வேகமாக பரவிக் கொண்டிருக்கும் ஓமிக்ரான் உங்களுக்கு வரக்கூடாதா? அப்ப இத தினமும் எடுத்துக்கோங்க...

கோவிட்-19 மாறுபாடான ஓமிக்ரானின் சில முக்கிய அறிகுறிகள்

கொரோனா பரவ ஆரம்பித்ததில் இருந்து, தற்போது பரவும் ஓமிக்ரான் கொரோனாவின் சில பொதுவான அறிகுறிகள் காய்ச்சல், இருமல், உடல் சோர்வு, சுவை இழப்பு மற்றும் வாசனை இழப்பு ஆகியவையாகும். ஆனால் அறிகுறிகள் ஒவ்வொருக்கும் வேறுபடும். இப்போது ஓமிக்ரானை எதிர்த்துப் போராட உதவும் சத்துக்கள் என்னவென்பதைக் காண்போம்.

வைட்டமின் டி

உடலில் கால்சியம் மற்றும் பாஸ்பரஸ் பற்றாக்குறையைத் தவிர்க்க, வைட்டமின் டி சத்தை உட்கொள்ள வேண்டியது மிகவும் முக்கியம். இந்த வைட்டமின் டி இயற்கையாகவே சூரிய ஒளியில் இருந்து நமக்கு கிடைக்கிறது. இருப்பினும், சிலருக்கு மருத்துவர்கள் வைட்டமின் டி சப்ளிமெண்ட்டுகளை பரிந்துரைப்பார்கள். இந்த வைட்டமின் டி உடலில் போதுமான அளவில் இருந்தால், சுவாச தொற்றுக்களைத் தவிர்க்கலாம். மேலும் வைட்டமின் டி சுவாச குழாய் தொற்று அல்லது சுவாச தசைகளில் ஏற்படும் அழுத்தத்தில் இருந்து உடலைப் பாதுகாக்கிறது. கொரோனாவை எதிர்க்க உடலில் போதுமான அளவில் வைட்டமின் டி இருக்க வேண்டியது மிகவும் முக்கியம்.

வைட்டமின் டி நிறைந்த உணவுகள்

வைட்டமின் டி சூரிய ஒளியில் இருந்து மட்டுமின்றி, நாம் உண்ணும் சில உணவுகளிலும் காணப்படுகிறது. அந்த உணவுகள் பின்வருமாறு:

* கொழுப்பு நிறைந்த மீன்களான டுனா, கானாங்கெளுத்தி மற்றும் சால்மன்

* சில பால் பொருட்கள், ஆரஞ்சு பழச்சாறு, சோயா பால் மற்றும் தானியங்கள் போன்ற வைட்டமின் டி உடன் செறிவூட்டப்பட்ட உணவுகள்.

* மாட்டிறைச்சியின் கல்லீரல்

* சீஸ்

* முட்டையின் மஞ்சள் கரு

வைட்டமின் சி

நீங்கள் வைட்டமின் சி-யை தினமும் போதுமான அளவில் உட்கொண்டு வந்தால், நோயெதிர்ப்பு சக்தி வலிமையாக இருக்கும். உடலில் வைட்டமின் சி குறைபாடு ஏற்பட்டால், அது நுரையீரல் வீக்கத்தை ஏற்படுத்தும். இதன் விளைவாக சுவாசிப்பதில் சிரமத்தை சந்திக்க நேரிடும். எனவே வைட்டமின் சி-யை போதுமான அளவில் தினமும் எடுத்தால், வீக்கம் குறையும். அதோடு வைட்டமின் சி நோயெதிர்ப்பு மண்டலத்தையும் பலப்படுத்தும்.

வைட்டமின் சி நிறைந்த உணவுகள்

வைட்டமின் சி அதிகம் நிறைந்த உணவுகள் பின்வருமாறு:

* சிட்ரஸ் பழங்களான ஆரஞ்சு, எலுமிச்சை, கிரேப் ஃபுரூட்

* குடைமிளகாய்

* ஸ்ட்ராபெர்ரி

* பிளாக்கரண்ட்

* ப்ராக்கோலி

* உருளைகிழங்குகள்

* தக்காளி

ஜிங்க்

கொரோனா தொற்றைத் தவிர்க்க, உடலில் சரியான அளவில் ஜிங்க் சத்து இருக்க வேண்டியது முக்கியம். ஜிங்க் குறைபாடு நமது லிம்போசைட்டுகளின் எண்ணிக்கையை பாதிக்கிறது. ஜிங்க் உடலில் லிம்போசைட்டுகளின் எண்ணிக்கையை அதிகரிக்கிறது மற்றும் நோயெதிர்ப்பு சக்தியை வலுவாக்குகிறது. மேலும் ஜிங்க் டி-செல்களை செயல்படுத்தவும், உருவாக்கவும் உதவுகிறது. ஜிங்க் குறைபாடு முதலில் நோயெதிர்ப்பு மண்டலத்தை தான் பாதிக்கும். எனவே உடலில் போதுமான ஜிங்க் இருக்குமாறு பார்த்துக் கொள்ளுங்கள்.

ஜிங்க் நிறைந்த உணவுகள்

ஜிங்க் சத்து அதிகம் நிறைந்த உணவுகள் பின்வருமாறு:

* இறைச்சிகள்

* கடல் சிப்பி

* விதைகள்

* நட்ஸ்

* முட்டை

* பருப்பு வகைகள்

* காய்கறிகளில் காளான், பசலைக்கீரை, ப்ராக்கோலி, கேல், பூண்டு

வைட்டமின் பி6

நோயெதிர்ப்பு சக்தியை அதிகரிக்க உதவும் மிகவும் முக்கியமான ஓர் சத்து தான் வைட்டமின் பி6. இந்த வைட்டமின் பி6-ல் காணப்படும் உயிர்வேதியியல் எதிர்வினைகள் நோய் எதிர்ப்பு சக்தியை பலப்படுத்துகின்றன. எனவே உங்கள் உணவில் வைட்டமின் பி6 நிறைந்த உணவுகளை சேர்த்துக் கொள்ள வேண்டும். இதனால் தற்போது பரவும் ஓமிக்ரானை எதிர்க்கும் அளவில் நோயெதிர்ப்பு சக்தி வலிமையாக இருக்கும்.

வைட்டமின் பி6 நிறைந்த உணவுகள்

வைட்டமின் பி6 அதிகம் நிறைந்த உணவுகள் பின்வருமாறு:

* பன்றி இறைச்சி

* சிக்கன், வான்கோழி

* சில மீன்கள்

* வேர்க்கடலை

* சோயா பீன்ஸ்

* ஓட்ஸ்

* வாழைப்பழம்