போரடிக்கும் வாழ்க்கையை சுவாரஸ்யமானதாக மாற்ற செய்ய வேண்டியவை

வழி 1

தினமும் நாளை ஒரு வெற்று காகிதத்துடன் தொடங்குங்கள். இன்றுதான் நீங்கள் வாழப்போகும் கடைசி நாள் என்று எண்ணிக்கொள்ளுங்கள். எனவே அந்த நாளில் நீங்கள் செய்யவிரும்பும் வேடிக்கையான செயல்களை அந்த காகிதத்தில் பட்டியலிடுங்கள். அதில் குறைந்தது மூன்றையாவது செய்ய முயலுங்கள்.

வழி 2

தினமும் அலுவலகம் செல்லும் வழியை தவிருங்கள். புது வழியில் செல்லுங்கள். அந்த வழியில் உள்ள கடைகள், ஆட்கள் போன்றவை உங்களுக்கு புது அனுபவத்தை கொடுக்கும்.

வழி 3

நீங்கள் வண்டியில் அலுவலகம் செல்பவராக இருந்தால் உங்கள் வாகனத்தை முன்னரே எங்காவது நிறுத்திவிட்டு அலுவலகத்திற்கு நடந்து செல்லுங்கள். இந்த நேரத்தை உங்களின் இனிமையான நினைவுகளை நினைத்து பார்ப்பதற்கும், அன்று செய்யப்போகும் வித்தியாசமான செயல்களுக்கு திட்டமிடவும் பயன்படுத்துங்கள். அதுவே பேருந்தில் செல்பவராக இருந்தால் அந்த நேரத்தை உங்களுக்கு பிடித்த புத்தகத்தை படிக்க பயன்படுத்தி கொள்ளுங்கள்.

வழி 4

எப்பொழுதும் உங்களுடன் ஒரு கேமராவை வைத்திருங்கள், உங்களுக்கு பிடித்தவற்றையோ அல்லது நீங்கள் செய்யும் வித்தியாசமான செயல்களையோ உடனுக்குடன் போட்டோ எடுத்துக்கொள்ளுங்கள். உங்கள் நண்பர்களுடன் தினமும் ஒரு போட்டோவாது எடுத்துக்கொள்ளுங்கள். இது நண்பர்களுடன் நீங்கள் நெருக்கமாக அதிக வாய்ப்பை ஏற்படுத்தித்தரும். தினமும் வீட்டிற்கு சென்றவுடன் நீங்கள் எடுத்த ஒவ்வொரு புகைப்படத்தை பற்றியும் உங்கள் குடும்பத்தாரிடம் விலக்குங்கள்.

Most Read:ஆண்களுக்கு முடி வெள்ளையாக மாறுவதற்கு இந்த 10 உணவுகள் தான் முக்கிய காரணம்..!

வழி 5

நீங்கள் வேலை செய்யும் இடத்தின் அமைப்பை மாற்றுங்கள். கணிப்பொறியையே பார்த்துக்கொண்டு இருக்காமல் உங்களுக்கு பிடித்த பொம்மைகள், புகைப்படங்கள் என உங்கள் மேஜையை அலங்கரியுங்கள். வேலை சலிப்பை ஏற்படுத்தும் போதெல்லாம் அவை உங்களை உற்சாகமடைய செய்யும்.

வழி 6

தினமும் உங்களுக்கு பழக்கமில்லாத 5 பேருடன் பேசுவதை ஒரு இலக்காக வைத்துக் கொள்ளுங்கள். அவர்களுக்கு பிடித்தது என்ன? அவர்கள் என்ன செய்வார்கள்? என விசாரியுங்கள். இது பலதரப்பட்ட மக்களின் அறிமுகங்களை உங்களுக்கு ஏற்படுத்தும்.

வழி 7

மற்றவர்களை பாராட்ட பழகுங்கள். சில நேரங்களில் இது எளிதானதாக இருக்கும். சில சமயம் கடினமானதாக இருக்கும். ஆனால் பாராட்டுவதை தவிர்த்துவிடாதீர்கள். இது மற்றவர்களின் நாளை சிறப்பாகும், உங்களுக்கும் மகிழ்ச்சியை ஏற்படுத்தும்.

வழி 8

உங்களுக்கு அறிமுகம் இல்லாத அதேசமயம் உங்களுக்கு பிடித்த ஒரு தலைப்பை பற்றி படியுங்கள். பின்னர் அதைப்பற்றி மற்றவர்களுடன் உரையாடுங்கள். இது உங்களை அறிவார்ந்தவராக காட்டுவதுடன் கேட்பவர்களின் ஆர்வத்தையும் தூண்டும்.

Most Read:வாழ்நாளை அதிகரிக்க கடைபிடிக்க வேண்டிய ஆரோக்கியமான பழக்கவழக்கங்கள்

வழி 9

தினமும் நீங்கள் சந்திக்கும் சவால்களை கணக்கிடுங்கள். செய்வதற்கு கடினமான அல்லது இதற்கு முன் நீங்கள் செய்திராத எத்தனை பணிகளை நீங்கள் அந்த நாளில் சந்திக்கிறீர்கள் என்பதை குறித்துக்கொள்ளுங்கள்.

வழி 10

பந்தயம் கட்டுங்கள். வேடிக்கையான விஷயங்களுக்கு உங்கள் நண்பர்களிடம் பந்தயம் கட்டி விளையாடுங்கள். சிறிய தொகையை பந்தயம் கட்டினால் போதும். ஜெயித்தாலும், தோற்றாலும் கவலைப்படாதீர்கள். இதில் ஜெயிப்பதை விட அது தரும் சுவாரஸ்யம்தான் முக்கியம்.

வழி 11

விளையாட தயாராய் இருங்கள். குழந்தைகள் மகிழ்ச்சியாய் இருக்க முக்கிய காரணம் அவர்கள் தினமும் பள்ளி முடிந்து வந்தவுடன் விளையாடுவதுதான். நீங்களும் அதனை முயற்சிக்கலாமே? அலுவலகம் முடிந்து வந்தவுடன் உங்கள் நண்பர்களுடனோ அல்லது குழந்தைகளுடனோ நன்கு விளையாடுங்கள். இதுவே உங்கள் பாதி மனஅழுத்தத்தை விரட்டிவிடும்.

வழி 12

உங்கள் நண்பர்களுடன் தங்குங்கள். இது மிகவும் பயனுள்ள ஒரு வழி. தினமும் ஒரே மாதிரியான சூழல் உங்களை சலிப்படைய வைப்பதில் ஆச்சரியமில்லை. எனவே ஒரு மாற்றத்திற்காக உங்கள் நண்பர்களுடன் ஒரு நாள் தங்குங்கள்.

Most Read:தம்பதியர்கள் நிர்வாணமாக தூங்குவதால் ஏற்படும் நன்மைகள் என்னென்ன?