Just In
- 28 min ago உங்க பற்கள் வலிமையாகவும், கிருமிகள் இல்லாததாகவும் இருக்கணுமா? இதில் ஒன்றை தினமும் சாப்பிடுங்க...!
- 1 hr ago மாம்பழம் வாங்க போறீங்களா? இப்படி பார்த்து வாங்குங்க... அப்பதான் ஏமாறாம நல்ல டேஸ்ட்டான பழமா வாங்கலாம்...!
- 2 hrs ago Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
- 3 hrs ago சர்க்கரை நோயாளிகள் சிக்கன் சாப்பிடலாமா? அப்படி சாப்பிட்டா என்ன நடக்கும் தெரியுமா? எப்படி சாப்பிடணும் தெரியுமா?
Don't Miss
- News தொட்டில் அமைத்து அந்திரத்தில் தூங்கிய ரயில் பயணி.. ஏசி கோச் முதல் டாய்லெட் வரை.. ஆக்கிரமித்த பயணிகள்
- Technology Dish TV டிடிஎச் சேவையில் திடீர் மாற்றம்.. ரூ.200-ஐ ரெடியா வச்சிக்கோங்க.. இனி எல்லாமே இந்த Smart Plus தான்!
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Movies Gnanavel Raja: தயாரிப்பாளர் ஞானவேல் ராஜா வீட்டு பணிப்பெண் தற்கொலை முயற்சி.. என்ன காரணம்?
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
- Automobiles அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
ஹை-கொலஸ்ட்ரால் பிரச்சனை இருக்கா? அப்ப இந்த பழங்களை தினமும் சாப்பிடுங்க சரியாயிடும்...
கீழே உயர் கொலஸ்ட்ரால் அளவை திறம்பட குறைக்க உதவும் சில பழங்கள் கொடுக்கப்பட்டுள்ளன. அவற்றில் ஒன்றை தினமும் சாப்பிட்டு வந்தால் உடலில் கொலஸ்ட்ராலைக் கட்டுப்பாட்டில் வைத்துக் கொள்ளலாம்.
இன்று கொலஸ்ட்ரால் பிரச்சனை மிகப்பெரிய கவலையாக உள்ளது. ஏனெனில் இந்த கொலஸ்ட்ரால் தான் பல்வேறு இதய நோய்களுக்கு முக்கிய காரணமாக உள்ளது. கொலஸ்ட்ரால் என்பது இரத்தத்தில் காணப்படும் ஒரு மெழுகுப் பொருளாகும். இது ஆரோக்கியமான செல்களை உருவாக்கும் செயல்முறையை ஆதரிக்கிறது. ஆயினும் இந்த கொலஸ்ட்ரால் அதிளவில் இருந்தால், அது உடலில் கடுமையான பிரச்சனைகளுக்கு வழிவகுக்கும்.
ஒருவரது உடலில் கொலஸ்ட்ரால் அதிகளவில் இருந்தால் குமட்டல், உயர் இரத்த அழுத்தம், மார்வு நெரிசல், சுவாசிப்பதில் சிரமம் மற்றும் அதிகப்படியான சோர்வு போன்ற அறிகுறிகள் தென்படும். இந்த கொலஸ்ட்ரால் கொழுப்புள்ள உணவுகளை அதிகம் உண்பது, உடற்பயிற்சி செய்யாமல் இருப்பது, உடல் பருமனாக இருப்பது, புகைப்பிடிப்பது மற்றும் மது அருந்துவது போன்றவற்றால் அதிகரிக்கிறது.
உடலில் கொலஸ்ட்ரால் அளவைக் கட்டுப்பாட்டில் வைத்துக் கொள்ள வேண்டுமானால், முதலில் உண்ணும் உணவுகளில் கவனத்தை செலுத்த வேண்டும். உணவுகளைப் பற்றி பேசுகையில் உயர் கொலஸ்ட்ரால் பிரச்சனை உள்ளவர்கள் பழங்களை சாப்பிடலாமா என்ற ஒரு கேள்வி எழும். நிச்சயம், சாப்பிடலாம். கீழே உயர் கொலஸ்ட்ரால் அளவை திறம்பட குறைக்க உதவும் சில பழங்கள் கொடுக்கப்பட்டுள்ளன. அவற்றில் ஒன்றை தினமும் சாப்பிட்டு வந்தால் உடலில் கொலஸ்ட்ராலைக் கட்டுப்பாட்டில் வைத்துக் கொள்ளலாம்.
பப்பாளி
பப்பாளியில் நார்ச்சத்து அதிகளவில் உள்ளது. இது இரத்த அழுத்தத்தைக் கட்டுப்படுத்த உதவுவதோடு மட்டுமின்றி, உடலில் உள்ள கெட்ட கொலஸ்ட்ரால் அளவை கட்டுப்படுத்தி நிர்வகிக்க உதவுகின்றன. எனவே பப்பாளியை உயர் கொலஸ்ட்ரால் பிரச்சனை உள்ளவர்கள், தினமும் ஒரு பௌல் பப்பாளியை சாப்பிடுவது நல்லது.
அவகேடோ
உயர் கொலஸ்ட்ரால் பிரச்சனை உள்ளவர்கள் சாப்பிட மருத்துவர் பரிந்துரைக்கும் பழங்களில் ஒன்று தான் அவகேடோ. இந்த பழத்தில் என்ன தான் கொழுப்புக்கள் அதிகம் இருந்தாலும், அந்த கொழுப்புக்கள் நல்ல கொழுப்புக்கள். இவை இதயத்தை ஆரோக்கியமாக வைத்திருப்பதோடு, பக்கவாதத்தின் அபாயத்தைக் குறைக்கின்றன. முக்கியமாக இது உடலில் நல்ல மற்றும் கெட்ட கொழுப்புக்களைக் கட்டுப்படுத்துகின்றன.
ஆப்பிள்
ஆப்பிளில் நார்ச்சத்து அதிகம் உள்ளது. ஆப்பிள் சருமத்திற்கும், தலைமுடிக்கும் மட்டுமின்றி, இதயத்திற்கும் நல்லது. தினமும் ஒரு ஆப்பிளை சாப்பிட்டால் மருத்துவரிடம் செல்ல வேண்டிய அவசியமிருக்காது என்று சொல்வதற்கு பின் பல காரணங்கள் உள்ளன. அதில் முக்கியமான ஒரு காரணம், இது உடலில் உள்ள கெட்ட கொலஸ்ட்ரால் அளவைக் குறைத்து, பல நோய்களால் இதயத்தில் ஏற்படும் சேதத்தைத் தடுக்கிறது. எனவே கொலஸ்ட்ரால் பிரச்சனை இருப்பவர்களுக்கு ஆப்பிள் ஒரு சிறந்த பழம்.
சிட்ரஸ் பழங்கள்
சிட்ரஸ் பழங்களான ஆரஞ்சு, எலுமிச்சை, திராட்சை, கிரேப்ஃபுரூட் போன்றவற்றில் வைட்டமின் சி அதிகம் உள்ளது. இது உடலில் கொலஸ்ட்ரால் அளவைக் கட்டுப்பாட்டில் வைத்துக் கொள்வதை உறுதி செய்கிறது. இந்த பழங்கள் சருமம் மற்றும் தலைமுடிக்கு மட்டும் நல்லதல்ல. இது உடலில் கெட்ட கொலஸ்ட்ரால் அளவைப் நிர்வகிக்க உதவுகிறது. எனவே இந்த வகை பழங்களை அடிக்கடி உணவில் சேர்த்து வர கொலஸ்ட்ராலைக் கட்டுப்பாட்டில் வைத்துக் கொள்ளலாம்.
தக்காளி
பழங்கள் மற்றும் காய்கறிகளின் சிறந்த கலவையான தக்காளியில் வைட்டமின் ஏ, பி, சி மற்றும் கே போன்ற பல்வேறு சத்துக்கள் உள்ளன. இவை இதயத்தை ஆரோக்கியமாக வைத்துக் கொள்ள உதவும் சிறந்த உணவாக கருதப்படுகின்றன. ஏனெனில் இது இரத்த அழுத்தம் மற்றும் கொலஸ்ட்ரால் அளவைக் கட்டுப்படுத்த உதவுகிறது.