மொச்சைக் கொட்டையை சாப்பிடுவதால் இந்த நோய்களை ஒதுக்கி வைக்கலாம் என தெரியுமா?

கர்ப்பிணிகளுக்கு நன்மை :

கர்ப்பிணிகளுக்கு கால்சியம் மற்றும் இரும்பு சத்து மிக முக்கியம், இந்த இரண்டும் பரிந்துரைக்கபட்ட அளவு மொச்சையில் உள்ளது என்பது மகிழ்ச்சியான விஷயம்.

பார்கின்ஸன் நோய் :

மொச்சையில் லெவோடோபா என்ற வேதிப் பொருள் உள்ளது. இந்த பொருளைத்தான் பார்கின்ஸன் நோய் இருப்பவர்களுக்கு மருந்தாக மாத்திரைகளில் உபயோகப்படுகிறது.

மன அழுத்தம் :

மொச்சையிலுள்ள அமினோ அமிலம் டோபமைன் நல்ல மன நிலையை அதிகரிக்கச் செய்கிறது. மன அழுத்தத்தை தடுக்கும் என பல ஆய்வுகள் கூறுகின்றன.

ஃபோலிக் அமிலத்தை அதிகம் கொண்டது :

ரத்த உற்பத்தி, இதயம், நோய் எதிர்ப்பு மண்டலம் ஆகியவ்ற்றிற்கு நல்ல பலன்களை தரும் வகையில் மொச்சையில் ஃபோலிக் அமிலமும் மெக்னீசியமும் உள்ளது. இவை ஒட்டு மொத்த உடல் செயல்பாட்டிற்கு தேவையான சத்தை தருகிறது.

அதிக சத்துக்களை கொண்டது :

வெறும் கால் கப் அளவு மொச்சையில் காப்பர், மெக்னீசியம், விட்டமின் பி1, தையமின், பொட்டாசியம், இரும்பு சத்து, ஆகியவ்ற்றை கொண்டுள்ளது..

உடல் எடை குறைக்கும் :

1 கப் மொச்சையில் 40 கிராம் புரோட்டின் உள்ளது. இது உடலிலுள்ள கொழுப்பை குறைத்து கலோரிகளை எரிக்க உதவும். அதனால் வேகமாக உடல் எடை குறைய உதவும்.

கரையும் நார்சத்து இதயத்திற்கு பலம் :

1 கப் அளவு மொச்சையில் 36 கிராம் நார்சத்து உள்ளது. அதுவும் கரையக் கூடிய நார்சத்து இருப்பதால் அது கொலஸ்ட்ராலையும் , சர்க்கரை அளவையும் கட்டுக்குள் வைத்திருக்கும் என ஆய்வு தெரிவிக்கிறது.