நாளைக்கு மேட்ச் பாக்க நீங்க எப்படியெல்லாம் லீவு சொல்ல போறீங்க...?

தேசப்பற்று மிக்க லீவு

நான் எனது தேசத்திற்காக உறுதுணையாக இருக்க போகிறேன். என தேசத்தின் மிக முக்கியமான வெற்றியை துணை நின்று கொண்டாட போகிறேன் என ஒரு தேசப்பற்று மிக்க குடிமகனாக நீங்கள் லீவு லெட்டர் எழுதலாம். ஆனால், அதை ஏற்க உங்களது மேனேஜர் உடல்நிலை சரியில்லாத காரணத்தினால் நாளை மறுநாள் தான் அலுவலகம் வருவார் எனில் உங்கள் பாடு திண்டாட்டம் தான்.

கெத்தான லீவு

லீவு லெட்டர் ஏதும் தராமல் லாஸ் ஆப் பே (Loss of pay) முறையில் லீவு போட்டு விட்டு ஜாலியாக மேட்ச் பார்க்கலாம். இது உங்கள் சௌகரியத்தை பொறுத்தது.

தடை கூறமுடியாத லீவு

பால்வாடியில் இருந்தே நாம் பின்பற்றி வரும் லீவு லெட்டர், தங்களுக்கு இருக்கும் இரண்டு தாத்தா பாட்டியை இரண்டாயிரம் முறைக்கு மேல் சவப்பெட்டியில் தள்ளியிருப்போம். இந்த கடிததிற்கு யாராலும் தடை விதிக்க முடியாது.

ஆதாரம் கேட்க முடியாத லீவு

மின்னல் வேகத்தில் ரயிலே வந்தாலும் நிறுத்த முடியாத இரண்டு தான் இந்த வாந்தி, பேதி இதை காரணம் கூறினால் யாரும் ஆதாரம் கேட்க மாட்டார்கள். காட்டினாலும் பார்க்கமாட்டார்கள்

தில்லு முள்ளு லீவு

அம்மா பாத்ரூமில் கால் தவறி விழுந்துவிட்டார் அதனால் தான் லீவு கூட சொல்ல முடியவில்லை என தில்லு முழு ஸ்டைலில் லீவு கூறலாம். ஆனால், நாளைய லீவு ஊரறிந்த விஷயம் என்பதால் யாரும் நம்பமாட்டார்கள்.

மன்னன் ஸ்டைல் லீவு

பெரியப்பா இறந்துவிட்டார் என மன்னன் ரஜினி, கவுண்டமணி பாணியில் லீவு கேட்கலாம், ஆனால் இப்போதுள்ள தொழில்நுட்ப வளர்ச்சியில் அவரை தகனம் செய்த புகைப்படங்களை வாட்ஸ்-அப்பில் அனுப்பும் படி மேனேஜர் கேட்டால் என்ன செய்வீர்கள்??

குழந்தைத்தனமான லீவு

லீவு லெட்டர் எழுத தெரியாதவர்கள் கூட எழுதும் ஒரே லீவு லெட்டர் காய்ச்சல் வந்துவிட்டது அதனால் தான் அலுவலகம்/பள்ளிக்கு வர முடியவில்லை. தயவு செய்து இந்த லீவை ஏற்றுக் கொள்ளுங்கள் என காலில் விழாத குறையாய் மன்றாடலாம்.