உங்களின் உயர் இரத்த அழுத்தத்தை குறைக்க வால்நட்டை ஒருநாளைக்கு இவ்வளவு சாப்பிட்டால் போதுமாம்...

சரும ஆரோக்கியம்

அனைத்து சருமம் மற்றும் முடி பராமரிப்பு தயாரிப்புகளில் வால்நட் பயன்படுத்தப்படுவதை பார்க்கலாம். வால்நட்களில் வைட்டமின்கள் உங்கள் சரும ஆரோக்கியத்தை பாதுகாப்பதுடன் இதனை உங்கள் உணவில் சேர்த்து கொள்வது உங்களுக்கு பல அற்புத பலன்களை வழங்குகிறது.

ஊட்டச்சத்துக்கள்

வால்நட்களில் இரும்புச்சத்து, ஜிங்க், வைட்டமின் ஈ மற்றும் கால்சியம் அதிகமுள்ளது. இதில் இருக்கும் ஆன்டி ஆக்சிடண்ட்கள் நமது உடலில் கெட்ட கொழுப்புகள் சேராமல் தடுக்கிறது. மேலும் இதில் இருக்கும் ஒமேகா 3 அமிலம் மற்றும் ஆல்பா லினோலிக் அமிலம் இரத்த அழுத்தத்தை சீராக வைத்திருக்க உதவுகிறது. கார்டியோ வாஸ்குலர் பிரச்சினைகள் இருப்பவர்கள் வால்நட் எடுத்து கொள்வது அவர்களின் இரத்த அழுத்தத்தை குறைக்கும்.

இரத்த அழுத்தம்

உயர் இரத்த அழுத்தம் உள்ளவர்கள் உணவில் குறைந்த நிறைவுற்ற கொழுப்புகளை உங்கள் உணவில் கண்டிப்பாக சேர்த்து கொள்ள வேண்டும். மேலும் இதிலிருக்கும் பாலிபீனால்கள், ALA ஒமேகா 3 அமிலம் மற்றும் மக்னீசியம் வீக்கம் மற்றும் ஆக்ஸிஜனேற்ற அழுத்தத்தை எதிர்த்துப் போராட உதவுகின்றன. நீங்கள் ஒரு நாளைக்கு சாப்பிடும் ஒவ்வொரு கிராம் ஆல்பா லினோலிக் அமிலமும் இதய நோய்களால் இறக்கும் அபாயத்தை 10% குறைக்கிறது என்று ஆராய்ச்சியாளர்கள் நிரூபித்துள்ளனர்.

பக்க விளைவுகள்

இதனால் நீங்கள் வால்நட்களை அதிகம் சேர்த்து கொள்ள வேண்டுமென்ற அவசியமில்லை. ஆரோக்கியமான பொருளையும் அதிகமாகி சாப்பிடுவது பல பக்கவிளைவுகளை ஏற்படுத்தும். 45 கிராம் அளவிற்கு மேல் ஒருபோதும் வால்நட்களை உணவில் சேர்த்துக்கொள்ள கூடாது அப்போதுதான் உங்களுக்கு அதன்மூலம் ஆரோக்கியம் கிடைக்கும். எளிதில் கிடைக்கக்கூடிய இதை எப்படி வேண்டுமென்றாலும் உங்கள் உணவில் சேர்த்து கொள்ளாலாம்.

எப்படி எடுத்துக்கொள்ளலாம்?

தயிர் அல்லது ஓட்ஸில் நொறுக்கப்பட்ட வால்நட்களை சேர்த்து சாப்பிடலாம். வால்நட்டை பச்சையாக சாப்பிடுவதை விட நீரில் ஊறவைத்து சாப்பிடுவது அதிக பலன்களை வழங்கும் என்று ஊட்டச்சத்து நிபுணர்கள் கூறுகிறார்கள்.