தொண்டை அழற்சி நோய் இருக்குதா? ஈஸியா குணப்படுத்தலாம்!!!

வேக வைத்த சாதம்

சாதம் மிகவும் மென்மையாகவும், விழுங்குவதற்கு ஈஸியாகவும் இருக்கும். அதிலும் மசாலாப் பொருட்கள் சேர்க்காமல் இருக்கும் வெள்ளை சாதம் மிகவும் சிறந்தது. மேலும் அந்த சாதத்துடன், சிறிது கிராம்பை பொடி செய்து போட்டு சாப்பிட்டால், தொண்டையில் இருக்கும் அழற்சியை குணப்படுத்தலாம்.

பாஸ்தா

தொண்டையில் பிரச்சனை உள்ளவர்களுக்கு வேக வைத்த பாஸ்தா சிறந்த உணவாக இருக்கும். இந்த பாஸ்தா தொண்டையில் உள்ள புண் மற்றும் இதர பிரச்சனைகளை சரிசெய்துவிடும். இதற்கு காரணம் இதில் தொண்டையில் அழற்சியை தூண்டும் எந்த ஒரு பொருளும் சேர்க்காததாலேயே ஆகும். குறிப்பாக பா1தா சமைக்கும் போது, அதில் சீஸ் சேர்க்காமல் இருப்பது நல்லது. ஏனெனில் அது தொண்டையில் சிக்கிக் கொண்டு, எரிச்சலை உண்டாக்கும்.

இஞ்சி

தொண்டையில் ஏற்படும் நோய்களை குணமாக்குவதில் இஞ்சி மிகவும் சிறப்பானது. அதற்கு இஞ்சியை தேனில் நனைத்து சாப்பிட்டால், உடனே குணமாகிவிடும். மேலும் வறட்சியான இருமல் வருவதும் சரியாகிவிடும்.

தேன்

தேனில் நிறைய மருத்துவ குணங்கள் நிறைந்துள்ளன என்பது அனைவருக்குமே தெரியும். அதிலும் தேனுடன், மிளகுத் தூள் கலந்து சாப்பிட்டால், தொண்டையில் உள்ள அழற்சிப் புண் குணமாகிவிடும்.

வேக வைத்த பசலைக் கீரை

கீரைகளில் பசலைக் கீரையை வேக வைத்து சாப்பிட்டால் நல்லது. பொதுவாக கீரைகளில் நிறைய சத்துக்கள் உள்ளன. எனவே தொண்டையில் அழற்சி உள்ளவர்கள், பசலைக் கீரையை சூப் செய்து, அதில் சிறிது மிளகுத் தூள் சேர்த்து சாப்பிட்டால், உடல் ஆரோக்கியமாக இருப்பதோடு, தொண்டையில் உள்ள பிரச்சனைகளும் நீங்கும்.

மசித்த உருளைக்கிழங்கு

இது ஒரு ஆரோக்கியமான மற்றும் தொண்டை அழற்சியைக் குணப்படுத்தும் உணவுகளில் ஒன்று. அதிலும் இதனை தயார் செய்து சாப்பிடுவது மிகவும் எளிமையானது.

இஞ்சி மற்றும் எலுமிச்சை

பானங்களில் எலுமிச்சை மற்றும் இஞ்சி கலந்து செய்யப்படும் ஜூஸ் சிறந்த பலனை தரும். அதற்கு ஒரு டம்ளரில் எலுமிச்சை சாற்றுடன், இஞ்சியை தட்டிப் போட்டு, தண்ணீர் ஊற்றி, சிறிது தேன் ஊற்றி குடிப்பது நல்லது.

முட்டை

முட்டையை உடைத்து ஊற்றி, மென்மையாக கிளறி பொரியல் போன்று செய்து சாப்பிட்டால், தொண்டை அழற்சி குணமாகும்.

இட்லி

இட்லி மிகவும் மென்மையாக இருப்பதோடு, ஆரோக்கியத்தையும் தரும். அதிலும் இந்த இட்லியை சூடாக சாம்பார் இல்லாமல் சாப்பிட வேண்டும். ஏனெனில் சாம்பாரில் புளி மற்றும் மசாலாப் பொருட்கள் இருப்பதால், அவை தொண்டைக்கு அதிக கேடு விளைவிக்கும்.

எலுமிச்சை மற்றும் தேன்

இது தொண்டை அழற்சியை குணப்படுத்தும் வீட்டில் செய்யப்படும் ஒரு மருத்துவ பானம். அதற்கு வெதுவெதுப்பான நீரில், சிறிது தேன் மற்றும் எலுமிச்சை சாற்றை கலந்து குடிக்க வேண்டும்.

தயிர்

அனைவரும் தொண்டையில் பிரச்சனை ஏதேனும் இருந்தால், தயிரை அறவே தவிர்க்க வேண்டும் என்று சொல்வார்கள். ஆனால் உண்மையல் மிகுந்த குளிர்ச்சியான தயிரை சாப்பிடுவதால் தான் பிரச்சனை ஏற்படும். அறை வெப்பநிலையில் இருக்கும் தயிரை சாப்பிட்டால், தொண்டையில் உள்ள பிரச்சனை குணமாகும்.