2022-ல் தனக்குள்ள ஆரோக்கிய பிரச்சனைப் பற்றி மனம் திறந்த பிரபலங்கள்!

1. வருண் தவான்

பாலிவுட் நடிகரான வருண் தவான் சமீபத்தில் தான் போராடிக் கொண்டிருந்த வெஸ்டிபுலர் ஹைப்போஃபங்க்ஷன் என்னும் பிரச்சனை குறித்து மனம் திறந்து பேசினார். வெஸ்டிபுலர் ஹைப்போஃபங்க்ஷன் என்பது காது கேளாமை பிரச்சனைகளை ஏற்படுத்தும். இது காதின் உள் பகுதி போதுமான அளவு செயல்படுத்துவதை நிறுத்தும் போது ஏற்படுத்தும். இந்நிலையில் மூளைக்கு தவறான செய்திகள் அனுப்பப்படும்.

2. சமந்தா ரூத் பிரபு

மிகவும் பிரபலமான தென்னிந்திய நடிகையான சமந்தா ரூத் பிரபு அக்டோபர் மாதத்தில் தனது இன்ஸ்டாகிராம் மூலம் தான் மயோசிடிஸ் என்னும் ஆட்டோ-இம்யூன் நோயால் போராடி வருவதாக தெரிவித்தார். மேலும் இன்ஸ்டாவில் தனது கையில் IV சொட்டு மருந்தை ஏற்றிய நிலையில் அமர்ந்திருக்கும் போட்டோவையும் வெளியிட்டார். மேலும் அவர் தனது உடல்நிலை மெதுவாக முன்னேறிக் கொண்டிருப்பதாகவும் குறிப்பிட்டிருந்தார். மயோசிடிஸ் என்பது தசைகளை பலவீனப்படுத்தி, கடுமையான வலியை ஏற்படுத்துவதோடு, ஒருவரை மிகுதியாக சோர்வடையச் செய்கிறது.

3. பாத்திமா சனா ஷேக்

நடிகை பாத்திமா சனா ஷேக் தனது பாலிவுட் படமான 'டங்கல்' முதல் எப்லிப்ஸி என்னும் வலிப்பு நோயால் அவதிப்பட்டு வருகிறார். மேலும் இவர் தனது இந்த வலிப்பு நோய் குறித்து சமூக வலைத்தளங்களில் அதிகம் பகிர்ந்தும் வருகிறார். அப்படி பகிரும் போது, அவர் தற்போது மருந்துகள் மற்றும் உடற்பயிற்சிகளின் உதவியுடன் குணமடைய முயற்சி செய்து வருவதாகவும் தெரிவித்துள்ளார்.

4. நிதி டெய்லர்

இந்திய நடிகையான நிதி டெய்லர் சமீபத்தி டான்ஸ் ரியாலிட்டி ஷோ ஒன்றில் நடித்துக் கொண்டிருக்கும் போது வழுக்கி விழுந்தார். அப்போது அவர் தனது உடல்நிலை குறித்தும் பேசியிருந்தார். அதில் நிதி தான் குழந்தையாக இருக்கும் போது, அவரது இதயத்தில் ஓட்டை இருந்ததாகவும், அதனால் அவரால் சோர்வு தரும் செயல்களான நடனம் போன்றவற்றை செய்ய முடியாமல் இருந்ததாகவும் தெரிவித்தார்.

5. யாமி கௌதம்

நடிகை யாமி கௌதம் கெரடோசிஸ் பிலாரிஸ் என்னும் மிகவும் அரிய வகை சரும நோயால் பாதிக்கப்பட்டுள்ளார். இந்நிலையில் சருமத்தில் கரடுமுரடான திட்டுக்கள் இருப்பதோடு, சருமத்தில் பருக்கள் போன்ற சிறிய புடைப்புகள் இருக்கும். இருப்பினும் யாமி கௌதம் தனது இன்ஸ்டா பக்கத்தில், போட்டோக்களை வெளியிடுவதில் தான் மிகவும் சுயநினைவுடன் இருப்பதாகவும் கூறியுள்ளார். இவரது உடல்நிலையைக் குறித்து விரிவாக அறிய, அவரது இன்ஸ்ட்டா பக்கத்தைப் பாருங்கள். அங்கு அவர் தெளிவாக தனது உடல்நிலை குறித்து கூறியுள்ளார்.