அடிக்கடி உடல்நிலை சரியில்லாமல் போகுதா? அதைத் தடுக்க இதோ சில வழிகள்!

குறிப்பு #1

உடலின் நோய் எதிர்ப்பு சக்தியை அதிகரிக்க சத்தான உணவுகளை உண்ண வேண்டும். குறிப்பாக குளோரெல்லா நிறைந்த உணவுகள் மிகவும் நல்லது.

குறிப்பு #2

உடல் பலவீனம் அடையாமல் இருக்க வேண்டுமென்றால் அதற்கு புளிப்பான உணவுகள் மற்றும் புரோபயாடிக் நிறைந்த உணவுகளை அதிகமாக உணவில் சேர்த்துக் கொள்ள வேண்டும். இதனால் நோய் எதிர்ப்பு சக்தி அதிகரிக்கும்.

குறிப்பு #3

காய்கறிகள் உடலுக்கு நல்லது தான். ஆனால் அவை இயற்கை முறையில் பயிரிடப்பட்ட காய்கறிகளாக இருந்தால் தான் நம் உடலுக்கு நல்லது. மேலும், பால் சம்பந்தப்பட்ட பொருட்கள், சர்க்கரை மற்றும் ஆல்கஹால் போன்றவற்றை மிகக் குறைவாக எடுத்துக் கொள்ள வேண்டும்.

குறிப்பு #4

தூக்கம் என்பது நமது உடலுக்கு மிகவும் இன்றியமையாதது. சரியான துக்கம் இல்லையென்றாலும் உடல் உபாதைகள் ஏற்படக்கூடும். தூக்கம் சரியான அளவு நமது உடலுக்குக் கிடைத்தாலே உடல் நிலை சரியாக இருக்கும்.

குறிப்பு #5

மன அழுத்தமும் உடல் நிலை பாதிப்பதற்கு முக்கிய காரணமாக இருக்கின்றது. தியானம் செய்வது மன அழுத்தத்தைக் குறைக்கும். தினமும் சிறிது தியானம் செய்வதால் நம் உடலுக்கு எந்த ஒரு பிரச்சனையும் ஏற்படாது.

குறிப்பு #6

உடல் நிலை சரியில்லாத நேரங்களில் நாம் இரண்டு மடங்கு நீர் குடிக்க வேண்டும். சராசரியாக ஒரு நாளைக்கு 3 லிட்டர் தண்ணீர் குடிக்க வேண்டும் என்பது மருத்துவ ஆலோசனை. அதுவும் உடல் நலக் குறைவு ஏற்பட்டால் 6 லிட்டர் தண்ணீர் அளவு குடிக்க வேண்டுமாம்.

குறிப்பு #7

மூலிகை நோய் எதிர்ப்பு மருந்துகளை கூட நாம் சேர்த்துக் கொள்ளலாம். இதனால் கூட உடலில் நோய் எதிர்ப்பு சக்தி அதிகரிக்கக்கூடும்.

குறிப்பு #8

உடல் நிலை சரியில்லை என்றால் தினமும் ஒரு டீஸ்பூன் ஆப்பிள் சீடர் வினிகரை எந்த முறையிலாவது எடுத்துக் கொள்ள வேண்டும். இவ்வாறு சேர்த்துக் கொள்வதால் உடல் விரைவில் குணமடைந்துவிடும்.

குறிப்பு #9

முதலில் உங்கள் மனநிலையை நீங்கள் மாற்றிக் கொள்ள வேண்டும். உடல் சரியில்லை என்று நீங்கள் படுத்துக் கொண்டே இருந்தால் மேலும் நமக்கு அசதியாகத் தான் இருக்கும். அதற்கு பதிலாக " நான் ஆரோக்கியமாகத் தான் இருக்கிறேன்" என்று நீங்கள் மனதளவில் நம்ப வேண்டும். அப்படி இருந்தால் உடல்நிலை விரைவில் சரியாகிவிடும்.