கிருஷ்ணர் ஏன் அர்ஜுனனை விட்டு கர்ணனை கொன்றார் என தெரியுமா?

மூலத்தை விட குறிக்கோள் முக்கியமானது

இலக்கை அடைவதற்கான வழியை விட அதனை அடைவதே மிக முக்கியமானது என ஸ்ரீ கிருஷ்ணர் பகவத் கீதையில் தெளிவாக விளக்கியுள்ளார். அதர்மத்தை வீழ்த்தி, தர்மத்தை நிலைநாட்டுவதே கிருஷ்ணரின் உச்சக்கட்ட குறிக்கோளாக இருந்தது. கிருஷ்ணர் கர்ணனின் உயிரை எடுக்க வைத்ததற்கான உச்சகட்ட காரணமும் இதுவே.

மரபு விதிமுறைகளை உடைத்தல்

இவை அனைத்தும் தர்மத்திற்கான சண்டை என வந்த பிறகு, மரபு ரீதியான விதிகளை மீறுவதை ஒரு பொதுவான கொள்கையாகவே கிருஷ்ணர் எப்போதும் பின்பற்றினார். கர்ணன் நிராயுதபாணியாக நின்ற போதும் கூட, அவனை கொல்வது என்பது போரின் போது கிருஷ்ணர் எடுத்த முக்கியமான மற்றும் நெருக்கடியான முடிவுகளில் ஒன்றாகும். அதனால் இந்த முடிவினால் தான் பாண்டவர்கள் வெற்றி பெற்றார்கள்.

சூழ்நிலையைப் பயன்படுத்திக் கொள்ளுதல்

முழுமையாக இரண்டு வெவ்வேறு வகை மக்களுக்கு இடையேயான மற்ற போர்களை போல் அல்லாமல், ஒரே குடும்பத்தை சேர்ந்த உறுப்பினர்களுக்கு இடையே மூண்ட போர் தான் மகாபாரதம். இது கொல் அல்லது செத்து மடி என்ற வகையிலான போர் என்பதால், எதிராளிகளின் மரணம் இங்கே மிகவும் முக்கியமாக கருதப்பட்டது. அதனால் கர்ணனை வீழ்த்த தனக்கு கிடைத்த சிறந்த வாய்ப்பைப் பயன்படுத்திக் கொண்டார் கிருஷ்ணர். போரின் போது நிராயுதபாணியாக இருந்த போதும் கூட கர்ணனைக் கொன்றதுக்கு இதுவும் ஒரு காரணமாக பார்க்கப்படுகிறது.

மிகப்பெரிய தடையை அகற்றுதல்

அர்ஜுனனிடம் சண்டையிட்டு அவனை கொல்லும் அளவிற்கு மிகவும் வலிமை வாய்ந்தவராக திகழ்ந்தவர் கர்ணன். அதனால் பாண்டவர்களை வீழ்த்துவதற்கான வழியை அவர் கொண்டிருந்தார். மேலும் கர்ணனை வீழ்த்தாமல், போரில் வெற்றியை நோக்கி முன்னேறுவது என்பது பாண்டவர்களுக்கு சாத்தியமற்றதாக இருந்தது. கர்ணனின் மரணம் பாண்டவர்களின் வெற்றிக்கு இருக்கும் தடையை தகர்த்து எறியும் என்பதால் இது நடந்தேறியது.

தர்மத்தின் வெற்றியை உறுதி செய்ய

கர்ணனை ஏன் கிருஷ்ணர் மரணிக்க செய்தார் என சிந்திக்கையில், போரின் உச்சக்கட்ட குறிக்கோளைத் தவிர வேறு எதுவும் உங்கள் மனதில் தோன்றாது. தர்மத்தை மீட்க, அதர்மத்துடன் சேர்ந்து நடை போடும் அனைத்தையும் அழிக்க வேண்டும். அது யாராக இருந்தாலும் கவலை இல்லை. அதர்மத்துக்கு துணை போகிறவர்களை விட்டு விட்டால், போரின் உச்சக்கட்ட குறிக்கோளையும் அது அழித்துவிடும்.

அதனால், மகாபாரதத்தில் இன்னமும் கூட புகழ்பாடப்படுகிற ஒரு கதாப்பாத்திரமாக கர்ணன் பார்க்கப்படுகிறார். இந்த உலகம் இருக்கும் வரை அவரின் பெயரும் நிலைத்து நிற்கும்.