ஜீரண சக்தி குறைவா இருக்கா? அர்த்த உத்தனாசனம் செஞ்சு பாருங்க !!

யோகா :

உங்களுக்கு ஜீரண பிரச்சனை இருந்தால் விரைவில் சரி செய்து கொள்ளுங்கள். இந்த பிரச்சனையை யோகாவிலும் சரி பண்ணலாம்.

ஜீரண மண்டலங்கள் வலுப் பெறும். இதனால் நன்றாக பசி எடுத்து வேகமாக சத்துக்களை உட்கிரகிக்க முடியும். எந்த மாதிரியான ஆசனம் என பார்க்கலாம்.

அர்த்த உத்தனாசனா ;

உத்தனாசனா நேராக நெட்டுக்குத்தலாக உடலை வளைத்து செய்வது. அர்த்த என்றால் பாதி. பாதியாக உடலை வளைத்து செய்யப்படுவதால் இந்த ஆசனம் அர்த்த உத்தனாசனா எனப் பெயர் பெற்றிருக்கிறது. எப்படி செய்வது என பார்க்கலாம்.

செய்முறை :

தடாசனாவில் நில்லுங்கள். கால்களை நேராக வைத்து நிமிர்ந்து நிற்கவும். ஆழ்ந்து மூச்சை இழுத்து மெதுவாக விடவும். கூன் போடாமல் தோள்பட்டையை இறுக்கமாக வைத்திருக்கவும்.

செய்முறை :

இப்போது மெதுவாக கையை நீட்டி குனியுங்கள். கீழே தரையை தொட முயலுங்கள். வயிறு, தொடைகளில் பதிந்தபடி தரையை தொடவும்.

மெதுவாக மூச்சை விட்டபடி இந்த நிலையில் 1 நிமிடம் நிற்கவும். பின் இயல்பு நிலைக்கு வாருங்கள்.

பலன்கள் :

முதுகிற்கு பலமளிக்கும். வயிற்று வலியை குணப்படுத்தும். தோள்பட்டையை விசாலப்படுத்தும். உயர் ரத்த அழுத்தத்தை கட்டுப்படுத்தும்

குறிப்பு :

இந்த அர்த்த உத்தனாசனா பல பிரச்சனைகளுக்கு தீர்வு அளித்தாலும், கழுத்தில் அடிபட்டவர்கள், குறைவான ரத்த அழுத்தம் இருப்பவர்கள் இந்த யோகாவை தவிர்க்கவும்.