 18 நாட்கள் நடைபெறும். சனிக்கும் சூரியனுக்கு ஆகாது நோய்கள் வாட்டி வதைக்கும். பணம் நகையை பத்திரப்படுத்தவும். மன உளைச்சல் அதிகமாகும். சனி தசை சந்திரபுத்தி ஓராண்டு 7 மாதங்கள் நடைபெறும். சிலர் வீடு மாறலாம் ஊர் மாறலாம்.

வேலையில் பதவி உயர்வு

சனி தசை செவ்வாய் புத்தி ஒரு வருடம் ஒரு மாதம் நடைபெறும் வேலையில் இடம் மாற்றம் ஊர் மாற்றம் ஏற்படும். நோய் பாதிப்புக்கு ஆளாக வேண்டியிருக்கும். சனி திசை ராகு புத்தி காலத்தில் பிரச்சினைகள் அதிகமாகும். பாதங்களில் நோய்கள் வரலாம். கடைசியாக வரும் சனி தசை குரு புத்தி காலமான 2 ஆண்டு 6 மாதம் 12 நாட்களில் அற்புதங்கள் நிறையும். பட்ட கஷ்டங்களுக்கு நன்மைகள் நடைபெறும். இழந்த செல்வத்தை மீட்பீர்கள். புதிய சொத்துக்கள் வாங்கலாம். புதிய தொழில் தொடங்கலாம் வேலையில் பதவி உயர்வு கிடைக்கும்.