For Quick Alerts
ALLOW NOTIFICATIONS  
For Daily Alerts

தைராய்டு பிரச்சனை இருக்கா? உடல் எடையை குறைக்கணுமா? அப்ப இந்த உணவுகளை சாப்பிடுங்க..

|

நமது கழுத்துப் பகுதியில் அமைந்திருக்கும் பட்டாம்பூச்சி வடிவத்திலான ஒரு சுரப்பி தான் தைராய்டு. இந்த தைராய்டு சுரப்பி உடலின் பல்வேறு முக்கிய செயல்பாடுகளில் முக்கிய பங்கை வகிக்கிறது. ஆனால் தற்போது நிறைய பேர் தைராய்டு சுரப்பியில் பிரச்சனையை கொண்டுள்ளார்கள். தைராய்டு சுரப்பியில் பிரச்சனை இருந்தால், அது வெளிக்காட்டும் முதல் அறிகுறி திடீரென்று உடல் எடை அதிகரிப்பது. தைராய்டு ஹார்மோனின் உற்பத்தியில் பற்றாக்குறை ஏற்படும் போது, அது உடலின் செயல்பாடுகளை மெதுவாக்கும். எனவே தைராய்டு பிரச்சனை இருந்தால், உடனே மருத்துவரை அணுகி, அதற்கான மருந்து மாத்திரைகளை வாங்கி தவறாமல் போட வேண்டும்.

இதுதவிர தைராய்டு பிரச்சனையைக் கொண்டவர்கள், உடல் பருமனை குறைக்கவும் முயற்சிக்க வேண்டும். இல்லாவிட்டால், அது பல்வேறு ஆரோக்கிய பிரச்சனைகளுக்கு வழிவகுக்கும். எனவே தைராய்டு நோயாளிகள் உடல் எடையைக் குறைக்க உதவும் உணவுகளை அன்றாட உணவில் சேர்த்து வந்தால், விரைவில் உடல் எடையைக் குறைத்து கட்டுப்பாட்டில் வைத்துக் கொள்ளலாம். இப்போது தைராய்டு நோயாளிகள் உடல் எடையைக் குறைக்க எந்த மாதிரியான உணவுகளை உண்ண வேண்டும் என்பதைக் காண்போம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
அயோடின்

அயோடின்

ஹைப்போ தைராய்டு பிரச்சனையானது உடலில் அயோடின் அளவு குறையும் போது ஏற்படுகிறது மற்றும் இந்நிலையில் தைராய்டு சுரப்பியால் தைராய்டு ஹார்மோன்களை உற்பத்தி செய்ய முடியாது. இந்நிலையைக் கொண்டவர்கள் தான் உடல் பருமனால் அதிகம் பாதிக்கப்படுவார்கள். எனவே இப்பிரச்சனை உள்ளவர்கள் அயோடின் உணவுகளை உண்பதன் மூலம் எடையை ஓரளவு குறைக்கலாம் என ஆய்வுகளில் கண்டறியப்பட்டுள்ளது. ஆகவே ஹைப்போ தைராய்டு பிரச்சனை உள்ளவர்கள் எடையைக் குறைக்க அயோடின் அதிகம் நிறைந்த உணவுகளான அயோடின் உப்பு, கடல் உணவுகள், பால் பொருட்கள் மற்றும் முட்டைகள் போன்றவற்றை அதிகம் உண்ண வேண்டும்.

நார்ச்சத்துள்ள உணவுகள்

நார்ச்சத்துள்ள உணவுகள்

ஒருவரது உடல் எடை குறைய வேண்டுமானால், உடலில் செரிமானம் சிறப்பாக நடைபெற வேண்டும். ஒருவரது செரிமானம் சிறப்பாக நடைபெற வேண்டுமானால் நார்ச்சத்து அதிகம் உள்ள உணவுகளை சாப்பிட வேண்டும். நார்ச்சத்துள்ள உணவுகளை உண்ணும் போது, அது கலோரி உட்கொள்ளலைக் குறைக்கும் மற்றும் தீங்கு விளைவிக்கும் நச்சுக்களை வேகமாக உடலில் இருந்து வெளியேற்றும்.

வைட்டமின் டி உணவுகள்

வைட்டமின் டி உணவுகள்

தைராய்டு சுரப்பியின் செயல்பாட்டைக் கட்டுப்படுத்துவதில் வைட்டமின் டி முக்கிய பங்கை வகிக்கிறது. எனவே இந்த வைட்டமின் டி உடலில் குறைவாக இருக்கும் போது, அதை மேம்படுத்த முட்டைகள், கொழுப்புள்ள மீன்கள், ஆட்டு ஈரல், காளான்கள் போன்றவற்றை உண்வதோடு, தினமும் அதிகாலை சூரிய ஒளியில் சிறிது நேரம் நில்லுங்கள். இதுவும் ஒரு வகையில் உடல் எடையை குறைக்க உதவி புரியும்.

காப்பர் உணவுகள்

காப்பர் உணவுகள்

தைராய்டு சுரப்பிகள் சரியாக செயல்படுவதற்கும், உடலின் மெட்டபாலிசத்தை வேகப்படுத்தவும், காப்பர் மிகவும் இன்றியமையாதது. எனவே காப்பர் நிறைந்த உணவுகளான பாதாம், எள்ளு விதைகள் மற்றும் பருப்பு வகைகளை அன்றாட உணவில் சேர்ப்பதன் மூலம், உடல் எடையில் மாற்றத்தைக் காணலாம்.

ஒமேகா-3 கொழுப்பு அமிலங்கள்

ஒமேகா-3 கொழுப்பு அமிலங்கள்

தைராய்டு பிரச்சனை கொண்டவர்கள் உடல் எடையைக் குறைக்க முயலும் போது, ஒமேகா-3 கொழுப்பு அமிலங்கள் நிறைந்த உணவுகளை அதிகம் உட்கொள்ள வேண்டும். ஏனெனில் ஒமேகா-3 கொழுப்பு அமிலங்கள் தைராய்டு சுரப்பியின் வீக்கத்தைக் குறைக்க உதவுகிறது. ஆகவே வால்நட்ஸ், சியா விகைள், ஆளி விதைகள் மற்றும் நெய் போன்ற ஒமேகா-3 கொழுப்பு அமிலங்கள் நிறைந்த உணவுகளை தினசரி உணவில் சேர்த்துக் கொள்ளுங்கள்.

பழங்கள்

பழங்கள்

பழங்களில் ஆன்டி-ஆக்ஸிடன்ட்டுகள் அதிகம் உள்ளன. இவை ப்ரீ ராடிக்கல்களால் தைராய்டு சுரப்பிக்கு ஏற்படும் சேதத்தைத் தடுத்து பாதுகாப்பதோடு, உடல் எடையைக் குறைப்பதற்கும் உதவி புரியும். எனவே தைராய்டு உள்ளவர்கள் எடையைக் குறைக்க ஆப்பிள், பெர்ரி பழங்கள், அவகேடோ பழங்கள் போன்றவற்றை அவ்வப்போது சேர்த்து வாருங்கள்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
English summary

Foods For Thyroid Patients To Lose Weight In Tamil

Here are some foods for thyroid patients to lose weight. Read on to know more...
Story first published: Monday, December 5, 2022, 21:35 [IST]
Desktop Bottom Promotion